Dagblaðið Vísir - DV - 23.05.2012, Blaðsíða 17

Umræða 17Miðvikudagur 23. maí 2012
Vinsæl
ummæli
við fréttir DV.is í vikunni
„Ég tók það reyndar
fram í samtali mínu
við blaðamann að
DV væri ekki barnanna best
í þessum málum. Reglulega
með hálfgerðar hetjufréttir
um hrotta. Þó þau ummæli
hafi ekki skilað sér í blaðið
finnst mér í lagi að þau komi
þá fram hér.“
Sigurður Hólm Gunnarsson
um umfjöllun um að hann hafi
hvatt vini sína á Fésbók til að
sniðganga tónlistarhátíðina Reykjavík
Live vegna auglýsingar hátíðarinnar með
Jóni Hilmari Hallgrímssyni í aðalhlutverki,
betur þekktum sem Jóni Stóra.
„Merkilegt að allt
varð brjálað þegar Siv
Friðleifs var teiknuð
sem „portkona“ að bjóða
atkvæði sitt. Allt vitlaust á
Alþingi og siðferðispostular
öskruðu af reiði og farið var
fram á afsökun þeirra sem að
því stóðu. Nú var þó æpandi
þögn.“
Ebenezer Þórarinn Ásgeirsson
um þá frétt að Ólafur Ísleifsson
lektor hafi verið ekki sáttur við
skopmynd er birtist af forseta Íslands í
Fréttablaðinu þann 19. maí síðastliðinn
„Er hægt að væla
yfir öllu... Finnst bara
frábært hjá Kiwanis
og Eimskip að gefa krökum
hjálma og hvaða máli skiptir
hvernig þeir eru á litinn.“
Særún Jónsdóttir
um þá frétt að Hildi
Lilliendahl finnst það tíma­
skekkja að Eimskip og Kiwanis gefi
börnum í 1. bekk bleika og bláa hjálma.
„Talandi um að kasta
steinum úr glerhúsi,
hvað ætli hún hafi
sett inn margar óvinsælar
fréttir um skilnaði og fleira og
Baggalútur er ekkert að hlífa
fólki, já sárt á eigin skinni.“
Sæunn Guðmundsdóttir
um frétt á DV.is að Tobba
Marinósdóttir hafi verið ósátt
við umfjöllun Séð og heyrt um að
faðir hennar hafi fengið hjartastopp.
„Eins og ég ef alltaf
sagt. Duft er drasl! Ef
þú getur ekki ræktað
það eða veitt það þá áttu ekki
að borða það!“
Haraldur Dean Nelson um þá
frétt að tveir íslenskir læknar
séu að rannsaka tengsl lifrar­
skaða og notkunar á fæðubótarefninu
Herbalife á Íslandi en þeir hafi fundið
tíu tilfelli hjá Íslendingum þar sem
talið er að lifrarskaða megi rekja
til notkunar á fæðubótarefninu.
„Veit ekkert um
þessa Berglind, EN
mikið djöfull geta
heimskir menn og konur
komist upp með að skaða
aðra, hvílík óværa þessi
„skrímsli“! Kæra þjóð sam-
stöðu við ÚTRÝMINGU Hjóla
Hrotta sem og annara er
skaða og skemma fyrir þriðja
aðila!“
Gretar Eirikss um viðtal við
Berglindi, fórnarlamb tveggja
líkamsárása en fjögur sitja enn
í gæsluvarðhaldi út af fyrri árásinni
sem þótti sérstaklega hrottaleg.
20
175
81
23
85
58
„Ekki tíðkast að aftur-
kalla orðuveitingar“
önnum sem felast í embættinu.
Ragnar Pétursson: Þú talar um
óvissutíma. Felur það í sér að þjóðin og
ráðamenn hennar geti að þínu mati
farið illa að ráði sínu á næstu misserum, glutrað
niður tækifærum eða fært mál til verri vegar?
Hvernig þá helst?
 Ólafur Ragnar: Óvissa er um nýja stjórnar­
skrá, óvissa um fjölda flokka og stöðuna á
Alþingi að loknum næstu þingkosningum,
óvissa um samband okkar við Evrópu,
ýmiss konar óvissa í efnahagsmálum.
Þótt okkur hafi miðað áfram í áttina að
endurreisn þarf ennþá að efla sóknina
á mörgum sviðum og skapa nýjum kyn­
slóðum fjölda tækifæra.
Inga Sörens: Hr. Ólafur, eru einhver 3
atriði sem þú getur nefnt sem þú munir
leggja meiri áherslu á en á liðnum
kjörtímabilum?
 Ólafur Ragnar: Að fjölga tækifærum unga
fólksins, nýta þá miklu möguleika sem
Ísland býr yfir, efla samstöðu fólksins í
landinu og stuðla að því að komið verði í
veg fyrir að stór ágreiningsmál séu sífellt
á dagskrá. Þjóðin þarf nú samstöðu og
sókn.
Aðalsteinn Reykjalín: Ertu með eða á
móti inngöngu Íslands í Evrópusam­
bandið?
 Ólafur Ragnar: Ég hef í áratugi talið að
hagsmunum Íslands væri líkt og Noregs
betur borgið utan Evrópusambandsins.
Ég skil þau sjónarmið sem leiddu til
umsóknar eftir hrun bankanna en bendi
á að Finnland er eina landið í Evrópu sem
er með evru. Öll önnur nágrannaríki og
helstu frændþjóðir Íslands hafa talið
hagsmunum sínum borgið með sjálf­
stæðum gjaldmiðlum.
Kári Jónsson: Í því ljósi að kvótamálið
er í öngstræti, telur þú að öll
framkomin frumvörp og þingsályktanir
eigi/geti farið til þjóðarinnar?
 Ólafur Ragnar: Ýmiss konar ruglandi
hefur verið í umræðunni varðandi mína
afstöðu. Ég hef ekki lýst neinni skoðun
á frumvörpunum sem eru nú til umræðu
á Alþingi. Enda veit enginn hvernig þau
kunna að líta út á endanum. Að því leyti
er afstaða mín í fullu samræmi við það
sem ég hef sagt áður. Hins vegar taldi ég
almennt séð að vilji þjóðarinnar varðandi
ráðstöfun mikilvægustu auðlinda hennar
væri málefni sem eðlilegt gæti verið að
þjóðin ákvæði ef verulegur hluti almenn­
ings óskar eftir því.
Ingimar Helgason: Sæll, hvað
hyggstu verja hárri upphæð til
kosningabaráttunnar og hvernig er hún
fjármögnuð?
 Ólafur Ragnar: Ég ætla ekki að verja
miklum upphæðum í þessa baráttu.
Hingað til hefur fjölskyldan og Ólafía
komið að henni. Við munum hins vegar
eins og aðrir frambjóðendur leita eftir
styrkjum frá almenningi í samræmi við
gildandi lög.
Ingibjörg Stefánsdóttir: Hver er
afstaða þín til fjárfestinga Kínverja hér
á landi?
 Ólafur Ragnar: Í rúm 10 ár hef ég lagt
ríka áherslu á að efla tengsl við Indland
og Kína enda verða þau helstu aflvélar í
efnahagslífi 21. aldar. Það starf er ágætt
dæmi um frumkvæði forseta á alþjóða­
vettvangi sem nú þegar hefur skilað
miklum árangri. Einstakar fjárfestingar
verður að meta eftir efni máls. Nú þegar
eiga Kínverjar Járnblendiverksmiðjuna
á Grundartanga og mér vitanlega hefur
enginn mótmælt því.
Haukur Hallsson Af hverju vísaðir þú
lögum nr. 12, 2003, um Kárahnjúka­
virkjun og álverið á Reyðarfirði, ekki í
þjóðaratkvæði – einu mesta átakamáli
áratugarins?
 Ólafur Ragnar: Það mál kom ekki á mitt
borð með þessum hætti og mér bárust
engar óskir sem gæfu til kynna að ríkur
þjóðarvilji væri á bak við slíka atkvæða­
greiðslu. Að þessu leyti bar fjölmiðlalögin
og Icesave að með öðrum hætti.
Helgi Björgvinsson: Lítur þú á það
sem þitt hlutverk að auka á beint
lýðræði í landinu með fleiri þjóðar­
atkvæðagreiðslum, dugar fulltrúalýðræðið ekki
lengur?
 Ólafur Ragnar: Ég hef í áratugi stutt beint
lýðræði og flutt tilllögur um rétt almenn­
ings til að krefjast þjóðaratkvæðis. Það
er ekki eðlilegt að það vald sé bara hjá
forsetanum. En þannig er núverandi
stjórnarskrá. Þangað til henni verður
breytt er forsetinn sá eini sem getur fært
þjóðinni þennan rétt ef Alþingi er á öðru
máli.
Sveinn Arnórsson: Myndir þú sem
forseti skipta þér af þjóðaratkvæði um
aðild að Evrópusambandinu?
 Ólafur Ragnar: Aðild að Evrópusam­
bandinu er stærsta mál Íslendinga frá
lýðveldisstofnun. Það væri óeðlilegt
ef forseti lýsti ekki skoðun sinni í slíku
grundvallarmáli sem hefði afgerandi
áhrif á fullveldisstöðu þess. Um hvað á
forsetinn að tala ef hann á að þegja um
stærstu mál þjóðarinnar?
Logi Sigurðsson: Af hverju eru ekki
lengur kindur á Bessastöðum eins áður
var?
 Ólafur Ragnar: Því miður eru æðarkoll­
urnar eini búskapurinn á Bessastöðum en
Dorrit hefur lengi verið að suða í því að fá
hænur og kindur.
Brynjar Erluson: Hvaða lið styður þú í
ensku knattspyrnunni og hvert er lið
þitt hér á Íslandi?
 Ólafur Ragnar: Ég hef alltaf stutt Man­
chester United, síðan ég var þar við nám.
Dorrit styður Chelsea og fagnaði ógurlega
um helgina. Á Íslandi hef ég alltaf stutt
Akranes. Enda var það eina utanbæjar­
liðið sem keppti í Íslandsmótinu þegar ég
kom strákur að vestan.
Bragi Antoníusson: Hver yrðu þín
næstu skref næðir þú ekki endurkjöri?
 Ólafur Ragnar: Þá færum við
Dorrit að huga betur að garðinum á
Sámsstöðum, en það kallar Dorrit húsið
sem við keyptum í Mosfellsbæ.
Hafsteinn Hannesson: Hvað finnst
þér um þá hugmynd sem Pétur Blöndal,
Jón Baldvin og fleiri hafa komið með,
um að leggja niður forsetaembættið ?
 Ólafur Ragnar: Það er slæm hugmynd.
Nær 100% ríkja heims eru með þjóðhöfð­
ingja og telja að slíkt embætti gagnist
þeim á margvíslegan hátt, styrki stöðu
þeirra á alþjóðavettvangi, efli samvinnu
á mörgum sviðum og skapi tækifæri til
sóknar og bættra lífskjara. Sjáum til
dæmis hvernig Norðurlöndin nýta sína
þjóðhöfðingja.
Guðjón Sigurðsson: Munt þú áfram
styðja við baráttu fatlaðra fyrir
mannréttindum, hér og erlendis?
 Ólafur Ragnar: Tvímælalaust. Það hefur
veitt mér ánægju og verið lærdómsríkt
að styðja baráttu fatlaðra hér heima og
á alþjóðavettvangi, bæði með samstarfi
við samtök fatlaðra og Special Olympics.
Fátt hefur veitt mér meiri ánægju.
Sólon Árnason: Herra forseti. Hvað
áttu við þegar þú talar um að fjölga
tækifærum unga fólksins, hvað gætir
þú sem forseti gert í þeim málum?
 Ólafur Ragnar: Við Dorrit höfum á marg­
víslegan hátt stutt ungt fólk í atvinnulífi,
menningu, hönnun og listum. Stuðlað að
samstarfi við erlenda háskóla og opnað
nýjar menntabrautir. Margt af þessu var
fyrir nokkrum árum litlir sprotar en er nú
blómleg starfsemi. Kjarninn í störfum
mínum og málflutningi hefur verið að
ungt fólk gæti í senn haft rætur á Íslandi
en verið heimsborgarar í athöfnum sínum.
Níels Harðarson: Sæll. Mig langaði að
heyra þína skoðun á krónunni og hvaða
gjaldmiðil við ættum að vera með.
 Ólafur Ragnar: Aðalatriði eru framfarir í
efnahagslífi og velferð. Þar hefur Ísland
náð í fremstu röð þrátt fyrir áföll, var áður
ein fátækasta þjóð í álfunni. Krónan er
tæki, ekki markmið. Allar þjóðir í Norður­
Evrópu nema Finnar eru með sína eigin
mynt.
Sveinn Kristjánsson: Sæll Ólafur, ertu
Apple­ eða PC­maður ?
 Ólafur Ragnar: Ég hef lengst af
verið PC­maður en hef undanfarna mán­
uði notað iPad sem er galdratæki.
Ingibjörg Stefánsdóttir: Hver er
afstaða þín til mannréttindabrota
Kínverja gagnvart eigin þegnum?
Skiptir það máli þegar tekin er afstaða til
samstarfs við þá?
 Ólafur Ragnar: Á öllum fundum sem ég
hef átt með kínverskum ráðamönnum,
forsetum Kína, forsætisráðherra og
öðrum hef ég ávallt sett mannréttindi
á dagskrá. Samræða við Kínverja um
mannréttindi er smátt og smátt að skila
árangri þótt margt sé enn óunnið. Þeir
hafa lýst áhuga á samstarfi við íslenskar
fræðastofnanir og samtök varðandi
þróun mannréttinda, vilja skilja hvernig
okkur hefur tekist að ná í fremstu röð á
þessu sviði, þótt við hefðum við upphaf
sjálfstæðisbaráttunnar haft lítil sem
engin mannréttindi í nútímaskilningi.
Brynjólfur Ívarsson: Hvernig tókst þér
að komast yfir jafn glæsilega konu?
Ertu með einhver ráð fyrir unga menn á
þeim buxunum?
 Ólafur Ragnar: Að gefast ekki upp og
halda sínu striki, lýsa ást og umhyggju en
umfram allt vera skemmtilegur. Annars
hjálpaði nú Ísland, Dorrit hefur oft sagt
að hún hafi fallið fyrir því fyrr en mér.
Þorgeir Helgason: Nú er eitt helsta
hlutverk forsetaembættisins það að
vera sameiningartákn þjóðarinnar.
Telur þú þig, eftir að hafa sundrað þjóðinni í
Icesave­málunum, geta nokkru sinni orðið aftur
sameiningartákn?
 Ólafur Ragnar: Forsetinn hefur mörg
hlutverk, bæði að taka erfiðar ákvarðanir
og stuðla að einingu þjóðarinnar. Í fyrstu
voru margir æfir yfir ákvörðun minni í
Icesave en nú telja nær allir og kannski
allir að hún hafi verið hárrétt. Þjóðin
hefur sameinast í andstöðu við Icesave­
samninginn, sem fyrst var greitt atkvæði
um. Þannig gat ákvörðun forseta sem í
upphafi var umdeild orðið til að sameina
þjóðina.
Elís Kjartansson: Hefurðu hugleitt að
leysa upp núverandi þing og boða til
kosninga?
 Ólafur Ragnar: Nei, ég hef ekki hugleitt
það. Þingrof kemur aðeins til greina ef
störf Alþingis og samstarf flokkanna er
komið í öngstræti.
Jónas Halldórsson: Er kreppan búin?
 Ólafur Ragnar: Kreppan er ekki
búin þótt okkur hafi miðað áfram.
Það ríkir enn kreppa víða í Evrópu og
víðar. Því þurfum við áfram að standa
vaktina og beita árangursríkum
aðferðum.
Ólafur Sindri: Í framhaldi af spurningu
Helga um Hollywood­myndina, herra
forseti, hvern sæjuð þér fyrir yður í
hlutverki Dorritar?
 Ólafur Ragnar: Helena Bonham­Carter.
Tryggvi Hermannsson: Eru
hybrid­bílar eitthvað sem koma skal?
Nú ertu sjálfur á einum slíkum. Mætti
ekki lækka tolla á þeim bílum?
 Ólafur Ragnar: Jú, það er skynsamlegt
að efla notkun umhverfisvænna bíla. Ég
hef reynt að beita mér sem forseti í því
skyni, meðal annars með því að fá rafbíla
frá Indlandi og Kína. Kannski koma á
næstu árum kínverskar rafmagnsrútur
til Íslands. Og margir ferðamenn munu
nota þær.
Móheiður Geirlaugsdóttir: Hver er
afstaða þín til landsyfirtöku
Ísraelsmanna og mannréttindabrota
þeirra á Palestínumönnum?
 Ólafur Ragnar: Ég hef ávallt rætt málefni
Palestínumanna við áhrifamenn í Ísrael
og margir þeirra hafa ríka samúð með
réttindum Palestínumanna. Landsyfir­
tökur hafa oft truflað friðarviðræður og
komið í veg fyrir grundvöll sátta.
Ólafur Hand: Nú er landkynning eitt af
verkefnum forsetans. Makar forseta
víðs vegar um heim taka þessu verkefni
alvarlega og eru oft meira áberandi í því en
sjálfur forsetinn. Á Dorrit enn eitthvað uppi í
erminni?
 Ólafur Ragnar: Dorrit á margt uppi í
erminni. Og kemur sífellt á óvart. Í fyrra
fór hún að kynna þorskalifur og nú
eiga fjölmargar sjálfbærar vörur sem
framleiddar eru á Íslandi hug hennar
allan sem og hönnun og ferðaþjónusta á
heilbrigðissviði. Ef einhver er svartsýnn á
framtíð Íslands þá ætti hann að tala við
Dorrit í fimm mínútur.
Friðrik Karlsson: Geturðu hugsað þér
að setja fjárlög í þjóðaratkvæða­
greiðslu?
 Ólafur Ragnar: Nei, ég hef ekki hugleitt
það.
Höskuldur Sveinsson: Óttastu að
þjóðinni verði þröngvað inn í ESB ef þú
verður ekki til staðar til að koma í veg
fyrir það? Eða er ekki venjan að þjóðar­
atkvæðagreiðslu sé krafist áður en þjóðir
ganga þar inn?
 Ólafur Ragnar: Það er ekki hægt að
þröngva þjóð á þann hátt. Hins vegar er
margt óljóst um slíka þjóðaratkvæða­
greiðslu. Sumir segja að hún verði
eingöngu ráðgefandi og Alþingi eigi að
hafa síðasta orðið. Enda þingmenn bara
bundnir af samvisku sinni. Ég mun beita
mér fyrir því að slík þjóðaratkvæða­
greiðsla verði afdráttarlaus og endanleg.
Ragnar Hjálmarsson: Heill og sæll,
gætir þú skýrt betur hvað þú áttir við
þegar þú sagðir í Grindavík (skv.
fréttum): „Þið treystið þinginu betur en 101
Reykjavík?“ Einkennast samskipti Reykjavíkur
og landsbyggðarinnar af átökum?
 Ólafur Ragnar: Þetta var spurning
vegna ummæla sjómanns sem sagðist
ekki treysta fólkinu í Reykjavík til að
ákveða stefnuna í sjávarútvegsmálum.
Á fundinum kom fram ótti sjómanna og
fiskvinnslufólks við vaxandi tortryggni
íbúa höfuðborgarsvæðisins gagnvart
fólkinu í sjávarútvegi. Þessi ótti kom mér
á óvart og ég held að hann sé nýr. Slíka
gjá þarf að brúa.
Agnar Þorsteinsson: Af hverju hefur
embættið ekki afturkallað orðuveit­
ingar til útrásarvíkinganna og af hverju
hefurðu ekki enn beðist afsökunar á þjónkun
þinni við þá sem gekk langt út fyrir öll mörk sbr.
skýrslu RNA?
 Ólafur Ragnar: Það hefur ekki tíðkast að
afturkalla orðuveitingar. Aðeins tveir af
svokölluðum útrásarvíkingum hlutu orð­
una. Ég hef stutt mikinn fjölda íslenskra
fyrirtækja og flest þeirra eru enn að skila
þjóðinni miklum arði t.d. Össur, Marel,
Actavis, CCP, Icelandair, Latibær, Marorka
og Mentor, svo fáein dæmi séu nefnd. Um
bankana hef ég oft fjallað enda studdu
allir þá, bæði stjórnvöld, háskólasamfé­
lagið, fjölmiðlar og menningarstofnanir.
Enda bankarnir stærstu fyrirtæki Íslands
á sínum tíma. Við hefðum hins vegar átt
að hlusta betur á viðvaranir en lærum af
þeirri reynslu.