Dagblaðið Vísir - DV - 02.07.2012, Side 15

Datt niður og Dó
eftir að Dómur féll
Nánast allir flúnir
n Pesqueria í Mexíkó er draugabær
F
yrir tæpum þremur árum
bjuggu meira en 15 þúsund
manns í bænum Pesqueria í
Mexíkó, við landamæri Texas. Í
dag búa þar hins vegar aðeins nokkr­
ar hræður sem hafa enn ekki flúið
bæinn vegna þess að þeir hafa ekki
efni á því. Þegar gengið er um bæ­
inn sést yfirgefin bensínstöð, þar eru
engir bílar á ferli en hins vegar má
sjá sundurskotnar byggingar og bíla
sem hafa verið sprengdir í loft upp.
Pesqueria er einn af meira en 10
bæjum í norðurhluta Mexíkó sem er
orðinn að draugabæ vegna þess að
flestir íbúar hafa flúið undan nán­
ast stanslausri skothríð. Pesqueria
og aðrir bæir í Norðurhluta Mexíkó
eru meðal vígvalla stríðsins á milli
fíkniefnahringja í Mexíkó sem hefur
kostað um 50 þúsund manns lífið á
síðustu fimm árum. Samkvæmt nýj­
um tölum hafa um 140 þúsund íbú­
ar flúið heimili sín í landinu í kjöl­
far stríðsins, en það er sami fjöldi og
flúði heimili sín í stríðinu í Líbíu á
síðasta ári þegar Gaddafi einræðis­
herra var steypt af stóli.
Einn af örfáum íbúum sem eftir
eru í Pesqueria, roskinn, fátækleg­
ur maður, sagði við CNN sjónvarps­
stöðina að hann myndi gjarnan vilja
flýja bæinn. „Ég bý við stanslausan
ótta og það er ástæðan fyrir því að
flestir eru fluttir héðan. Skotbardagar
eru nánast daglegir á þessu svæði og
ég myndi flýja ef ég hefði efni á því.“
Flestir íbúa bæjarins hafa flúið
yfir landamærin til Bandaríkjanna
þar sem þeir telja sig vera öruggari
eða til borgarinnar Monterrey sem er
í um 30 kílómetra fjarlægð.
Erlent 15Mánudagur 2. júlí 2012
Ofbeldi Lögreglan
er ekki einu sinni í
bænum lengur.
L
ögreglan í Phoenix í Arizona
í Bandaríkjunum telur að
Michael Marin, dæmdur
brennu vargur, hafi framið
sjálfsvíg í réttarsal með því að
innbyrða eitur, aðeins nokkrum sek­
úndum eftir að kviðdómur komst að
þeirri niðurstöðu að hann væri sekur.
Myndavélar voru á Marin nær
allan tímann sem hann var inni í rétt­
arsalnum á fimmtudaginn í síðustu
viku og af upptökum af dæma má sjá
örvæntingarfull viðbrögð hans við
úrskurðinum. Hann sást setja hend­
ur fyrir andlit sitt og að því er virðist
troða einhverju upp í sig. Nokkrum
mínútum síðar, á meðan hann var
enn í réttarsalnum, féll hann í gólf­
ið og lést.
Gleypti eitthvað
Málið er allt hið furðulegasta. Mar­
in var sakfelldur fyrir að kveikja í lúx­
usvillu í sinni eigu eftir að hann réð
ekki lengur við afborganir af henni.
Hann fannst ringlaður fyrir utan al­
elda húsið eftir að hafa tekist að flýja
út úr því. Hann var klæddur í kafara­
búning þegar lögreglu og slökkvilið
bar að garði.
Atburðarásin í dómshúsinu í
Pho enix var nokkurn veginn svona:
Marin kom inn í dómsal klukk­
an 12:43 á fimmtudaginn. Það eina
sem hann virtist hafa í fórum sínum
var flaska með drykkjarvatni. Hann
fékk sér sopa áður en hann settist
við borð til þess að hlusta á niður­
stöðu kviðdómsins. Tveimur mín­
útum síðar tilkynnti kviðdómur­
inn að hann væri sekur um það
sem hann var ákærður fyrir. Á einu
augabragði, án þess að mikið bæri
á, virðist sem hann hafi troðið ein­
hverju upp í sig og kyngt. Hann hall­
aði sér síðan aftur í sætinu á meðan
réttarhaldinu lauk og tóku viðstadd­
ir ekki eftir neinu óvenjulegu. Um
það bil fimm mínútum síðar sást
hann aftur setja hendurnar fram­
an í sig og svo virðist sem hann hafi
þá einnig gleypt eitthvað. Hann fékk
sér sopa af vatnsflöskunni klukkan
12:52 og sagði nokkur orð við kon­
una sem sat við hlið hans.
Átti yfir höfði sér 16 ára fangelsi
Skyndilega fékk hann flog og það
byrjaði að freyða úr munnvikun­
um. Hann féll í gólfið í flogakastinu
og viðstaddir reyndu að hjálpa hon­
um. Hann var fluttur með hraði í
sjúkrabíl en 10 mínútum eftir að
hann féll í gólfið var hann úrskurð­
aður látinn.
„Við erum eðlilega þeirrar skoð­
unar að þetta hafi verið sjálfsvíg,“ seg­
ir talsmaður lögreglunnar í borginni
um málið. „Við getum þó ekki stað­
fest það fyrr en að krufningu lokinni.
Lögreglumenn hafa rætt við skyld­
menni Marins að undanförnu til þess
að reyna að komast að því hvort hann
hafi gefið eitthvað í skyn um að hann
hygðist fyrirfara sér ef hann yrði sak­
felldur.
Ekki var búið að ákveða refs­
ingu brennuvargsins en hann átti
yfir höfði sér allt að 16 ára fangelsi.
„Við erum
eðlilega
þeirrar skoðunar
að þetta hafi
verið sjálfsvíg
n Talinn hafa gleypt eitur nokkrum sekúndum eftir að hann var fundinn sekur
Valgeir Örn Ragnarsson
blaðamaður skrifar valgeir@dv.is
Michael Marin Nokkrum sekúndum eftir að kviðdómur úrskurðaði hann sekan, sást hann
kyngja einhverju. Hann féll í gólfið og lést nokkrum mínútum síðar