Dagblaðið Vísir - DV - 21.09.2012, Page 14

14 Fréttir 21.–23. september 2012 Helgarblað
Í
slenska ríkið hækkar fjárfram-
lög sín til Bændasamtaka Ís-
lands á næsta ári samkvæmt
fjárlagafrumvarpi ríkisstjórnar-
innar. Í frumvarpinu er gert ráð
fyrir hækkun um rúmar níu milljón-
ir króna frá því sem var í fjárlögum
fyrir árið í ár. Ríkið áætlar að veita
425,1 milljón króna til samtakanna
á næsta ári. Fjármunirnir fara all-
ir í skilgreind verkefni samkvæmt
búnaðarlagasamningi frá árinu
2010. Samningurinn er nú til endur-
skoðunar.
Hækkun í raun lækkun
Hækkunin er, samkvæmt fjárlaga-
frumvarpinu og svörum atvinnu-
vega- og nýsköpunarráðuneytisins,
vegna verðlagshækkana og í raun sé
skorið niður um 7,3 milljónir króna.
Frumvarpið, sem Oddný G. Harðar-
dóttir fjármálaráðherra kynnti við
þingsetningu í síðustu viku, gerir ráð
fyrir hagræðingu hjá mörgum ráðu-
neytum og er það einnig gert hjá at-
vinnuvegaráðuneytinu. Þess fyrir
utan er gert ráð fyrir verðlagshækk-
unum upp á 16,6 milljónir króna á
næsta ári sem þýðir að hækkun er á
greiðslum til samtakanna sem nem-
ur mismuninum.
Í ársreikningi Bændasamtak-
anna yfir þau verkefni sem samtökin
sinna fyrir ríkið kemur fram að veru-
lega hefur dregið úr framlögum frá
ríkinu síðan 2008. Framlög ríkisins
voru í heild, samkvæmt skýrslunni,
638,7 milljónir króna árið 2008. Árið
2011 voru framlögin í heild búin að
lækka niður í 541,6 milljónir króna,
eða um 97 milljónir króna. Á síð-
ustu fjórum árum hafa fjárframlög
til samtakanna numið samtals 2.570
milljónum króna.
Dregur úr framlögum
Bændasamtökin skila skýrslu til rík-
isins á hverju ári um hvernig pen-
ingarnir eru nýttir. Samtökin skila
líka ársreikningi, sem er endurskoð-
aður af skoðunarmanni samtak-
anna, til atvinnuvegaráðuneytisins,
Fjársýslu ríkisins og Ríkisendur-
skoðunar. Í skýrslu sem Ríkisendur-
skoðun vann um útvistun opinberra
verkefna til Bændasamtakanna kom
fram að stofnunin teldi að ríkið þyrfti
að efla eftirlit með stofnunni.
„Að mati Ríkisendurskoðunar
verður sjávarútvegs- og landbúnað-
arráðuneytið að efla verulega faglegt
og fjárhagslegt eftirlit sitt með fram-
lögum til landbúnaðar. Það verð-
ur að ganga betur en nú úr skugga
um að nýting og dreifing fjármuna
sé í samræmi við lög, reglugerð-
ir og samninga,” sagði í ábendingu
stofnunarinnar til ráðuneytisins. Þá-
verandi landbúnaðarráðherra, Jón
Bjarnason, tók ágætlega í þessa til-
lögu miðað við þau svör sem birtast
frá ráðuneytinu í skýrslunni.
Peningar bara í verkefni ríkisins
Öllum þeim fjármunum sem ríkið
veitir til Bændasamtakanna er ætl-
að að nýtast í þau verkefni sem sam-
tökin sinna fyrir ríkið. Þessi verkefni
eru samkvæmt núgildandi búnað-
arlagasamningi ráðgjafarþjónusta
og búfjárkynbótastarf auk umsjónar
með úthlutun framlaga til einstakra
bænda vegna þróunar- eða jarð-
bótaverkefna. Bændasamtökin sjá
einnig um að ráðstafa fé til bænda
sem stunda sauðfjár-, mjólkur- og
ylræktarframleiðslu til jarðræktar og
þróunarverkefna.
Í svari atvinnuvegaráðuneytisins
við fyrirspurn DV um þau verkefni
sem Bændasamtökin sinna fyrir rík-
ið kemur fram að fjárframlag ríkisins
dugi ekki til reksturs ráðgjafarþjón-
ustu sem samtökin reka. Umfram-
kostnaður við þau verkefni er að
mestu fjármagnaður með rukkun
sérstaks búnaðargjalds. n
Bændasamtökin fá
meira af peningum
„Á síðustu fjórum
árum hafa fjár-
framlög til samtakanna
numið samtals 2.570
milljónum króna.
Aðalsteinn Kjartansson
blaðamaður skrifar adalsteinn@dv.is
Bændahöllin Bændasamtök Íslands hafa fengið 2,6 milljarða króna frá ríkinu á síðustu
fjórum árum vegna verkefna sem samtökin sinna fyrir ríkið. MynD RóBeRt Reynisson
endurskoðar samninginn
Steingrímur J. Sigfússon, atvinnuvega-
og nýsköpunarráðherra, er nú með bún-
aðarlagasamninginn til endurskoðunar
í ráðuneyti sínu. MynD sigtRygguR ARi
n Ráðuneytið segir framlögin í raun skorin niður um 7,3 milljónir króna
Könnun AsÍ á matvælaverði:
Vörukarfan
lækkaði hjá
Krónunni
Vörukarfa ASÍ hefur ýmist
hækkað eða lækkað hjá mat-
vöruverslunum milli verðmæl-
inga verðlagseftirlitsins í júní
og nýjustu mælingarinnar nú
í september. Á þessu þriggja
mánaða tímabili hækkaði vöru-
karfan mest hjá 10-11, um 2
prósent. Hjá Víði hækkaði hún
um 1,9 prósent, Nettó um 0,8,
Samkaupum-Strax um 0,4 og
Nóatúni um 0,1 prósent.
Verð vörukörfunnar hefur
lækkað töluvert á milli mælinga
hjá Krónunni, eða um 5,5 pró-
sent. Hjá Hagkaupum lækkaði
hún um 3,7 prósent, Samkaup-
um-Úrvali um 2,6 og Bónus um
1,5 prósent. Vöruflokkurinn
mjólkurvörur, ostar og egg hef-
ur hækkað hjá öllum aðilum,
eða um allt að 8,2 prósent. Þetta
kemur fram í tilkynningu sem
ASÍ sendi frá sér á fimmtudag.
Í lágvöruverðverslun-
um lækkaði verð vörukörf-
unnar eins og áður segir mest
hjá Krónunni, en mest lækk-
aði vöruflokkurinn kjötvörur,
um 14,5 prósent. Grænmeti og
ávextir lækkuðu um 11,2 pró-
sent og drykkjarvörur um 9,5
prósent. Hjá Bónus lækkaði verð
vörukörfunnar um 1,5 prósent,
en þar lækkaði vöruflokkurinn
grænmeti og ávextir mest, um
13,3 prósent, en á móti hækkaði
vöruflokkurinn mjólkurvörur,
ostar og egg um 5,6 prósent.
Hjá Nettó hækkaði vöru-
karfan um 0,8 prósent, aðallega
vegna hækkunar á vöruflokkun-
um mjólkurvörur, ostar og egg,
um 4,8 prósent, og kjötvörur um
3,2, en á móti lækkuðu vöru-
flokkarnir hreinlætis- og snyrti-
vörur um 3,3 og ýmsar matvörur
um 2,5 prósent.
Sló hana með hálskeðju
n Dæmdur í fimm ára fangelsi fyrir að nauðga stúlku á heimili hennar
S
tefán Þór Guðgeirsson var sak-
felldur í Hæstarétti á fimmtudag
fyrir að hafa nauðgað stúlku á
heimili hennar þegar hún neit-
aði að sofa hjá honum gegn greiðslu.
Þegar hann hafði lokið sér af stal hann
einnig fartölvu stúlkunnar. Hann var
dæmdur í fimm ára fangelsi. Atvikið
átti sér stað þann 20. september árið
2009, en í dómsorði segir að Stefán
hafi komið í íbúð stúlkunnar, lagt 20
þúsund krónur á borðið og krafist þess
að fá að sofa hjá henni. Forsaga þessa
er sú að hann hafði hringt í hana til að
falast eftir vændi, en hún kvaðst þreytt
og bað hann um að koma seinna.
Hann mætti hins vegar til hennar
og hún neitaði að verða við kröfu hans.
Hann brást þá ókvæða við, þröngvaði
henni til þess að veita sér munnmök,
sló hana með hálskeðju í lærið, hélt
höndum hennar og nauðgaði henni.
Taldist ósannað að hann hefði slegið
hana í andlitið, sem hún sakaði hann
um. Hann braut einnig leirtau í íbúð
hennar og hótaði að taka vegabréf
hennar. Þar að auki mun hann hafa
sprautað yfir hana úr slökkvitæki. Eft-
ir þetta tók hann 20 þúsund krónurnar
aftur, tók fartölvu stúlkunnar og hafði
sig á brott.
Stefán var sýknaður af því að hafa
tekið í hár hennar og dregið hana á
því um íbúðina og ógnað henni með
hnífi. Ákærði viðurkenndi við rann-
sókn málsins og fyrir dómi að hafa
hringt í stúlkuna og falast eftir kynlífi
gegn greiðslu, komið í framhaldi þess
á heimili hennar í því skyni og greitt
henni 20 þúsund krónur fyrir „tott án
smokks“. Hann kvaðst síðan hafa viljað
fá peningana til baka, sem hefðu leg-
ið á hillu við rúm í íbúðinni, þar sem
hún hefði ekki viljað veita þá þjónustu
sem hann bað um. Til stimpinga hefði
komið milli þeirra: „Þegar við fórum
að rífast og ég var að ná í peninginn og
tölvuna þá hélt ég henni bara frá mér.“
Nánar aðspurður um þetta kvaðst Stef-
án hafa ýtt henni frá til að komast að
tölvunni og peningunum, sem hann
hefði svo haft á brott með sér.
Stefán var sakfelldur í Nordhorn
í Þýskalandi í nóvember 2007 og
dæmdur í 21 mánaða fangelsi, skil-
orðsbundið í þrjú ár, fyrir fíkniefna-
lagabrot. Í Hæstarétti var hann dæmd-
ur í fimm ára fangelsi. Honum er gert
að greiða stúlkunni 600 þúsund krón-
ur með vöxtum í skaðabætur. Þar að
auki þarf hann að greiða allan máls-
og áfrýjunarkostnað, tæplega 1,2 millj-
ónir króna. n
Hæstiréttur Íslands Stefán Þór Guðgeirsson lét sér ekki nægja að nauðga stúlkunni
heldur stal hann líka af henni tölvu.