Dagblaðið Vísir - DV - 21.09.2012, Blaðsíða 21

Erlent 21Helgarblað 21.–23. september 2012
Þ
egar ástand mitt var sem
verst áttaði ég mig ekki á
því. Ég áttaði mig ekki á
því hvað ég væri að gera
sjálfri mér og fjölskyldu
minni,“ segir Emma O‘Neill, 22 ára
stúlka frá Glasgow í Skotlandi, sem
um langt skeið glímdi við anorex-
íu. Emma, sem um tíma vó einung-
is tæp 20 kíló, hefur náð undraverð-
um bata og hefur nú sett á laggirnar
samtök sem hafa það hlutverk að
aðstoða anorexíu- sjúklinga í sömu
stöðu og hún var. Samtökin stofn-
aði Emma ásamt tveimur vinkon-
um sínum og bera þau nafnið The
Only Way is Up.
Kynntist sjúklingum sem létust
Emma stundaði íþróttir á sínum
yngri árum og var ávallt í góðu lík-
amlegu formi. Þegar hún var fjórtán
ára fór að bera á þyngdarmissi og
sama ár var hún greind með anor-
exíu. Á unglingsárunum var hún oft
lögð inn á sjúkrastofnanir og sögðu
læknar henni að þeir hefðu aldrei
séð sjúkling í jafn slæmu ásigkomu-
lagi og hana. „Ég átti vini á þessum
stofnunum sem hafa dáið úr þess-
um sjúkdómi. Og þeir voru ekki jafn
veikir og ég,“ segir hún við breska
fjölmiðla. Hún telur sig vera stál-
heppna að vera á lífi. „Ég vil taka
eitthvað jákvætt frá þessari hörmu-
legu lífsreynslu og gera allt sem ég
get til að aðstoða aðra.“
Léttist um 13 kíló á stuttum tíma
Foreldrar Emmu áttuðu sig á því að
ekki væri allt með felldu þegar hún
fór að grennast óhóflega mikið. Á
einungis nokkrum mánuðum fór
hún úr 45 kílóum niður í 32 kíló og
var í kjölfarið lögð inn á sjúkrahús.
„Ég man ekki nákvæmlega hvern-
ig þetta byrjaði. Ég var aldrei þybbin
eða of þung en ég man eftir að hafa
velt því fyrir mér hversu létt ég gæti
orðið.“ Emma hélt áfram að léttast
þrátt fyrir að vera undir eftirliti lækna
enda neitaði hún að nærast. Eftir að
hafa verið á sjúkrahúsi í tvö ár lenti
Emma í atviki sem breytti lífi hennar
til frambúðar. Þá var hún að ganga
yfir götu þegar hún hneig skyndilega
niður. Bifreið kom aðvífandi og var
nálægt því að aka yfir hana.
„Læknarnir höfðu leyft mér að
fara út í einn dag. Ég fór með föður
mínum í verslanir í Glasgow. Ég var
svo veikburða að ég gat varla geng-
ið. Svo þegar ég gekk yfir götu þá
örmagnaðist ég,“ segir hún og bæt-
ir við að þá hafi hún áttað sig á því
hversu slæm heilsa hennar var.
Munu hjálpa fólki
Eftir þetta atvik náði Emma bata
hægt og bítandi. Hún segir að
bataferlið hafi verið langt og strangt
og þurft mikla vinnu. „Anorexían
var eins og fangelsi sem ég gat ekki
flúið. Ég sá hversu slæm áhrif þetta
hafði á alla í kringum mig.“ Nú, átta
árum eftir að Emma greindist með
anorexíu, segist hún loksins vera
sátt með sjálfa sig og hún sé búin að
átta sig á því sem máli skiptir í líf-
inu. „Mikilvægustu hlutirnir eru að
sinna fjölskyldunni, eignast börn,
eiga góðan starfsferil og búa við
góða heilsu.“
Emma stofnaði The Only Way is
Up-samtökin fyrr á árinu með vin-
konum sínum Catherine Morran
og Susan Parker sem einnig hafa
þjáðst af átröskun. „Við munum
fara inn á sjúkrastofnanir, aðstoða
starfsfólk, fjölskyldur og sjúklinga
sem þjást af átröskun. Við erum
þær sem vitum best hvernig hægt
er að ná bata. Ef svona þjónusta
hefði verið til þegar ég lá inni er ég
viss um að mér hefði liðið betur,“
sagði hún að lokum. n
„Eins og fangElsi“
n Emma O‘Neill þjáðist af anorexíu n Náði bata og stofnaði samtök sem hjálpa öðrum
„Ég átti vini
á þessum
stofnunum sem
hafa dáið úr þess-
um sjúkdómi
Einar Þór Sigurðsson
blaðamaður skrifar einar@dv.is
Heilbrigð í dag Emma hefur náð góðum
bata og bætt á sig þyngd hægt og bítandi.
Hún ætlar að einbeita sér að því að aðstoða
stúlkur sem þjást af sama sjúkdómi og hún
þjáðist af.
Skelfilega horuð Emma var einungis 25 kíló þegar hún fagnaði 20 ára afmæli sínu fyrir
tveimur árum.