Dagblaðið Vísir - DV - 29.07.2011, Side 15

Fréttir | 15Helgarblað 29. júlí – 2. ágúst 2011
ónafngreindra manna vegna þjóðern-
is, litarháttar  og  kynþáttar þeirra, en
hann hafði viðrað þann draum sinn
að Ísland yrði aðeins byggt hvítum
einstaklingum. Hann þvertók fyrir að
hann hataði útlendinga.
„Hreint land, fagurt land“
Árið 1996 var blaðið Arísk upprisa gef-
ið út hér á landi. Útgáfustjórinn sagði í
viðtali við Alþýðublaðið að þetta hefði
blundað í honum lengi. Í inngangi
blaðsins segir: „Ég sagði það áður að
tilgangurinn væri ekki að vekja upp
hatur á öðrum kynþáttum, það er alveg
satt. Aftur á móti vil ég vekja upp hat-
ur hjá þér. Ég vil gera þér grein fyrir því
að kynþátturinn er að deyja og fá þig til
að elska hvíta kynþáttinn umfram allt.
Ef þú elskar kynþáttinn þinn getur þú
ekki annað en hatað allt sem eyðilegg-
ur hann.“ 
Blaðið var litað af kynþáttahyggju.
Hvatt var til þess að Íslendingar hættu
að taka við lituðu fólki. Slagorð blaðs-
ins var: „Hreint land, fagurt land.“
Einu stóru skrefi af
fjölmörgum lokið
S
tjórnlagaráð afhendir Ástu
Ragnheiði Jóhannesdóttur,
forseta Alþingis, frumvarp
um nýja stjórnarskrá í dag,
föstudag. Frumvarpið var
endanlega samþykkt á fundi ráðsins
á miðvikudaginn. Þakklæti var áber-
andi á fundinum. Fulltrúar keppt-
ust við að þakka hverjir öðrum fyrir
samstarfið og þá fengu aðrir, svo sem
fjölskyldur fulltrúanna og starfsfólk í
mötuneyti, líka sinn skerf af þökkum.
Katrín Oddsdóttir lýsti yfir ánægju
með að starf stjórnlagaráðs hefði
verið gegnsætt og að þjóðin hefði að-
komu að vinnslu frumvarpsins. Það
sýndi að þjóðinni væri treystandi til
að fjalla um sín mál.
Þrátt fyrir að mikill sáttahugur
væri á fundinum og fólk stolt yfir ár-
angrinum voru ekki allir alveg sátt-
ir. „En nú dregur ský fyrir sólu og fer
ég með hryggð í hjarta mínu heim,“
sagði séra Örn Bárður Jónsson sem
hélt því fram að sátt hefði verið rofin
á miðvikudaginn. Hann var ósáttur
við að nokkrir fulltrúar lögðust gegn
formála að stjórnarskránni þar sem
formálinn væri óþarfur enda án laga-
legs gildis. Þá lýstu Silja Bára Ómars-
dóttir og Íris Lind Sæmundsdóttir
yfir vonbrigðum með að í jafnræðis-
reglu væri kynvitund ekki tilgreind
sem ein af breytum til hliðs við kyn-
hneigð, trú, stjórnmálatengsl og svo
framvegis. Freyja Haraldsdóttir sagði
það hafa verið erfitt að ná sáttum en
það ætti líka að vera erfitt.
Netið kemur inn í frumvarpið
Nokkrar breytingar voru gerðar á
drögunum frá því þau voru fyrst
kynnt. Tvær breytingar voru gerðar á
undirstöðukaflanum. Einni grein var
bætt við fremst í stjórnarskrána og er
þar kveðið á um að Ísland sé lýðveldi
með þingræðisstjórn. Sú grein er ör-
lítil breyting frá fyrstu grein núver-
andi stjórnarskrár, en þar segir að Ís-
land sé lýðveldi með þingbundinni
stjórn. Aftast í undirstöðukaflanum
hefur svo verið bætt við grein sem
kveður á um að stjórnvöldum beri að
tryggja að allir geti notið réttinda og
frelsis sem stjórnarskráin veitir og að
allir skuli virða stjórnarskrána.
Mannréttindakaflinn byrjar nú
á grein sem tryggir fólki meðfædd-
an rétt til lífs. Þá verndar stjórnar-
skráin fólk ekki lengur gegn ágangi
ríkisvalds, heldur mannréttinda-
brota hvort sem það er af hálfu ríkis-
valds eða annarra. Í grein um skoð-
anafrelsi er nákvæmara orðalag um
upplýsta umræðu og kveðið á um
að ekki skuli skerða aðgang að net-
inu og upplýsingatækni nema með
úrskurði dómara. Þá er „fyrir dómi“
komið inn í frumvarpið en drögin
höfðu áður ekki það orðalag þegar
talað var um ábyrgð einstaklinga á
framsetningu skoðana sinna. Orða-
lag hefur einnig breyst í grein um
upplýsingarétt og er nú talað um
heimildir til að takmarka aðgang að
skjölum.
Færri þarf til að krefjast
kosninga
Litlar breytingar hafa verðir gerð-
ar á kaflanum um Alþingi. Nánar er
kveðið um breytingar á kjördæma-
mörkum. Þá hafa greinar um kjör-
gengi og missi kjörgengis verið sam-
einaðar. Bætt hefur verið við gildi
kosninga að úrskurðum landskjör-
stjónar megi skjóta til dómstóla.
Helstu breytingarnar á kafla Al-
þingis eru þær að þriðjungur þing-
manna muni ekki geta farið fram á
þjóðaratkvæðagreiðslu eins og áður
stóð til. Á móti kemur að einungis
þarf tíu prósent þjóðarinnar til að
krefjast þjóðaratkvæðagreiðslu en
ekki 15 eins og áður. Það sama á við
um frumvörp lögð fram af þjóðinni.
Nokkrar breytingar voru gerðar
á utanríkiskaflanum. Fellt var úr
drögunum að forseti Íslands kæmi
fyrir hönd ríkisins sem þjóðhöfð-
ingi. Þá var ákvæði um framsal ríkis-
valds breytt þannig að nú þarf þjóð-
aratkvæðagreiðslu til að samþykkja
skuldbindingar Alþingis sem fela í
sér slíkt ríkisvald.
Að lokum var einni grein bætt
við lokaákvæði stjórnarskráarinnar
þar sem kveðið er á um gildistöku
stjórnskipunarlaga og þá var sett
inn ákvæði til bráðabirgða þar sem
kveðið er á um að einfaldur þing-
meirihluti nægi til að breyta kosn-
ingalögum til samræmis við stjórn-
arskrána, en ákvæðið mun falla úr
gildi eftir að sú breyting hefur verið
gerð.
Vill byrja á breytingarákvæði
Stjórnlagafrumvarpið mun nú fara
sína leið í gegnum Alþingi og gæti
tekið allnokkrum breytingum þar.
Pétur Blöndal, þingmaður Sjálf-
stæðisflokksins, vill ekki afgreiða
frumvarpið núna heldur byrja á
því að breyta 79. grein núverandi
stjórnarskrár en sú grein kveður á
um breytingar á henni. Hann lýsti
þeirri skoðun í morgunþættinum
Í Bítið á Bylgjunni. Samkvæmt
stjórnarskránni myndi þetta nýja
frumvarp í raun aldrei fara til
þjóðarinnar en tvö þing með al-
þingiskosningum í millitíðinni,
þurfa að samþykkja nýju stjórnar-
skrána. Pétur vill hins vegar byrja á
að breyta breytingarákvæðinu svo
nýtt Alþingi geti vísað frumvarpi
stjórnlagaráðs til þjóðarinnar og
þjóðin geti þannig samþykkt nýju
stjórnarskrána í beinni kosningu.
n Afhendir frumvarp um nýja stjórnarskrá n Deilt um formála n Breytingar
gerðar á frumvarpsdrögum n Vill byrja á að breyta breytingarákvæðinu
„En nú dregur ský
fyrir sólu og fer ég
með hryggð í hjarta mínu
heim.
Björn Reynir Halldórsson
blaðamaður skrifar bjornreynir@dv.is
Sáttir Stjórnlagaráðsfulltrúar voru glaðir í bragði þegar endanlegur afrakstur ráðsins var
kominn í hús. myndir Gunnar GunnarSSon
Einn fer hryggur heim Einn
stjórnlagaráðsfulltrúi var ósáttur við að
formáli að stjórnarskránni hefði verið
samþykktur. myndir Gunnar GunnarSSon
Lést eftir
hnífsstungu
Maðurinn sem var stunginn í háls-
inn á veitingastaðnum Monte Carlo
þann 15. júlí síðastliðinn er látinn.
Árásin varð rétt fyrir miðnætti en
fórnarlambið hlaut lífshættulega
áverka. Árásarmaðurinn hefur verið
dæmdur í áframhaldandi gæslu-
varðhald. Þolandinn, sem var mað-
ur á fimmtugsaldri, lá þungt haldinn
á gjörgæsludeild Landspítala. Hann
lést fyrr í vikunni af völdum áverka
sinna.
Hóta grínista
málsókn
Heimdallur, félag ungra sjálfstæðis-
manna í Reykjavík, sendi bloggara
frá Ólafsvík hótun um stefnu fyrir
tveimur dögum. Hlynur Jónsson,
formaður hreyfingarinnar, krafðist
þess að bloggfærslu sem Jóhannes
Ragnarsson birti á vefsíðu sinni, yrði
eytt og á síðunni yrði birt formleg
afsökunarbeiðni til Heimdallar. Í
bréfinu segir að færslan innihaldi
glórulausar og ærumeiðandi að-
dróttanir. Jóhannes er þekktur fyrir
háðsádeilur í skrifum sínum.