Dagblaðið Vísir - DV - 29.07.2011, Qupperneq 64

64 | Fólk 29. júlí – 2. ágúst 2011 Helgarblað
S
öngkonan Amy Wine-
house bættist í hóp
fjölda tónlistarmanna
sem látist hafa 27 ára að
aldri, þegar hún fannst
látin síðustu helgi. Faðir hennar,
Mitch Winehouse, hefur ákveð-
ið að koma á fót meðferðarstofn-
un í hennar nafni en Winehouse
glímdi við mikinn eiturlyfja- og
áfengisvanda á sinni stuttu ævi,
líkt og aðrir meðlimir „27 ára
klúbbsins“ svokallaða. Hann
sagði dóttur sína hafa sigrast á
eiturlyfjavanda sínum og reynt
hvað hún gæti til að sigrast á
glímunni við áfengisfíknina.
Winehouse var jörðuð í kyrrþey
á þriðjudaginn, líkt og hefð gyð-
inga gerir ráð fyrir. Meðal annars
fengu fjölmiðlar þau skilaboð að
hana bæri að láta í friði.
Winehouse skaust inn í
sviðsljósið tvítug að aldri þegar
fyrsta plata hennar, Frank, kom
út árið 2003. Hún hlaut heims-
frægð með plötunni Back to
Black árið 2006 og naut mikillar
velgengni í kjölfarið. En Wine-
house var ekki síst þekkt fyrir
einkalíf sitt.
Árið 2007 giftist hún vand-
ræðagemlingnum Blake Fiel-
der-Civil á laun en hann er
sagður hafa kynnt hana fyrir
eitur lyfjum. Þau höfðu áður
verið í sambandi sem upp úr
slitnaði en það var einkenn-
andi fyrir samband þeirra sem
var stormasamt. Winehouse sá
til þess að Fielder-Civil fengi
ekki krónu í arf. Fielder-Civil var
óhuggandi í fangelsinu þegar
hann frétti af dauða hennar og
sagði hana stóru ástina í lífi sínu.
Lést skömmu eftir að hafa
verið rekinn
Brian Jones, gítarleikari í Roll-
ing Stones, varð fyrsti meðlim-
ur klúbbsins. Hann drukknaði í
sundlaug sinni aðfaranótt 3. júlí
1969 og var úrskurðað að hann
hefði látist af slysförum. Krufn-
ing leiddi í ljós að hjarta hans og
lifur voru í slæmu ástandi vegna
misnotkunar á áfengi og eitur-
lyfjum. Jones hafði mánuði fyrir
dauða sinn verið rekinn úr Roll-
ing Stones vegna áfengis- og eit-
urlyfjavanda síns og Mick Taylor
var ráðinn í hans stað. Jones
þótti ekki nógu traustverðugur
til að halda áfram í hljómsveit-
inni vegna vandamála sinna en
hann hafði meðal annars verið
handtekinn tvisvar fyrir vörslu
kannabisefna. Tveimur dög-
um eftir dauða Jones hélt Roll-
ing Stones tónleika honum til
heiðurs en tónleikarnir höfðu
þó verið áætlaðir með margra
vikna fyrirvara til að kynna
nýja gítarleikarann. Í heimilda-
myndinni Stoned frá árinu 2005
er því haldið fram að Jones hafi
verið myrtur af Frank Thorogo-
od, smiði sem Jones skuldaði
fé. Thorogood á að hafa ját-
að morðið á dánarbeði sínum
árið 1993. Lögregla tók málið til
skoðunnar án þess að aðhafast
frekar í málinu.
Kafnaði í eigin ælu
Gítarhetjan Jimi Hendrix fannst
látinn rétt fyrir hádegi 18. sept-
ember 1970. Talið er að hann
hafi kafnað í eigin ælu fyrr um
nóttina en Monika Danne mann,
þáverandi kærasta hans, full-
yrti þó að hann hefði enn verið
með lífsmarki þegar sjúkrabíll-
inn kom á staðinn. Sjúkraliðar
héldu hins vegar fram að eng-
inn hefði verið í íbúðinni fyr-
ir utan Hendrix. Dannemann
hafði sótt Hendrix úr teiti um
klukkan þrjú um nóttina og
ekið með hann til íbúðar sinn-
ar þar sem hann fannst svo lát-
inn. Samkvæmt lækninum John
Bannister var það að mestu leyti
rauðvín sem stíflaði öndunar-
veg hans en krufning leiddi þó í
ljós að lítið var af áfengi í líkama
hans. Bannister missti réttindi
sín árið 1992 fyrir svik og van-
rækslu í starfi en það tengdist þó
ekki dauða Hendrix.
Í bók sem kom út árið 2009
var því haldið fram að umboðs-
maður Hendrix, Mike Jeffreys,
hafi látið koma honum fyrir
kattarnef vegna þess að Hend-
rix ætlaði að segja upp samningi
við hann.
Kveðja að handan
til Lennons
Janis Joplin komst í klúbbinn
16 dögum á eftir Hendrix. Hún
skilaði sér ekki í upptökur þann
4. október og þegar grennslast
var fyrir um hana fannst hún lát-
in í hótelherbergi sínu. Dánar-
orskökin var of stór skammtur
af heróíni, mögulega í bland við
áfengi. Talið er að skammtur-
inn sem hún tók inn hafi verið
sterkari en venjulega. Nokkrir
aðrir viðskiptavinir fíkniefna-
sala hennar létust af of stórum
skammti sömu vikuna. Síðustu
upptökur sem Joplin skildi eft-
ir sig var hið fræga „a capella“-
lag, Mercedes Benz, og afmælis-
kveðja til Johns Lennon, sem
Lennon barst eftir dauða henn-
ar. Samsæriskenningar fylgja
ekki dauða hennar líkt og hjá
mörgum öðrum í klúbbnum.
Fylgdi Jim í 27 ára klúbbinn
Jim Morrison fannst látinn í
baðkari í íbúð sinni í París 3. júlí
1971. Læknir sem kallaður var á
vettvang sá ekkert grunsamlegt
við dauða hans og fór því eng-
in krufning fram en hjartastopp
var úrskurðað dánarorsök hans.
Sú ákvörðum leiddi til ýmissa
spurninga og samsæriskenn-
inga sem ganga svo langt að
halda því fram að Pamela Cour-
son, ástkona hans til margra ára,
hafi vísvitandi átt sök á dauða
hans. Þau voru ýmist saman
eða ekki á löngu tímabili en
samband þeirra þótti storma-
samt. Hún sjálf hélt því fram
að Morri son hefði tekið inn of
stóran skammt af heróíni í þeirri
trú að um kókaín væri að ræða.
Þau höfðu tekið inn eiturlyf inn
á milli drykkju nóttina áður en
Morrison lést. Þremur árum síð-
ar fylgdi svo Courson Morrison í
27 ára klúbbinn. Gröf Morrison
í Pére Lachaise-kirkjugarðinum
í París er vinsæll áfangastaður
ferðamanna.
Sjálfsmorðsbréf til
ímyndaðs vinar
Rafmagnsverkfræðingur kom
auga á lík Kurts Cobain, söngv-
ara Nirvana, þegar hann ætl-
aði að setja upp öryggiskerfi í
húsi hans þann 8. apríl 1994.
Í fyrstu hélt hann að Cobain
væri sofandi en sá svo hagla-
byssu við hlið hans og tók þá
eftir því að hann var alblóðug-
ur. Talið er að Cobain hafi fallið
fyrir eigin hendi þremur dögum
áður. Skömmu fyrir dauða sinn
hafði Cobain verið lagður með-
vitundarlaus inn á spítala eftir
að hafa tekið of stóran skammt
af svefnlyfi í bland við kampa-
vín. Eiginkona hans, Courtney
Love segir það hafa verið hans
fyrstu sjálfsmorðstilraun. Sam-
kvæmt ófáum samsæriskenn-
ingum á hún að hafa staðið fyr-
ir morðinu á honum. Cobain
glímdi við mikið þunglyndi og
þá var eiturlyfjafíkn vandamál
hjá honum eins og svo mörgum
öðrum í klúbbnum. Hann próf-
aði marijúana 13 ára og þá var
hann einnig háður skynörvandi
lyfjum. Kurt Cobain skildi eftir
sjálfsmorðsbréf sem stílað var
á Boddah, ímyndaðan æskuvin
hans
Hvarf 27 ára að aldri
Vafamál verður að teljast hvort
Richey Edwards, gítarleikari
Manic Street Preachers, geti tal-
ist með í 27-ára klúbbnum. Til-
kynnt var um hvarf hins 27 ára
gamla Edwards 1. febrúar 1995
þegar hann skilaði sér ekki í tón-
leikaferðalag til Bandaríkjanna.
Hann sást síðast á hóteli í Lond-
on og átti að halda þaðan til flug-
vallarins. Á hótelherbergi hans
fannst gjöf til náinnar vinkonu
og þunglyndislyfið prósak og
vegabréf hans fannst í íbúð hans
í Cardiff. Tveimur vikum síðar
fannst bíll hans nálægt brú yfir
ána Severn sem skilur að Eng-
land og Wales en þar endar hins
vegar slóð Edwards. Getgátur
fylgdu í kjölfarið um að hann
hefði framið sjálfsvíg með því
að stökkva af brúnni yfir ána en
vinir hans sögðu það hins vegar
óhugsandi. Ýmsir segjast hafa
komið auga á hann á mörgum
mismunandi stöðum en slíkar
sögur hafa aldrei verið staðfest-
ar. Edwards var úrskurðaður lát-
inn árið 2008.
n Amy Winehouse bætist í hóp goðsagna sem létust á 28. aldursári n Frábær söngkona
sem tapaði baráttu gegn fíkninni n Samsæriskenningar algengar um 27 ára klúbbinn
Nýr meðlimur
27 ára klúbbsins
Morrison minnst Hippi minnist Jims Morrison við gröf hans í Pére
Lachaise kirkjugarðinum í París. Mynd reuterS
Amy Winehouse Ein af
hinum fjölmörgu tónlistar-
stjörnum sem látist hafa 27
ára að aldri. Tónlistarmenn-
irnir eiga það sameiginlegt
að hafa átt við eiturlyfja- og
áfengisvandamál að stríða.
Mynd reuterS
Björn Reynir Halldórsson
bjornreynir@dv.is