Dagblaðið Vísir - DV - 05.04.2013, Blaðsíða 4

4 Fréttir 5.–7. apríl 2013 Helgarblað
Formaðurinn úr leik
n Guðmundur Franklín ekki kjörgengur
Þ
etta eru bara mín mistök,“
segir Guðmundur Franklín
Jónsson, formaður Hægri
grænna, en í ljós kom á
fimmtudaginn að hann er ekki
kjörgengur og því getur hann ekki
boðið sig fram til Alþingis. Guð­
mundur Franklín hefur verið bú­
settur erlendis og á fimmtudaginn
var hann að flytja lögheimili sitt til
Íslands.
„Ég var uppi í þjóðskrá í morgun
og þá kom þetta í ljós,“ segir Guð­
mundur í samtali við DV á fimmtu­
deginum.
„Ég kaus í stjórnlagaráðskosn­
ingunum og sótti þá um að komast
á kjörskrá. Ég stóð í þeirri mein­
ingu að ég væri á kjörskrá – ég hélt
að þetta dygði í fjögur ár. En núna
er lögmaðurinn minn að athuga
málið, hvort við getum kært inn á
kjörskrá. Þannig að við sjáum bara
hvað setur með það,“ segir Guð­
mundur enn fremur.
Í versta falli verður nýr oddviti
fenginn til í Suðvesturkjördæmi
fyrir flokkinn. „En flokkurinn
breytist ekkert. Ég berst áfram með
flokknum og verð áfram formaður,“
segir Guðmundur. „Ég verð þá bara
ekki á þingi.“ Guðmundur segir
flokksmenn hafa verið upptekna
við að hugsa um stefnumál flokks­
ins og því hafi þetta atriði einfald­
lega gleymst. „Við erum bara búin
að vera svo upptekin að hugsa um
lausnirnar.“ Fylgi flokksins hefur
mælst 2–4 prósent í könnunum
MMR og Capacent Gallup. n
simon@dv.is
Lést í slysi í
Breiðdal
Litla stúlkan sem lést í fjórhjóla­
slysinu í Breiðdal á sunnudag
hét Lilja Rán Björnsdóttir. Hún
varð þriggja ára 2. febrúar síð­
astliðinn. Hún var til heimilis
að Tjarnarlöndum 22 á Egils­
stöðum. Faðir hennar heitir
Björn Jónsson og er frá Laug­
um í Reykjadal í Suður­Þing­
eyjarsýslu, móðir hennar heitir
Sigrún Ragna Rafnsdóttir og er
frá Skjöldólfsstöðum í Breiðdal.
Lilja Rán átti tvær systur, Sunn­
evu Rós og Guðný Ósk.
Braut gegn
unglingi
Héraðsdómur Reykjaness
dæmdi á dögunum karlmann
í þriggja ára fangelsi fyrir að
nauðga unglingi, sem leitað
hafði til mannsins í neyð, ítrekað.
Brotin áttu sér stað frá árinu
2000 til nóvember 2001 þegar
unglingurinn var aðeins 14 ára.
Brotin áttu sér stað á heimili
mannsins þar sem hann not­
færði sér yfirburðastöðu sína
gagnvart unglingnum til að
brjóta gegn honum eftir að ung­
lingurinn hafði leitað til manns­
ins eftir að fjölskylda hans hafði
misst húsnæði sitt.
Unglingurinn fékk húsaskjól,
mat og peninga fyrir nesti í skól­
anum hjá manninum auk þess
sem maðurinn hélt fíkniefnum
að ungmenninu. Það var í nóv­
ember 2010 sem unglingurinn
steig fram og kærði brot manns­
ins. Maðurinn neitaði sök fyrir
dómi en var fundinn sekur og
þarf að greiða þolandanum tvær
milljónir króna í miskabætur.
S
jóðstýringarfyrirtækið GAM
Management, GAMMA,
íhugar að opna hótel í húsinu
við Laugaveg 77 fyrir hönd
ótilgreindra viðskiptavina
sinna. Fyrirtækið keypti húsið, sem
er tæpir 5.000 fermetrar, af Lands­
bankanum fyrir skömmu í nafni fjár­
festingarsjóðs sem fyrirtækið stýrir.
Stofnað hefur verið eignarhaldsfélag
, L77 ehf., sem á að halda utan um
fjárfestinguna en heimilisfesti þess
félags er í höfuðstöðvum GAMMA
á Klapparstíg 29. Stjórnarmaður fé­
lagsins heitir Jóhann Ingi Kristjáns­
son, sem var framkvæmdastjóri og
eigandi ritfangaverslunarinnar Griff­
ils, en í varastjórn L77 ehf. situr aug­
lýsingamaðurinn Daníel Freyr Atla­
son.
Miklar sögusagnir hafa gengið
um viðskiptin með fasteignina síð­
ustu mánuðina. DV sagði til dæmis
frá því í nóvember að Daníel Freyr,
sem meðal annars var hugmynda­
smiðurinn að innanhúshönnuninni
á Hótel Egilsen á Stykkishólmi, hefði
gert tilboð í húsið vorið 2012. Í þeirri
frétt DV kom fram að opna ætti hót­
el undir heitinu Niceland í fasteign­
inni. Þá var reifaðar sá möguleiki að
nýta bílastæði fyrir aftan húsið til að
gera hótelið enn stærra: Hægt er að
auka byggingamagn á lóðinni um
sjöþúsund fermetra með því nota
bílastæðið einnig. Lóðin gæti rúmað
hótel með um 200 herbergjum.
Teikningarnar eru til
Hins vegar er alveg ljóst að Daníel
Freyr er ekki þátttakandi í kaupun­
um á húsinu sem fjárfestir heldur
sem hugmyndasmiður. Aðspurður
um aðkomu sína að viðskiptunum
segir Daníel Freyr að það sé ekkert
launungarmál að hann hafi unnið
teikningar að hóteli inn í fasteign­
ina á Laugavegi 77. „Það eru til teikn­
ingar að hóteli, sem ég hef sjálfur
unnið, sem voru á sínum tíma mát­
aðar inn í þetta hús.“ Daníel Freyr
segir hins vegar að ekki sé búið að
ákveða endanlega hvað verði í hús­
inu og vísar á stjórnendur GAMMA
sem verði að svara því.
Aðspurður um hverjir séu á bak
við fjárfestinguna í húsinu í gegnum
GAMMA segir Daníel Freyr að hann
viti það ekki og bendir aftur á stjórn­
endur GAMMA. „Ég vil helst tjá mig
sem minnst um þetta mál.“
„Spennandi reitur“
Gísli Hauksson, framkvæmdastjóri
GAMMA, segir að sjóður á vegum
fyrirtækisins hafi keypt fasteignina.
Hann segir að viðkomandi sjóður
hafi verið búinn til eingöngu utan
um þessa tilteknu fjárfestingu á
Laugaveginum. Gísli segist ekki vita
hvort búið sé að ákveða hvað gera
eigi við fasteignina. „Það er sjóður
á okkar vegum sem kaupir þetta. Ég
veit ekki hvort það er búið að ákveða
hvað eigi að gera við þetta.“
Aðspurður af hverju Atli Freyr sé
inni í stjórn L77, þar sem aðkoma
hans að sölunni á fasteigninni sé
sú að hann hannaði möguleika að
hótel byggingu í henni, svarar Gísli
því til að hann hafi séð hugmynd­
ir Atla Freys að hótelinu. „Þetta eru
aðilar sem voru að undirbúa að
setja upp hótel þarna. Mér finnst
hins vegar of snemmt að segja eitt­
hvað til um hvað verður gert við
þessa eign. Ég get ekki svarað því
fyrir fjárfestahópinn. Þetta er hins
vegar gríðarlega spennandi reitur.“
Miðað við svör Gísla þá munu fjár­
festarnir sem eiga í sjóðnum sem
GAMMA stýrir ákveða hvað gert
verður við eignina.
Gísli segir að hann geti hvorki
greint frá því hvaða fjárfestar eigi í
sjóðnum, og þar með fasteignina að
Laugavegi 77, né hvert kaupverðið
hafi verið. „Það er trúnaðarmál.“ n
n Félagið keypti Laugaveg 77 af Landsbankanum fyrir ótilgreint verð„Þetta er hins
vegar gríðarlega
spennandi reitur.
Ingi Freyr Vilhjálmsson
fréttastjóri skrifar ingi@dv.is
GAMMA íhugar
að reisa risahótel
Hótel fyrirhugað
Einn af aðstandend-
um GAMMA, sem Gísli
Hauksson stýrir, hefur
hannað hótel inn í
fasteignina.
Teikningarnar til Daníel Freyr Atlason
hannaði hugmynd sem gengur út á hótel-
byggingu að Laugavegi 77. Teikningar að
verkefninu eru til að sögn Daníels.
Formaður Hægri grænna „Núna
er lögmaðurinn minn að athuga málið,
hvort við getum kært inn á kjörskrá,“ segir
Guðmundur Franklín Jónsson.