Dagblaðið Vísir - DV - 05.04.2013, Page 25

Fréttir 25Helgarblað 5.–7. apríl 2013 „Töfralausnir
hafa bara einn
galla – þær virka ekki
R
íkisstjórn Jóhönnu Sigurðar­
dóttur fékk það tröllaukna
verkefni að forða Íslandi
frá þjóðargjaldþroti eftir
bankahrunið. Stærsta verk­
efni kjörtímabilsins hefur verið að
ná niður 216 milljarða fjárlagahalla,
þeim mesta sem sögur fara af á lýð­
veldistímanum. Það verkefni hefur
ríkisstjórnin leyst með miklum sóma
en fjárlög þessa árs gera ráð fyrir að
hallinn verði innan við 4 milljarða
og frumjöfnuður 60 milljarðar í plús.
Þessi árangur hefur sparað ríkinu
vaxtakostnað sem nemur um 17
milljörðum króna á ári, sem er sam­
bærilegt við rekstrarkostnað allra
framhaldsskóla á Íslandi.
Töfralausnir
Þessi árangur í ríkisfjármálum skap­
ar okkur svigrúm til að hefja nýja
sókn í þágu almennings og setja heil­
brigðis­, velferðar­ og menntamál
í öndvegi á nýju kjörtímabili. Eitt
brýnasta verkefnið er að skapa fólki
húsnæðisöryggi, sem sárlega hefur
vantað á Íslandi undanfarna ára­
tugi. Allt frá því Framsóknarflokk­
urinn hafði frumkvæði að upptöku
verðtryggingar í lok 8. áratugarins
hefur íslenskur almenningur tek­
ið á sig skellinn af gengisfellingum
og gengishruni krónunnar um hver
mánaðamót. Nú lofar Framsóknar­
flokkurinn afnámi verðtryggingar
en bara á lánum sem tekin verða í
framtíðinni og niðurfærslu skulda
í eitt skipti, en síðan á almenning­
ur að búa áfram við krónu og verð­
tryggingu. Þetta er skammtímalausn
sem er ekki boðleg fyrir íslenskan
almenning. Töfralausnir hafa bara
einn galla – þær virka ekki.
Öruggt húsnæði
Við jafnaðarmenn leggjum áherslu
á að klára aðildarviðræðurnar við
Evrópusambandið til að skapa skil­
yrði fyrir nýjum gjaldmiðli og stöð­
ugleika í efnahagslífinu. Með nýjum
gjaldmiðli yrði verðtrygging og gjald­
eyrishöft aflögð í eitt skipti fyrir öll og
almenningur fengi vaxtakjör á neyt­
endalánum sem myndu lækka lán­
tökukostnað heimilanna gríðarlega.
Höfum í huga að vextir í evrulöndun­
um eru í fyrsta lagi óverðtryggðir og í
öðru lagi tvöfalt til þrefalt lægri en á
Íslandi. Það munar um minna.
Samfylkingin vill afnema
stimpil gjöld og uppgreiðslugjöld til
að ýta undir heilbrigða samkeppni
í lánamálum og auðvelda fólki að
færa sig milli lánastofnana. Sam­
fylkingin leggur líka áherslu á að
teknar verði upp nýjar húsnæðis­
bætur, sem verði jafnháar fyrir þá
sem leigja og kaupa húsnæði. Fyrir
liggja tillögur um húsnæðisbætur
sem geti numið allt að 44 þúsund
krónum á mánuði fyrir fjögurra
manna fjölskyldu. Þessu til við­
bótar vill Samfylkingin leiðrétta
forsendubrest skuldugra heimila
sem keyptu á árunum fyrir hrun og
nýta skattkerfið í þeim tilgangi.
Heilbrigðismál í forgang
Einn mikilvægasti árangur ný­
afstaðins þings var samþykkt nýs
Landspítala, sem mun gjörbreyta
til hins betra starfsumhverfi á
þjóðarspítalanum og þjónustu
við sjúklinga. Þessi stærsti vinnu­
staður landsins er hryggjar stykkið
í velferðarkerfinu en hefur mátt
búa við niðurskurð frá því fyrir
hrun, þegar forgangsröðun Sjálf­
stæðisflokks og Framsóknar­
flokks miðaðist við einkavæðingu
og þjónkun við sérhagsmunaöfl
í sjávarútvegi og stóriðju. Nýr
Landspítali sendir skýr skila­
boð um að jafnaðarmenn ætla
að verja velferðarkerfið og auka
stuðning við heilbrigðiskerfið með
því að efla grunnstoðirnar og því
til viðbótar verður sérstaklega
ráðist í endurmat til hækkunar á
launum kvennastétta í heilbrigðis­
og menntakerfinu og eflingu
heilsugæslu sem fyrsta viðkomu­
staðar sjúklinga.
Menntakerfi fyrir nemendur
Samfylkingin leggur áherslu á að
auka framlög til háskóla og fram­
haldsskóla en þessi skólastig hafa
verið vanfjármögnuð árum saman
ef borið er saman við stöðuna á
Norðurlöndum og innan OECD.
Við leggjum áherslu á að ráð­
ast í aðgerðir til að draga úr brott­
falli nemenda sem er hið hæsta
innan Evrópu og viljum hefjast
handa strax í grunnskólum með
persónubundnum námsáætlun­
um, öflugri námsráðgjöf í öllum
skólum og meiri áherslu á verk­,
tækni­ og listnám.
Stærsta áskorunin verður að
breyta áherslum í þá veru að
menntakerfið þjóni fyrst og fremst
þörfum nemenda, virki styrkleika
þeirra og laði fram það besta í
hverjum nemanda. Allir geta lært,
verkefnið er að skapa aðstæður til
að námið kveiki áhuga og forvitni
nemenda og bjóða upp á hagnýt
úrræði sem virka fyrir þann hóp
nemenda sem þarf sérstakan
stuðning, svo sem vegna náms­
eða hegðunarerfiðleika.
Höfundur skipar 3. sæti á lista Sam-
fylkingarinnar í Reykjavík norður.
Fólk í forgang
Aðsent
Skúli
Helgason