Dagblaðið Vísir - DV - 05.04.2013, Side 20

Allir skulu
eigA byssu
Á
sama tíma og umræðan
um strangari takmarkanir á
byssu eign hefur aldrei verið
jafn hávær í Bandaríkjunum
þá hefur einn bær í Georgíu­
ríki ákveðið að fara allt aðrar leiðir.
Stjórnvöld í smábænum Nelson
hafa með samþykkt sinni nefnilega
skyldað hvern einasta íbúa þessa
1.300 manna bæjarfélags til að eiga
að minnsta kosti eina byssu. Frétta­
skýrendur segja lögin þó aðeins
táknræn þar sem glæpir séu nánast
óþekktir í bænum og lögregluyfir­
völd hafi engin áform um að fram­
fylgja þeim.
Engin viðurlög
Engin viðurlög eru nefnilega við því
að eiga ekki byssu og dæmdir glæpa­
menn og þeir sem eiga við geðræn
vandamál að stríða eru undanskildir
þeim sem og þeir sem ekki geta
átt byssur, til dæmis af trúarlegum
ástæðum.
Bæjarfulltrúar í Nelson vildu með
þessu einfaldlega taka skýra afstöðu
með byssueign.
Til verndar bænum
Samkvæmt lögunum ber þó hverjum
húsráðanda að eiga byssu og skot­
færi til að „geta lagt bænum lið ef
neyðarástand skapast“ og „tryggja
öryggi og almenna velferð bæjarins
og íbúa hans.“
Mikilvægasti liðurinn í þessu er
þó líklega sá að lögin eru hugsuð
sem forvörn gegn öllum framtíðar­
áformum eða lagasetningu banda­
rískra stjórnvalda um takmarkanir
á byssueign eða um að gera byssur
upptækar.
„Sumir eru með öryggiskerfi á
heimilum sínum, sumir ekki, en þeir
setja þó upp skilti þess efnis að svo
sé. Mér finnst þessi samþykkt í raun
vera eins og stórt öryggisskilti fyrir
bæinn okkar,“ segir bæjarfulltrúinn
Duane Cronic um málið.
Tillagan var samþykkt einróma,
með fimm atkvæðum gegn engu,
á mánudagskvöld og tekur gildi tíu
dögum síðar, í næstu viku.
Eini lögreglumaðurinn í Nelson,
Heath Mitchell, segir að svo langt
sé í tvö næstu lögregluembætti að
byssu eign bæjarbúa muni auka ör­
yggi þeirra.
Tilgangslaus lög
Lamar Kellett, íbúi í Nelson, var einn
þeirra sem mótmæltu lögunum á
bæjarstjórnarfundi á mánudags­
kvöld. Hann sagði þau í raun algjör­
lega gagnslaus og líkti þeim við það
ef yfirvöld settu lög um hámarks­
hraða á vegum en leyfðu síðan fólki
að virða þau að vettugi.
„Ef fólk vill eiga byssu þá á það lík­
lega byssu. Það hefur ekki verið einn
einasti ofbeldisglæpur skráður í Nel­
son síðastliðinn áratug. Svo það er
áleitin spurning hvernig menn ætla
að ná betri árangri en það,“ sagði
Kellett í samtali við fjölmiðla.
Nelson er í um 80 kílómetra
fjarlægð frá Atlanta, höfuðborg
Georgíuríkis, og lögin sem sett voru
í bænum eru að fyrirmynd annarra
sambærilegra laga sem sett voru í
Kennesaw, einu úthverfa Atlanta,
árið 1982. Lögregluyfirvöld þar hafa
viðurkennt að hafa aldrei svo mikið
sem reynt að framfylgja lögunum. n
n Ný lög í smábænum Nelson vekja athygli n Táknrænn gjörningur
Sigurður Mikael Jónsson
blaðamaður skrifar mikael@dv.is
„Mér finnst þessi
samþykkt í raun
vera eins og stórt öryggis-
skilti fyrir bæinn okkar.
Með byssu í kirkju Hvert heimili sem
til þess er bært ber skylda til að hafa yfir
skotvopni yfir að ráða í Nelson í Georgíu­
ríki. Lögin eru táknræn og með þeim
er tekin skýr afstaða í umræðunni um
byssueign í Bandaríkjunum. Mynd REuTERs
Risarannsókn
á kynþáttaníði
Opinber rannsókn hefur verið sett
á laggirnar í Melbourne í Ástralíu
með það að markmiði að varpa
ljósi á barnaníð og afleiðingar
þess fyrir samfélagið. Forsætisráð­
herrann Julia Gillard hefur sagt að
nefndin sem stýrir rannsókninni
muni varpa ljósi á „afar óþægi­
legar staðreyndir,“ eins og BBC
hefur eftir henni.
Rannsóknin mun ná til trú­
félaga, frjálsra félagasamtaka, heil­
brigðisgeirans sem og annarra
opinberra stofnana. Gert er ráð
fyrir því að verkefnið taki tvö ár,
hið minnsta. Áætlað hefur verið
að um fimm þúsund manns muni
koma fyrir nefndina og bera vitni.
Markmiðið er einnig að varpa
ljósi á það hvernig stofnanir sam­
félagsins hafa brugðist við því
þegar barnaníð hefur komið upp.
Tilurð rannsóknarinnar má meðal
annars rekja til ásakana á hendur
kaþólsku kirkjunni en kirkjan hef­
ur verið ásökuð um að leyna kyn­
ferðislegri misnotkun presta.
Áskorun fyrir
Kýpverja
Alþjóðagjaldeyrissjóðurinn hefur gert
Kýpverjum ljóst að milljarðs evra lán­
veitingin sé áskorun fyrir Kýpverja og
muni krefjast mikils átaks af þjóðinni
allri. Skattar verði hækkaðir til muna
með það að markmiði að ná fram
stöðug leika í bankakerfinu og rétta
við þjóðarbúskapinn. Samkomulag
við AGS og fleiri aðila var samþykkt af
ríkisstjórninni í liðinni viku.
Lánveitingar Alþjóðagjaldeyris­
sjóðsins eru Íslendingum ekki alls
ókunnugar en ástandið á Kýpur er
ekki betra en hér var eftir hrunið
2008. Harris Georgiades, nýr fjár­
málaráðherra, hefur ávarpað landa
sína og boðað erfiða tíma. Miklu þurfi
að kosta til svo hægt verði að endur­
greiða lánin sem Kýpur fái vegna
erfiðleikanna. Þess má geta að upp­
hæðin frá Alþjóðagjaldeyrissjóðn­
um nemur aðeins um 10 prósentum
heildarlánsfjárins.
Kýpverjar munu áfram þurfa að
sæta takmörkunum á úttektum af
reikningum sínum, til að forðast
áhlaup á bankakerfið.
20 Erlent 5.–7. apríl 2013 Helgarblað
A
isha Gaddafi, einkadóttir Mu­
ammars Gaddafi fyrrverandi
leiðtoga Líbíu, hefur þurft að
leita hælis í Óman eftir að hafa
verið rekin úr forsetahöllinni í Alsír
þar sem hún hafði fengið pólitískt hæli
eftir að föður hennar var steypt af stóli.
Það var ekki greint frá því fyrr en í
vikunni sem leið að Aisha hefði verið
rekin á dyr í Alsír eftir að hafa að sögn
kveikt ítrekað í húsinu sem henni
hafði verið úthlutað og ráðist á lífverði
sem gættu hennar. Síðustu misseri
hafa reynst Aishu erfið þar sem faðir
hennar var tekinn af lífi eins og kunn­
ugt er auk þess sem hún missti eig­
inmann sinn í sprengjuárásum upp­
reisnarmanna fyrir um tveimur árum.
Mun hún í bræðiköstum sínum hafa
kennt Alsír um mikið af sínum vanda­
málum einhverra hluta vegna.
Aisha, sem er lögfræðingur að
mennt og fyrrverandi sendiherra góð­
gerðamála fyrir Sameinuðu þjóðirn­
ar, flúði ásamt öðrum fjölskyldumeð­
limum til Alsír árið 2011 en aðeins
nokkrum dögum eftir komuna þang­
að eignaðist hún stúlkubarn. Í Alsír
var henni komið fyrir í forsetahöll þar
sem hennar var gætt af vopnuðum líf­
vörðum. Alsírskir fjölmiðlar greina frá
því að hún hafi kveikt í, veist að líf­
vörðunum en kornið sem á endanum
fyllti mælinn var þegar hún eyðilagði
málverk af Abdul Aziz Bouteflika, for­
seta Alsír.
Hin 37 ára Aisha var því rekin á dyr
og úr landi og fékk hún hæli í Óman af
mannúðarástæðum í október síðast­
liðnum. Þar væsir ekki um afkomend­
ur og fjölskyldu Muammars heitins.
Auk Aishu og dóttur hennar, sem
heitir Safia, búa móðir hennar, Safia
Farkash, og bræður, Mohammed og
Hannibal, einnig í Óman í boði stjórn­
valda sem greiða allt uppihald fyrir
þau. n mikael@dv.is
Frá Alsír til Óman Aisha Gaddafi þurfti í
október að flýja frá Alsír til Óman.
Dóttir Gaddafis rekin á dyr
n sögð hafa kveikt í og ráðist á lífverði í bræðiköstum