Dagblaðið Vísir - DV - 29.05.2013, Qupperneq 8
„Hér er öllu
snúið á Haus“
n Stefán Gíslason hafnar pólitísku inngripi í rammaáætlun
Þ
að er fullkominn misskiln-
ingur að fyrst hafi rammaá-
ætlun verið í faglegu ferli en
svo hafi verið tekin pólitísk
ákvörðun um að hverfa frá
því, segir Stefán Gíslason, formað-
ur verkefnisstjórnar rammaáætlun-
ar og umhverfisstjórnunarfræðingur.
Þingmenn Sjálfstæðis- og Fram-
sóknarflokksins hafa haldið því fram
upp á síðkastið að undirbúningur
rammaáætlunar hafi verið færður í
pólitískan farveg á lokametrunum.
Þannig hafi verið vikið frá sjónarmið-
um sérfræðinga og vísindamanna.
Kvarta þeir sérstaklega undan því
að sex svæði sem til stóð að virkja
hafi verið sett í biðflokk, en í því felst
einmitt að sérfræðingum og vísinda-
mönnum verður falið að kanna virkj-
anakostina betur og umhverfisáhrif
mögulegra framkvæmda.
„Kerfið var hannað svona frá upp-
hafi. Það var engin pólitísk ákvörðun
á síðustu stundu að hafa þetta svona,“
segir Stefán og vísar þar til laga um
verndar- og orkunýtingaráætlun sem
samþykkt voru á Alþingi þann 11.
maí 2011. Í lögunum segir að ráð-
herra skuli gefa almenningi kost á að
koma á framfæri athugasemdum við
rammaáætlun áður en hún er lögð
fram á Alþingi. Þessu var fylgt eftir og
bárust hundruð athugasemda í des-
ember árið 2011.
„Pólitísk hrossakaup“
Á meðal þess sem verkefnisstjórn
um rammaáætlun lagði áherslu á var
að sýnt yrði fram á með ótvíræðum
hætti að virkjanaframkvæmdir í neðri
hluta Þjórsár hefðu ekki áhrif á fiski-
stofna í ánni. Þegar tillaga verkefnis-
stjórnar var borin undir almenning
komu fram gögn frá sérfræðingum
sem sýndu fram á að framkvæmd-
irnar gætu haft varanleg áhrif á lífríki
árinnar, sérstaklega laxastofninn. Á
grundvelli þessara gagna voru virkj-
anakostir í neðri hluta Þjórsár settir
í biðflokk og ákveðið að bíða niður-
stöðu rannsóknar sem framkvæmd
yrði af óháðum aðilum.
Í umræðunni um rammaáætlun
hafa margir túlkað þá ákvörðun að
færa svæði úr nýtingarflokki í bið-
flokk sem pólitískt inngrip. „Við upp-
lifðum þetta sem pólitísk hrossa-
kaup. Þingmenn Vinstri grænna
hefðu þarna náð fram sínum ýtrustu
kröfum um að setja svæði í verndar-
flokk gegn því að láta Samfylkinguna
í friði í Evrópusambandsmálinu,“
sagði áhrifamaður úr hópi stjórnar-
flokkanna í samtali við DV. Sigurð-
ur Ingi Jóhannsson, landbúnaðar-,
sjávar útvegs- og umhverfisráðherra,
fullyrti í viðtali við fréttastofu Ríkis-
útvarpsins um helgina að endur-
skoðun rammaáætlunar væri þegar
hafin í ráðuneyti hans og skoða ætti
breytingu á í það minnsta átta virkj-
anakostum. Þá væri ekki útilokað
að gerð yrði lagabreyting á meðferð
rammaáætlunar.
Samþykktu sjálfir lög um ferlið
„Það má velta fyrir sér á ýmsan
hátt hvað er pólitík og hvað er fag-
mennska, en það er einfaldlega ekki
rétt að fyrst hafi verið eitthvað fag-
legt ferli í gangi en svo hafi ramma-
áætlun verið tekin út úr því,“ segir
Stefán Gíslason og bætir við að hann
sjái engin merki þess að lögum um
rammaáætlun hafi ekki verið fylgt í
hvívetna.
Athygli vekur að umrædd lög voru
samþykkt með miklum meirihluta. Á
meðal þeirra sem greiddu þeim at-
kvæði sitt voru Sigmundur Davíð
Gunnlaugsson forsætisráðherra og
Sigurður Ingi Jóhannsson, sjávar-
útvegs-, landbúnaðar- og umhverfis-
ráðherra. Í stjórnarsáttmála nýrrar
ríkisstjórnar kemur fram að ramma-
áætlunin verði endurskoðuð á
grundvelli niðurstaðna faghópa sér-
fræðinga sem verkefnisstjórn skip-
aði. Ljóst er þó að umræddir faghóp-
ar röðuðu virkjanakostum aldrei í
nýtingarflokk, biðflokk og verndar-
flokk, enda var það ekki í þeirra
verkahring.
„Svívirðing“
Um helgina sagði Sigmundur Davíð
í útvarpsviðtali á Bylgjunni að fjöldi
athugasemda við drög að ramma-
áætlun væru fyrst og fremst ein og
sama athugasemdin. DV hefur að
undanförnu rætt við ýmsa þeirra
sem sendu inn athugasemdir og
allir lýstu yfir mikilli óánægju með
ummæli Sigmundar. „Hann lét eins
og þetta væri kóperaður tölvupóst-
ur,“ sagði Oddur Bjarnason, for-
maður Veiðifélags Þjórsár og bætti
við: „Þetta er svívirðing við þá sem
unnu vinnuna sína, svo sem stjórn
Veiðifélags Þjórsár, Orra Vigfússon
og ýmsa virta vísindamenn.“ Aðrir
veltu fyrir sér hvers vegna Sigurður
Ingi og Sigmundur hefðu samþykkt
lög sem gæfu almenningi kost á að
senda inn athugasemdir um drög
að rammaáætlun ef þeir teldu það
pólitískt inngrip að þingið tæki mark
á athugasemdunum. „Hér er öllu
snúið á haus. Þeir kalla það pólitísk
inngrip að bíða frekari rannsókna
en láta eins og það sé hlutlaust og
ópólitískt að ráðast í virkjanafram-
kvæmdir sem gætu haft veruleg áhrif
á lífríki Þjórsár,“ sagði umsagnaraðili
sem ekki vildi láta nafns síns getið.
Ekki náðist í umhverfisráðherra við
vinnslu fréttarinnar. n
Endurskoða
rammaáætlun
Ný ríkisstjórn hyggst
endurskoða ramma-
áætlun um vernd og
orkunýtingu í ljósi
þess að þingmenn
Sjálfstæðisflokksins
og Framsóknarflokks-
ins telji málið hafa lent
í pólitískum farvegi á
síðustu metrunum.
„Fullkominn misskilningur“ Stefán
Gíslason, formaður verkefnisstjórnar um
rammaáætlun, furðar sig á umræðunni um
pólitík og faglegheit.
Jóhann Páll Jóhannsson
blaðamaður skrifar johannp@dv.is
„Þetta er svívirðing
við þá sem unnu
vinnuna sína.
Vinnan hafin Sigurður Ingi Jóhannsson,
sjávarútvegs-, landbúnaðar- og umhverfis-
ráðherra, segist þegar hafa hafist handa við
endurskoðun rammaáætlunar.
Íslendingar
vongóðir
Væntingavísitala Gallup hefur
ekki mælst jafn há og nú síðan í
febrúarmánuði árið 2008. Mæl-
ingin var gerð í byrjun maí þegar
alþingiskosningum var nýlok-
ið en ríkisstjórn hafði ekki verið
mynduð. Vísitalan er reiknuð út
frá fimm þáttum sem snúa að mati
á núverandi efnahagsaðstæðum
og ástandi í atvinnumálum auk
væntinga til stöðu mála að sex
mánuðum liðnum. Milli mánaða
var mest hækkun í væntingum
svarenda til efnahagsaðstæðna
eftir hálft ár en einnig hefur orðið
hækkun í mati á atvinnuástandi
dagsins í dag. Í úrtakinu voru
1.300 Íslendingar af landinu öllu á
aldrinum 18 til 75 ára.
Anna fannst
látin við Gróttu
Kennslanefnd lögreglunnar á höf-
uðborgarsvæðinu hefur staðfest
að það var Anna Kristín Ólafs-
dóttir sem fannst látin í sjónum
við Gróttu á Seltjarnarnesi síðasta
föstudag.
Anna Kristín hafði verið týnd
síðan 12. apríl. Fjölskyldu henn-
ar hefur verið tilkynnt um andlát
hennar, en ekki er talið að það hafi
borið að saknæmum hætti.
Anna Kristín var 47 ára, stjórn-
sýslufræðingur að mennt, og starf-
aði hjá Umhverfisstofnun. Víðtæk
leit var gerð að henni eftir að hún
týndist í apríl. Ættingjar Önnu
Kristínar biðja þá sem vilja minn-
ast hennar að styrkja Slysavarna-
félagið Landsbjörg.
Morðmál enn
í rannsókn
Rannsóknarlögreglan á Eskifirði
rannsakar enn morðmál sem upp
kom á Egilsstöðum aðfaranótt 7.
maí, þegar Karli Jónssyni var ráð-
inn bani á heimili sínu. Að sögn
lögreglu stendur úrvinnsla gagna
yfir.
„Það er verið að vinna úr þeim
gögnum sem við höfum aflað
okkur. Svo er áframhaldandi bið
eftir DNA-gögnum,“ útskýrir Elvar
Óskarsson hjá rannsóknardeild
lögreglunnar á Eskifirði í samtali
við DV.
Niðurstöður DNA-rannsóknar
koma í fyrsta lagi í næstu viku eða
þarnæstu, en þá einungis ef sýnin
fá flýtimeðferð. Búið er að yfir-
heyra Friðrik Brynjar Friðriksson,
sakborninginn í málinu, en hann
hefur verið dæmdur í gæsluvarð-
hald til 14. júní.
Á meðal gagna í málinu eru
hálfbrunnin föt sem fundust í gámi
skammt frá vettvangi glæpsins.
8 Fréttir 29. maí 2013 Miðvikudagur