Dagblaðið Vísir - DV - 24.06.2013, Síða 12

12 Fréttir 24. júní 2013 Mánudagur
Friðlýsingu frestað
á síðustu stundu
Þ
ér er boðið að vera við undir­
ritun friðlýsingaskilmála
vegna friðlands í Þjórsár­
verum.“ Á þessum orðum
hófst boðskort frá umhverfis­
ráðuneytinu og Umhverfisstofnun
sem sent var fjölda aðila í síðustu
viku. Athöfnin átti að fara fram kl. 15
á föstudaginn en að morgni föstudags
var gefin út fréttatilkynning þess efnis
að Sigurður Ingi Jóhannsson um­
hverfisráðherra myndi ekki undirrita
friðlýsingaskilmálana.
Ástæðan er sú að Ragnheiður Elín
Árnadóttir, iðnaðar­ og viðskiptaráð­
herra, hafði lýst yfir óánægju með
undirritunina. Þá hefur Landsvirkjun
gert athugasemdir við undirbúning
fyrirhugaðrar stækkunar friðlandsins
í Þjórsárverum. Ljóst er að fyrirtækið
hefur hug á virkjanaframkvæmdum
í Norðlingaölduveitu sem nú er í
verndarflokki rammaáætlunar.
Náttúruvernd mæti afgangi
Árni Finnsson, formaður Náttúru­
verndarsamtaka Íslands, hefur gagn­
rýnt ákvörðun ráðherrans harkalega
sem og athugasemdir Landsvirkj­
unar, sem bárust að kvöldi fimmtu­
dags. „Þetta er ótrúlegur frekjugang­
ur og ekkert annað. Þetta er bara til
skammar,“ segir Árni Finnsson í sam­
tali við DV. „Menn geta bara snúið
dæminu við. Ef það væri búið að
fara í mat á umhverfisáhrifum, gefa
út framkvæmdaleyfi og annað eftir
því. Heldur þú að það yrði ekki bara
hlegið að náttúruverndarsamtökum
ef þau krefðust þess að framkvæmd­
um yrði frestað með svo skömmum
fyrir vara?“
Þá undrast Árni að Landsvirkjun
telji sig eiga sérstakra hagsmuna að
gæta í Þjórsárverum. Norðlingaöldu­
veita sé í verndarflokki samkvæmt
rammaáætlun sem samþykkt var á
Alþingi í vetur. Hann er harðorður
í garð ráðherra og telur hann ekki
valda hlutverki sínu í umhverfismál­
um. Fyrrverandi umhverfisráðherra,
Svandís Svavarsdóttir, er einnig afar
óánægð með ákvörðun Sigurðar
Inga. Svandís segir hana til marks
um það að náttúruverndarmál mæti
afgangi hjá nýrri ríkisstjórn.
Skilaði umsögn of seint
Drög að friðlýsingarskilmálunum
sem til stóð að undirrita voru auglýst
þann 12. mars síðastliðinn. Þá var
hagsmunaaðilum gefinn frestur til
3. apríl til að skila inn athugasemd­
um um skilmálana. Athugasemdir
Landsvirkjunar bárust ekki fyrr en 8.
apríl, fimm dögum eftir að fresturinn
rann út.
Í yfirlýsingu frá Landsvirkjun kem­
ur fram að fyrirtækið telji undirbún­
ingsferli stækkunarinnar hafa ver­
ið ólögmætt þar sem ekki hafi náðst
samkomulag við hagsmuna aðila
eins og lög kveða á um. „Málsmeð­
ferðin sem unnið hefur verið eftir
er ólögmæt að mati Landsvirkjunar.
Ekki hefur náðst samkomulag um
friðlýsinguna við þá sem eiga hags­
muna að gæta eins og gert er ráð fyrir
skv. 58. gr. náttúruverndarlaga. Ekki
hefur verið farið eftir málsmeðferð
skv. 59. gr., sem gerir ráð fyrir að ef
samkomulag næst ekki um friðlýs­
ingu skal gefa þeim sem hagsmuna
eiga að gæta þriggja mánaða frest til
að koma á framfæri athugasemdum.“
Kvöldið áður en til stóð að undir­
rita skilmálana kom fram í bréfi frá
Landsvirkjun að ef ekki yrði tekið
tillit til athugasemda fyrirtækisins
kæmi til greina að leggja fram kæru
vegna friðlýsingarinnar.
Styðja stækkun en vilja virkja
Um er að ræða stækkun á friðlandi
í Þjórsverum. Það er nú 375 ferkíló­
metrar en með stækkuninni yrði
friðlandið alls 1.563 ferkílómetrar. Í
fréttatilkynningu frá Landsvirkjun
vegna málsins kemur fram að fyrir­
tækið styðji fyrirhugaða stækkun
friðlandsins. „Landsvirkjun ítrekar
að fyrirtækið styður stækkun
friðlands Þjórsárvera og setur sig
ekki á móti friðlýsingum,“ segir í til­
kynningunni. Þessum orðum fylgja
hins vegar ákveðnir fyrirvarar. Í til­
kynningunni kemur fram að Lands­
virkjun styðji stækkun friðlandsins til
vesturs og austurs en ekki til suðurs.
Ástæðan er sú að Landsvirkjun
hefur lengi haft augastað á
virkjunar kosti í Norðlingaöldu­
veitu sem er sunnarlega í Þjórsár­
verum. „Norðlinga ölduveita er með
hagkvæmustu virkjunarkostum á
landinu og er langt utan núverandi
friðlandsmarka Þjórsár vera, en
er innan fyrirhugaðrar stækkunar
friðlandsins til suðurs,“ segir í til­
kynningunni, en stækkun friðlands­
ins til suðurs myndi útiloka virkjana­
framkvæmdir í Norðlingaölduveitu.
Sigurður sagður skálda
Sigurður Ingi sagði í viðtali við
Morgunútvarp Rásar 2 á sunnu­
daginn að Rangárþing ytra og
Skagafjörður hefðu gert alvarlegar
athugasemdir við friðlýsinguna.
Þetta á sér ekki stoð í raunveruleik­
anum samkvæmt oddvitum beggja
sveitarfélaga. Guðmundir Ingi
Gunnlaugsson, oddviti fyrrnefnds
sveitarfélags, sagði í samtali við
fréttastofu Ríkisútvarpsins að
sveitar stjóri hefði aðeins sent örlitl­
ar ábendingar en legðist ekki gegn
friðun. Þá kemur fram í fundar­
gerð sveitarstjórnar Skagafjarðar
að stækkun Þjórsárvera og friðlýs­
ingarskilmálar voru samþykktir
með níu atkvæðum. Sveitarstjórnin
sendi ábendingar um ferlið sjálft en
styður eindregið friðlýsinguna.
Jónas Kristjánsson, fyrrverandi
ritstjóri, skrifar harðorðan pistil um
málið á vefsíðu sína. „Sigurður Ingi
Jóhannsson umhverfisráðherra er
landsins mesti hatursmaður náttúru
og umhverfis,“ segir hann. „Kann sér
ekki hóf er hann skáldar ástæðu til
að fresta framkvæmd friðlýsingar
eins merkasta svæðis landsins.“ n
n Landsvirkjun vill virkja í Þjórsárverum n „Þetta er bara til skammar“
Skiptar skoðanir á Þjórsárverum
Einhugur ríkir um að friðlandið í Þjórsár-
verum verði stækkað. Aftur á móti eru
afar skiptar skoðanir á því hvort rétt sé að
veita Landsvirkjun leyfi til framkvæmda í
Norðlingaölduveitu.
Ólafur Kjaran Árnason
blaðamaður skrifar olafurk@dv.is
„Þetta er ótrúlegur
frekjugangur og
ekkert annað.
Umdeildur Sigurður Ingi hefur valdið
talsverðum usla á fyrsta mánuði í starfi.
Hörður Árnason er forstjóri Lands-
virkjun vill virkja í Þjórsárverum.
Gáttuð Svandís Svavarsdóttir, fyrrverandi
umhverfisráðherra, gagnrýnir Sigurð Inga
harðlega vegna frestunar friðlýsingarinnar.
Gagnrýninn Árni Finnsson, formaður
Náttúruverndarsamtaka Íslands, telur
Sigurð Inga ekki valda hlutverki sínu.
Rannsókn lokið
Sérstakur saksóknari hefur hætt
rannsókn á málefnum tengdum
starfsemi lífeyrissjóða sem voru í
rekstri Gamla Landsbankans hf.
og hefur málið nú verið fellt niður
án ákæru eða annars konar eftir­
mála. Tilgangur rannsóknarinnar
var að kanna hvort stjórnendur og
starfsmenn lífeyrissjóðanna hafi
farið út fyrir lagaramma um fjár­
festingarákvarðanir á fyrri hluta
árs 2008. Einnig var tilgangurinn
að athuga hvort upplýsingagjöf
til Fjármálaeftirlitsins hafi verið
ábótavant í tengslum við viðkom­
andi fjárfestingarákvarðanir. Þeir
lífeyrissjóðir sem um ræðir eru Ís­
lenski lífeyrissjóðurinn, Lífeyris­
sjóður Tannlæknafélags Íslands,
Lífeyrissjóður hf. Eimskipafélags
Íslands, Kjalar lífeyrissjóður og
Eftirlaunasjóður FÍA.
Davíð vill að ríkið
hætti rekstri RÚV
Davíð Oddsson, ritstjóri Morgun­
blaðsins, skrifar í Reykjavíkurbréfi
blaðsins sem kom út um helgina
að ríkið eigi að hætta rekstri RÚV.
Hann segir ríkisrekstur fjölmiðils
úrelta hugmynd sem áður var hægt
að réttlæta en beri nú að leggja
af hið fyrsta. Þá segir hann að
fréttastofa RÚV sé orðin þekkt fyrir
að vera taglhnýtingur Samfylkingar­
innar og að nóg sé af slíku komið.
Athygli vakti fyrir skömmu
þegar aðstoðarmaður Davíðs
Oddssonar um langt skeið og ný­
settur menntamálaráðherra, Illugi
Gunnarsson, lét það vera sitt fyrsta
verk í embætti að setja fram frum­
varp um breytingar á lögum um
RÚV sem kveða á um að Alþingi
ráði því hverjir setjast í stjórn ríkis­
fjölmiðilsins.
Ákall bæjarstjóra
„Er ekki hægt að biðja menn um
að standa saman? Þá veit ég að
við náum landi og sköpum fjöl­
mörg vel launuð og áhugaverð
störf,“ segir Árni Sigfússon, bæjar­
stjóri Reykjanesbæjar, í grein á vef­
síðu Víkurfrétta en þar gerir hann
samninga á milli Norðuráls og HS
Orku að umtalsefni. Samningarnir
hafa gengið treglega og virðast
litlar líkur á að fundin verði nægi­
leg orka til að reisa álver í Helgu­
vík, hvað þá kísilver því til viðbótar.
Júlíus Jónsson, forstjóri HS Orku,
sagði í viðtali við Viðskiptablaðið í
síðustu viku að hann teldi ómögu­
legt fyrir Norðurál að reka arðbært
álver þegar álverðið er jafn lágt og
raun ber vitni. Þau Árni Sigfússon
og Ragnheiður Elín Árnadóttir,
iðnaðar­ og viðskiptaráðherra,
hafa óspart hvatt til þess að ríkið
greiði götu álversins í Helguvík. Vill
Ragnheiður meðal annars að ríkið
ívilni Norðuráli enn frekar en gert
var í fjárfestingarsamningi sem
skrifað var undir árið 2009.