Dagblaðið Vísir - DV - 11.03.2014, Blaðsíða 24

Vikublað 11.–13. mars 201424 Neytendur
Engin
töfrabrögð
Leiðir fyrir verktaka til að lækka
skattgreiðslur
„Í sjálfu sér eru þetta engin töfra­
brögð, því að ef þú ert með rekstur
eru ákveðnir kostnaðarliðir sem
þú mátt draga frá,“ segir Olge­
ir Þórisson, verkefnastjóri hjá
KPMG, aðspurður hvað fólk með
tilfallandi verktakagreiðslur megi
telja fram á móti kostnaði á skatt­
framtalinu sínu.
„Það er auðvitað misjafnt eftir
því hvernig rekstur þú ert með.
Fólk áttar sig oft ekki á því að í
einhverjum tilfellum getur það
notað ýmsan rekstrarkostnað. En
það fer allt eftir því hvað fólk er að
gera, þannig getur smiður talið til
efniskaup í Húsasmiðjunni sem
blaðamaður getur kannski ekki,“
segir hann.
Reiknað
endurgjald
„Hluti af þess­
um kostnaði
er að þú verður
að telja fram svo­
kallað reiknað endurgjald, það
eru launin þín. Segjum að þú sért
með tekjur upp á milljón. Af því
eru kannski 70% sem eru laun­
in þín. Þá þarft þú að greiða af
því mótframlag í lífeyrissjóð og
tryggingargjald sem launagreið­
andi ber ábyrgð á,“ segir Olgeir.
Kostnaður
Varðandi frádrátt vegna rekstrar­
kostnaðar segir Olgeir hann
þurfa að vera innan skynsam­
legra marka. „Þú getur hugsað
þetta eins og ef þú værir að borga
manneskju kaup til að sinna
þessari vinnu. Þá myndir þú ekki
kaupa fyrir hana þrjár tölvur á ári
heldur kannski eina þriðja hvert
ár. Þetta þarf að vera eitthvað sem
væri eðlilegt.“ Innkaup, viðhald og
rekstur á tölvu getur þannig talist
til frádráttar, en innan eðlilegra
marka eins og hann segir.
Hann segir símakostnað dæmi
um rekstrarkostnað sem oft getur
verið eðlilegur. Þá er bæði átt við
kaup á símtækinu og notkun.
„Ef þú ert með farsíma og ert að
nota hann líka fyrir þig prívat má
ekki færa allan kostnað á rekstur­
inn og láta hann borga, heldur
bara þá notkun sem tengist
rekstrinum. Það sama gildir um
nettenginguna. Það er eðlilegt að
tiltaka hluta hennar en ekki alla.“
Bílar
Bifreiðakostn­
aður er í sum­
um tilvikum
frádráttarbær.
„Þú þarft að
geta fært rök fyrir
því að þú hafir þurft að nota bíl­
inn. Ef þú verður að keyra í þinni
vinnu þá væri hægt að fá kostnað
við það dreginn frá. En þá þarf að
halda bókhald yfir bílinn og halda
akstursdagbók, þar sem er tilgreint
nákvæmlega hvaðan er keyrt og
hvert, hversu margir kílómetrar og
tilefni akstursins,“ segir Olgeir.
Breytilegt
Hann segir ekki hægt að gefa eina
tölu um hversu hátt hlutfall tekn­
anna séu eiginleg laun. Það fari
allt eftir eðli vinnunnar. „Þetta
hlutfall getur verið breytilegt
eftir því hversu mikill hluti þjón­
ustunnar sem þú ert að selja er
vinna. Ef þú ert til að selja vöru þá
getur varan verið aðalkostnaður­
inn, ekki launin.“
Borgaðu minni skatt
S
kattframtal var gert að­
gengilegt á vef ríkisskatt­
stjóra nú fyrir helgi en
frestur til að skila framtali er
til 21. mars. Möguleiki er á
að sækja um aukinn frest hjá ríkis­
skattstjóra á heimasíðunni skattur.
is og er hann þá framlengdur til 1.
apríl. Þó skattar standi undir sam­
neyslu samfélagsins eru flestir til­
búnir til að reyna að lækka þá upp­
hæð sem þeir þurfa að borga í skatt
og DV tók saman nokkur atriði sem
veita rétt á ívilnunum í þá veru. n
n Þrettán atriði sem veita rétt til skattaívilnana n Skattframtalið er aðgengilegt á vefnum n Skilafresturinn er til 21. mars
Persónuafsláttur
Allir sem náð hafa 16 ára aldri á tekjuárinu
og eru heimilisfastir á landinu eiga rétt
á persónuafslætti. Persónuafsláttur
var 48.485 kr. á mánuði á árinu 2013 eða
samtals 581.820 kr. á ári.
Fjárhæð: 581.820 kr.
Iðgjöld í lífeyrissjóði
Ekki þarf að greiða skatta af iðgjöldum sem
greidd voru í lífeyrissjóði. Á árinu 2013 var þó
einungis heimilt að draga frá 2% framlag í
séreignarlífeyrissjóði en ekki 4% eins og áður.
Dagpeningar
Á móti fengnum dagpeningum er heimilt
að færa til frádráttar ferða- og dvalar-
kostnað vegna ferða launþega á vegum
launagreiðanda. Skilyrði fyrir frádrætti
eru þau að fjárhæðin sé innan ákveðinna
marka sem ríkisskattstjóri setur og að fyrir
liggi í bókhaldi launagreiðanda, sem og hjá
launamanni, gögn um tilefni ferðar, fjölda
dvalardaga og fjárhæð dagpeninga.
Ökutækjastyrkur
Þeir sem gera kröfu um að fá frádrátt á móti
ökutækjastyrk þurfa að sundurliða kostnað
vegna bifreiðarinnar en útgjöld vegna
bifreiðarinnar sem teljast rekstrarkostnaður
eru t.d. eldsneytiskostnaður, viðgerðar-
kostnaður, smurning, hjólbarðar og
viðgerðir á þeim, tryggingar, bifreiðaskattar
og bifreiðagjöld. Sem rekstrarkostnaður
telst einnig árleg afskrift sem reiknast kr.
720.000 vegna ársins 2013. Skilyrði fyrir
ökutækjastyrk er að hafa gert skriflegan
afnotasamning við launagreiðanda eða
halda akstursdagbók.
Mannslát og útfarir
Veitt er ívilnun vegna útfararkostnaðar en
árið 2014 er veittur 800.000 kr. skattaaf-
sláttur vegna útfararkostnaðar. Í umsókn
þarf að geta um tengsl umsækjanda við hinn
látna (foreldri, maki, systkin, barn, annað).
Þegar ekki er um andlát maka að ræða
skiptist lækkunin á greiðendur útfararkostn-
aðarins ef þeir eru fleiri en einn.
Fjárhæð: 800.000 kr.
Auður Alfífa Ketilsdóttir
fifa@dv.is
Ekki flókið
Fjölmörg atriði
lækka skatt-
greiðslur.
M
estu máli skiptir að fólk sé
með aðgangslykilinn sinn
að rsk.is. Ef það er ekki
með hann þá er hægt að
óska eftir nýjum veflykli en þá þarf
fólk að vera með aðgang að heima­
bankanum sínum og auðkennis­
lykli þar sem nýr veflykill er send­
ur þangað,“ segir Harpa Rún Glad
en hún er framkvæmdastjóri Lög­
fræðiaðstoðar Orators, félags lög­
fræðinema við Háskóla Íslands
ásamt Daníel Thors. Lögfræði­
aðstoð Orators aðstoðar fólk
endurgjaldslaust við gerð skatt­
framtalsins eins og undanfarin ár
en enn hefur ekki verið ákveðið
nákvæmlega hvenær það verður.
Skattadagur Lögfræðiþjónustu
Lögréttu, félags laganema við Há­
skólann í Reykjavík verður haldinn
milli klukkan 13 og 17 þann 15.
mars næstkomandi en þá býðst
gestum og gangandi að fá aðstoð
við að útfylla skattframtal. Í fyrra
gerðu laganemar við HR ráð fyrir
að aðstoða um 300 manns yfir
daginn.
„Það eru laganemar og tveir
starfsmenn frá KPMG sem eru að
aðstoða okkur við þetta því við
erum í samstarfi við fyrirtækið um
þennan dag,“ segir Grímur Már
Þórólfsson en hann situr í fram­
kvæmdastjórn Lögfræðiþjónustu
Lögréttu. Hann segir þau ekki að­
stoða fólk sem stundar atvinnu­
rekstur nema að litlu leyti. „Ef fólk
hefur verið í verktöku þurfum við
reikninga um það,“ segir hann.
Harpa segir einstaklinga sem
vilji nýta sér þjónustuna þurfa
að vera með allar upplýsingar
um laun með sér, launamiða eða
launaseðla en auk þess allar upp­
lýsingar varðandi bætur og styrki.
Bæði nemendafélögin reka lög­
fræðiþjónustu þar sem boðið er
upp á endurgjaldslausa ráðgjöf
einu sinni í viku. n fifa@dv.is
Lögfræðinemar til aðstoðar
Þarf bara að hafa með sér veflykilinn
Skattadagurinn Lögfræðinemar í
báðum stóru háskólunum í Reykjavík
aðstoða við framtalsgerð. Mynd SigtRygguR ARi