Dagblaðið Vísir - DV - 11.03.2014, Blaðsíða 28

Vikublað 11.–13. mars 201428 Lífsstíll
H
ugmyndin kviknaði vegna
þess að ég var með síðuna
makaleit.is og fékk margar
fyrirspurnir frá fólki sem
var ekki í makaleit heldur
var bara að leita sér að vináttu,“ seg-
ir Björn Ingi Halldórsson, eigandi
vefsíðnanna makaleit.is og vinur.is.
Fyrrnefnda síðan hefur verið í loft-
inu í rúmlega ár en sú síðarnefnda fór
í loftið í enda janúar. Langflestir Ís-
lendingar eru nettengdir og fólk eyð-
ir sífellt meiri tíma á veraldarvefnum.
Svokallaðar stefnumótasíður eru ekki
nýjar af nálinni en ekki hefur áður
verið vefsíða sérstaklega ætluð fyrir
fólk í vináttuleit.
Margir einmana
Að sögn Björns eru nú rúmlega 400
notendur skráðir inn á síðuna vin-
ur.is og segir hann marga kjósa að
stofna til vinasambanda í gegnum
internetið. „Það eru margir einmana,“
segir hann. Nútíminn sé sá að fólk
eyði miklum tíma á internetinu og
kjósi því líka að nýta sér þann vett-
vang til þess að stofna til vináttu- og
ástarsambanda. „Við sjáum það, mið-
að við þann fjölda fólks sem notar
síðuna, að þetta á fyllilega rétt á sér,“
segir Björn.
Fólk á öllum aldri leitar vináttu
Á síðunni má sjá auglýsingar frá not-
endum. Það þarf að vera skráður inn
á síðuna til þess að sjá allar auglýs-
ingar en nokkrar er hægt að sjá án
þess að vera skráður inn. Þar sést að
notendur eru á öllum aldri sem allir
eiga það sameiginlegt að vera að leita
sér að vináttu.
„Jákvæð og elska lífið og tilveruna
og leiðist neikvæðni og væl. Langar
að hitta fólk sem vill skreppa á sýn-
ingar, söfn, kaffihús um helgar og
jafnvel góða ferðafélaga,“ segir kven-
kyns notandi sem er sextíu ára, ein-
hleyp með uppkomin börn. „Er hress
og skemmtilegur strákur. Vantar fé-
laga konu eða karl til njóta þess að
vera til og taka þátt í sameiginlegum
áhugamálum. Er gagnkynhneigður.
Vantar sérstaklega göngufélaga og
dansfélaga,“ segir 63 ára einhleyp-
ur karlmaður sem auglýsir á síðunni.
„Langar til að kynnast fólki sem er vel
gefið, kannski helst af gagnstæðu kyni
en bara strákum í engum kynferðis-
legum skilningi svo það sé á hreinu,“
segir annar karlmaður, 27 ára og ein-
hleypur.
Sjötug kynntist ástinni
Aðspurður segir Björn að boðið sé
upp á auðkenningu þannig að not-
endur séu öruggir um að fólkið sem
það ætlar að hitta sé ekki að villa á sér
heimildir. „Það eru margir sem nýta
sér það. Þá leggur notandinn inn 1
krónu á okkar reikning og við sjáum
þá í heimabankanum nafn og kenni-
tölu viðkomandi og getum þannig
staðfest aldur og kyn.“
Björn segist ekki hafa fengið stað-
festingu á því að vináttusambönd
hafi myndast í gegnum síðuna vinur.
is enda sé stutt síðan hún fór í loft-
ið. Hann hefur hins vegar fengið fjöl-
margar staðfestingar á ástarsam-
böndum sem myndast hafa í gegnum
makaleit.is. „Ég hef fengið mikinn
póst þar sem fólk þakkar fyrir síðuna
og að það hafi fundið ástina í gegn-
um hana. Einn var frá sjötíu ára gam-
alli konu sem var að þakka mér fyrir
að hafa fundið mann sem hún var að
fara eyða jólunum með. Áður hafði
hún búið ein. Það er mjög gefandi að
fá svona staðfestingu á því að þetta sé
að virka. Ég sá bara fyrir mér gleðina
sem þetta hafði gefið henni, allt út af
þessum vef. Þetta segir manni að það
er þörf á svona vefsíðum.“ n
n Heimasíða fyrir fólk í vinaleit n Æ fleiri nota netið til að stofna til sambanda
7 atriði sem eyðileggja sambandið
Forðastu þetta til að halda sambandinu gangandi!
Viktoría Hermannsdóttir
viktoria@dv.is
„Þetta segir manni
að það er þörf á
svona vefsíðum.
„Margir einmana“
Björn Ingi Halldórsson
Björn segir marga stofna
til vináttu- og ástarsam-
banda í gengum internetið.
Mynd SIgtryggur ArI
Vinátta Margir
leita vináttu í
gegnum internetið.
1 Gagnrýni á fjölskylduna Það er aldrei góð hugmynd að
gagnrýna fjölskyldu maka. Fjöl-
skyldan er það dýrmætasta sem
maður á og enginn nennir að hlusta
á ósanngjarna gagnrýni á fjöl-
skylduna sína. Þó að makinn sjálfur
sé ósáttur við fjölskylduna þá er það
öðruvísi en þegar maki gagnrýnir.
Það getur verið banabiti sam-
bandsins ef þú þolir ekki fjölskyldu
makans.
2 Njósnir Ekki njósna um maka þinn. Ef þú treystir ekki
makanum þá gengur sambandið
ekki upp. Ekki reyna að komast inn
á Facebook eða Twitter hjá makan-
um. Þú gætir haldið að þú sért að
gera þér greiða en sannleikurinn er
sá að líklega ferðu að oflesa í allar
aðstæður og það gerir sambandinu
ekki gott.
3 Rifrildi á almannafæri Rif-rildi eru náttúr-
lega aldrei góð í sam-
böndum en rifrildi
á almannafæri eru
enn verri. Ef þið
ráðið ekki við að
geyma rifrildið þangað
til heim er komið þá er eitthvað
mikið að í sambandinu. Þannig
sambönd ganga sjaldnast því
virðinguna vantar.
4 Að vanrækja útlitið Það er mjög algengt að þegar fer
að líða á samband að fólk hætti að
hugsa jafnvel um sig sjálft. Hugsi
verr um útlitið og heilsuna. Það hef-
ur slæm áhrif á sjálfsálitið sem getur
haft slæmt áhrif á sambandið.
5 Að reyna að breyta makan-um Þú breytir ekki mann-
eskjum. Þú getur ekki byrjað með
einhverjum og ætlast til þess að
manneskjan breytist eins og þú vilt.
6 Að gera ekki upp vanda-málin Það er alltof algengt að
fólk sópi vandamálunum í sam-
bandinu undir teppið. Þau hverfa
samt sjaldnast og yfirleitt endar
það þannig að þau safnast upp og
verða að risastóru vandamáli sem er
ekki mjög auðleysanlegt. Gerið upp
deilumálin strax og ekki fara ósátt
að sofa. Góð samskipti eru lykill að
góðu sambandi.
7 Lygi Ekki ljúga að maka þín-um. Komdu heiðarlega fram.
Heiðarleiki er lykilatriði í öllum
góðum samböndum.
Fimm leiðir
til að losna
við stress
n Farðu í heitt bað
Fátt er betra til að ná góðri slök-
un en að fara í heitt bað, hvort
sem það er eftir erfitt verkefni,
langan vinnu-
dag eða vegna
einhvers sem
veldur manni
áhyggjum. Til
að gera bað-
ferðina virkilega
slakandi skaltu
setja ilmandi baðolíu eða freyði-
bað ofan í vatnið og gera stemn-
inguna enn notalegri með þægi-
legri tónlist. Með því að slökkva
ljósin og kveikja á kertum í bað-
herberginu næst svo fullkomin
slökun sem gefur örstutta pásu
frá amstri og áhyggjum dagsins.
n Hlustaðu á
tónlist
Tónlist getur
breytt skapi
þínu á auga-
bragði og er því
tilvalið meðal til
að losna við stress
og áhyggjur. Hvort sem það er
lágstemmd og róandi tónlist til
að slaka á eða fjörug danstónlist
til að koma þér í gott skap skaltu
gefa þér tíma til að setja á góða
tónlist, hlusta og njóta.
n Hreyfðu þig
Hvort sem þú
ferð í líkams-
ræktarstöð,
göngutúr eða
út í fótbolta
þá er líkam-
leg hreyfing alltaf
góð til að losna við stress. Með
því að taka vel á því fær haus-
inn hvíld frá áhyggjum og stressi
auk þess sem líkamleg vellíðan
fæst eftir slík átök. Útivist er sér-
lega góð til að ná sér niður eftir
erfiðan dag og dreifa huganum
frá vandamálum og áhyggjum.
n tæmdu
hugann
Ein besta leiðin
til að ná slök-
un eftir amstur
dagsins er að
koma sér úr sam-
bandi við umheiminn, en sjón-
vörp og snjallsímar eru með
helstu stressvöldum í nútíma-
samfélagi. Slökktu því á sím-
anum, slepptu því að kveikja á
tölvunni og ekki byrja að horfa
á sjónvarpið. Lestu heldur góða
bók, hlustaðu á notalega tón-
list, farðu í bað eða eldaðu góð-
an mat til að ná þér niður eftir
erfiðan dag. Facebook-hangs og
sjónvarpsgláp hjálpa þér ekki að
slaka á.
n Fáðu þér
að borða
Taktu þér
tíma til að
setjast niður
og borða eitt-
hvað gott. Mat-
reiðslan þarf hvorki að vera flott
né tímafrek, en manni líður alltaf
betur eftir að hafa borðað, sér í
lagi ef það er eitthvað sem manni
þykir sérstaklega gott.