Dagblaðið Vísir - DV - 11.03.2014, Blaðsíða 12

Vikublað 11.–13. mars 201412 Fréttir
F
yrir ári var tilkynnt að smíði
væri hafin á dýrasta skipi sem
Íslendingur hefur nokkurn
tíma fjárfest í. Maðurinn
sem um ræðir er Steingrím­
ur Bjarni Erlingsson, vélfræðingur
frá Hafnarfirði, sem á félagið Fáfni
Offshore, en það sérhæfir sig í þjón­
ustu við námuvinnslu á jarðolíu
og jarðgasi. Nokkuð hefur borið á
Steingrími í fjölmiðlum síðasta árið,
sem hefur að mestu leyti helgað sig
sjómennsku og útgerð. Hann vann
hjá Ljósavík í Þorlákshöfn og þá átti
hann stóran hlut í útgerðinni Bjarn­
ar ehf. Á síðustu árum hefur hann
einbeitt sér að þjónustu tengdri
olíuleit og olíuvinnslu, en hann á
einnig fyrirtæki sem setti upp vind­
myllur á síðasta ári. Því má segja að
hans áhugamál liggi í hvers kyns
orku, en honum er einmitt lýst sem
framsýnum, orkumiklum einstak­
lingi sem lætur drauma sína rætast.
Tveggja barna faðir
Steingrímur er Hafnfirðingur, fædd­
ur árið 1970 og verður því 44 ára í ár.
Hann er tveggja barna faðir, kvæntur
Kristínu Jónínu Gísladóttur og þau
búa á Seltjarnarnesi. Afi hans var
Steingrímur fisksali frá Bolungarvík,
sem var sjómaður áður en hann fór í
land og opnaði fiskverslanir. Hann átti
einnig sinn þátt í stofnun Samhjálpar,
með því að lána þeim bílskúr í sinni
eigu þar sem fyrsta starfsstöð Sam­
hjálpar var til húsa. Í samantekt DV á
ríkasta fólki landsins fyrir skemmstu,
var Steingrímur í ellefta sæti á lista
yfir auðmenn Seltjarnarness og eign­
ir hans metnar á 372 milljónir króna.
Stofnaði vinnumiðlun sjómanna
Steingrímur Bjarni virðist hafa erft
áhuga á sjómennsku frá afa sínum
því hann fór í Vélskólann þegar
hann var orðinn rúmlega tvítugur,
þar sem hann lærði til vélstjóra.
Fyrstu tvö árin var hann í Verk­
menntaskóla Akureyrar, en fór síð­
an suður til að klára námið og fá
réttindin. Í sumarfríum, og áður en
hann hóf námið, var hann á sjó en
að skólanum loknum fór hann þó
ekki mikið á sjó aftur. Hann stofn­
aði ráðningarmiðlun fyrir sjómenn
ásamt félaga sínum úr skólanum,
Elíasi Kristjánssyni, en slíkt var ekki
algengt þá.
Honum bauðst síðan starf um
borð í skipinu Helgu, sem var þá
glænýtt en hann þáði það ekki því
honum var einnig boðið að verða
útgerðarstjóri hjá Ljósuvík í Þor­
lákshöfn. Síðar meir hætti hann þar
og fór aftur að starfa með Elíasi, sem
hafði þá fært sig yfir í skipamiðlun.
Þeir högnuðust meðal annars vel
á því að hafa milligöngu um kaup
Stálskipa á frystitogaranum Þór,
sem nokkuð hefur verið fjallað um
að undanförnu. Auk þess seldu þeir
fjölda skipa úr landi í brotajárn. „Við
fórum saman suður í Vélskólann
til að klára námið. Þessi hugmynd
um ráðningarmiðlunina kom upp í
kringum útskrift og við settum fyrir­
tækið upp fljótlega eftir útskrift. Það
lýsir Steingrími vel að fyrirtækið
var brautryðjandi í þessum bransa,
hann var með margar hugmyndir
og er mikill hugsuður,“ segir Elías
í samtali við DV. „Drifkrafturinn í
honum hefur alltaf verið til staðar,
alveg síðan við kynntumst í Vél­
skólanum. Hann vill láta gott af sér
leiða.“
Útgerð með umsvif í Kanada
Árið 2003 stofnaði Steingrímur sína
eigin útgerð, Bjarnar ehf. Með hon­
um í stofnun fyrirtækisins var Finn­
ur Björn Harðarson, sem í dag á
stærstan hlut í fyrirtækinu. Þeir
kynntust í gegnum vinnu Finns hjá
fyrirtæki sem hann átti þá, Samhent­
ir kassagerð. Ljósavík keypti umbúð­
ir frá Samhentum, en þeir Finnur
og Steingrímur er á svipuðum aldri
og kynntust í gegnum þessi tengsl.
Steingrímur starfaði sem tæknileg­
ur framkvæmdastjóri fyrir tækisins.
Hluthafar í fyrirtækinu voru Royal
Greenland og Ice Trawl Greenland,
en árið 2004 keyptu Finnur og Stein­
grímur hluti þessara fyrirtækja.
Bjarnar á þrjá togara í Kanada,
auk þess sem einn togari er á Græn­
landi. Fyrirtækið á útgerðina Nata­
aqnaq Fisheries Inc. sem skráð er í
Kanada, en höfuðstöðvar þess eru
í St. Johns á Nýfundnalandi. Fyrir­
tækið sinnir einkum og sér í lagi sér­
hæfingu á stjórnun fiskveiðiskipa,
en heimahafnir togaranna eru
einnig á Nýfundnalandi. Öll skipin
eru fyrsta flokks frystitogarar, en út­
gerðin selur aðallega rækju og grá­
lúðu.
Samstarf endaði í dómsal
Endalok samstarfs þeirra Finns
og Steingríms voru þó ekki góð.
Um haustið 2009 komu upp erfið­
leikar í samskiptum þeirra á milli,
sem urðu til þess að Steingrímur
lét af störfum. Starfslokasamning­
ur var gerður, þar sem Steingrím­
ur fékk meðal annars átta milljón­
ir króna greiddar. Árið 2010 stefndi
Steingrímur hluthöfum í fyrirtæk­
inu, Finni og tveimur öðrum sem
áttu hlut í Bjarnar í gegnum annað
eignarhaldsfélag. Kröfur Steingríms
voru þær að hinir hluthafarnir seldu
honum hluti sína í fyrirtækinu, sam­
kvæmt hluthafasamningi, en þeir
höfðu þá lagt fram tilboð í hans hlut
í fyrirtækinu eftir að honum var sagt
upp.
Vildi Steingrímur nýta ákvæði
í samningnum sem gerir hluthafa
kleift að kaupa heildarhlut annars
hluthafa, en þremenningarnir
sögðu ákvæðið ekki eiga við. Í niður­
stöðu héraðsdóms segir að Stein­
grímur hafi sjálfur óskað eftir til­
boði frá hinum hluthöfunum í sinn
hlut, en þeir höfðu ekki hug á því að
selja sjálfir. Þeir síðarnefndu voru
því sýknaðir af kröfum Steingríms.
Málinu var áfrýjað til Hæstaréttar
en áður en það var tekið fyrir urðu
sættir á milli hluteigandi aðila, sem
enduðu með því að Steingrímur var
keyptur út fyrir hundruð milljóna.
Vindmyllur í Þykkvabæ
Það var svo í fyrra sem Steingrímur
varð áberandi í fjölmiðlum, fyrir
n Keypti dýrasta skip Íslandssögunnar n Setur upp vindmyllur á Suðurlandi n Duglegur markaðsmaður
Rögnvaldur Már Helgason
rognvaldur@dv.is „Annað-
hvort muni
Steingrímur verða
gríðarlega ríkur
eða tapa öllu
„Hann vill
frekar fram-
kvæma en tala um
hlutina
Forsjáll
ævintýramaður
Össur tilkynnti um kaupin Þáverandi utanríkisráðherra, Össur Skarphéðinsson, til-
kynnti um kaup Steingríms á dýrasta skipi Íslandssögunnar fyrir rúmu ári.