Dagblaðið Vísir - DV - 09.05.2014, Síða 6

6 Fréttir Helgarblað 9.–12. maí 2014
Skalli enn í
rannSókn
n Anna varð fyrir líkamsárás n Ekki ljóst hvort það verður ákært
L
ögreglan á höfuðborgar-
svæðinu hefur líkamsárás á
Önnu Guðjónsdóttur, konu
á níræðisaldri, enn til rann-
sóknar. Nágranni Önnu réðst
á hana fyrir utan heimili hennar við
Njálsgötu í Reykjavík í mars síðast-
liðnum þegar hún var að gæla við
hund nágrannans. Í svari við fyrir-
spurn DV um hvort málið væri kom-
ið í ákæruferli kemur fram að málið
sé enn á rannsóknarstigi hjá lög-
reglunni. Ekki liggur fyrir hvenær
rannsókninni lýkur eða hvort fyr-
irhugað er að saksóknari ákæri
manninn, Guðlaug Helga Valsson,
sem réðst á Önnu þann 28. mars
síðastliðinn.
Var að tala við „elsku hundinn“
Í ítarlegu viðtali við DV í mars lýsti
Anna því hvernig hún var að viðra
sig fyrir utan heimili sitt við Njáls-
götu. Hún hefur búið þar í um fjöru-
tíu ár og þekkir velflest dýrin í hverf-
inu. Anna, sem er mikill dýravinur,
var að kjá framan í hund sem var á
baklóð við Njálsgötuna, nokkrum
húsum neðar en Anna býr. Hund-
urinn var tjóðraður við vegg sem
aðskilur garðana í götunni, en sjálf
stóð Anna við einn vegginn. „Ég
stóð bara þarna við vegginn um eft-
irmiðdaginn. Ég var búin að vera að
labba einn hring í garðinum. Ég var
að horfa á elsku hundinn – og hund-
urinn á mig,“ sagði Anna. Þá kem-
ur maðurinn askvaðandi og segir:
„Láttu hundinn í friði.“ Svo skallar
hann mig svona,“ sagði Anna í við-
talinu.
Hún reyndi að ræða við Guð-
laug, benti honum á að hún væri
dýravinur og hefði aðeins ætlað að
sýna hundinum vinarþel. „Ég sagði
við hann: „Ég er nú bara dýravinur,
væni minn. Hver andskotinn er eig-
inlega að þér?“ sagði Anna, en þá
rétti Guðlaugur henni höndina og
baðst afsökunar. Anna sagðist vera
steinhissa á þessu, enda hefði hún
aldrei lent í öðru eins. „Við horfð-
um á þetta gerast út um gluggann,
heyrðum læti. Ég sá manninn rífa í
kápu konunnar með báðum hönd-
um og skalla hana beint í andlitið.
Það var virkilega óhugnanlegt að
verða vitni að þessu,“ sagði ná-
granni Önnu í viðtali við DV, sem
sagði þetta hafa verið alveg ótrú-
legt.
Mikill marblettur
Í andliti Önnu var stór og mikill mar-
blettur eftir árásina, eins og sést á
meðfylgjandi mynd. Anna leitaði
sér læknisaðstoðar; fékk áverkavott-
orð, var útskrifuð sama dag og þótti
hafa sloppið vel miðað við aðstæð-
ur. Anna ræddi við lögregluna eftir
árásina og voru teknar af henni skýr-
slur. Samkvæmt upplýsingum DV
hefur Guðlaugur játað árásina hjá
lögreglu við skýrslutökur. Hann var
handtekinn þetta sama kvöld vegna
gruns um að hann hefði brotið rúð-
ur í bílum í Norðurmýrinni í Reykja-
vík. Guðlaugur hefur ítrekað komið
við sögu hjá lögreglu og á að baki sér
marga dóma. Leigusali hans sagði
honum upp leigunni á Njálsgötu
mánudaginn eftir árásina á Önnu. n
„Ég sá mann-
inn rífa í
kápu konunnar
með báðum hönd-
um og skalla hana
beint í andlitið
Ásta Sigrún Magnúsdóttir
astasigrun@dv.is
Mikið mar Það
stórsá á Önnu eftir
líkamsárásina. Hér
stendur hún við
garðinn á Njálsgötu.
Mynd Sigtryggur Ari
Ekið á gangandi
vegfaranda við
Mýrargötu
Ekið var á gangandi vegfar-
anda við Mýrargötu í hádeg-
inu á fimmtudag. Pallbíl var
ekið á manneskjuna sem var á
leið yfir götuna en vegafarend-
ur hlúðu að henni þar til lögregla
og sjúkrabílar mættu á vettvang.
Ökumenn sem komu að slystað
áður en lögregla kom á vettvang
virtust ekki hafa áttað sig á stöðu
mála og flautuðu á fólkið sem var
að hlúa að manneskjunni.
Mikil fjölgun hefur orðið á
umferð gangandi vegfarenda
á svæðinu samfara fjölgun
ferðamanna og uppbyggingu á
veitingastöðum og hvalaskoðun,
en um er að ræða algenga
gönguleið úr miðborgarkjarnan-
um á Gömlu höfnina.
„Sáralítið“
í þrotabúi
Björgólfs
Sáralítið er til í búi Björgólfs
Guðmundssonar, fyrrverandi
formanns bankaráðs gamla
Landsbankans og fjárfestis, að
sögn skiptastjóra.
Viðskiptablaðið greindi frá
þessu á fimmtudag og hafði eftir
Sveini Sverrissyni skiptastjóra:
„Það er sáralítið til í búinu upp
í kröfur.“
Eignir hans, sem námu um
143 milljörðum króna þegar
mest var, hafa horfið að mestu
vegna yfirtöku ríkisins á hluta-
bréfum hans í Landsbankanum
og Straumi og verulegrar verð-
mætarýrnunar annarra fyrir-
tækja, sem hann var hluthafi í.
Björgólfur lýsti sig gjaldþrota
árið 2009. Heildarkröfur í bú
hans nema rúmlega hundrað
milljörðum króna.
J
ón Steinsson, hagfræðingur við
Columbia-háskóla í Bandaríkj-
unum, segist ekki ætla að gefa
upp nafn áhrifamanns úr ís-
lensku viðskiptalífi sem kvartaði
yfir skrifum hans um íslensk sam-
félagsmál við deildarforseta Colu-
mbia-háskóla. Kjarninn greindi frá
þessum afskiptum í gær, fimmtu-
dag.
Hagfræðingurinn hefur beitt
sér nokkuð í umræðunni á Íslandi
og meðal annars fjallað með gagn-
rýnum hætti um kvótakerfið. Skrif
hans virðast hafa farið fyrir brjóstið
á áhrifamönnum í viðskiptalífinu
á Íslandi og ritaði einn þeirra bréf
til deildarforseta hagfræðideildar
Columbia-háskóla til að fetta fing-
ur út í skrif Jóns. Deildarforsetinn
sagði hins vegar við áhrifamanninn
að Jón væri frjáls að skoðunum sín-
um og gæti viðrað þær að vild.
DV innti Jón eftir því á fimmtu-
dag hvort hann væri reiðubúinn að
gefa upp nafn mannsins sem kvart-
aði undan honum og umræðu hans
á Íslandi. Í tölvupósti til blaða-
manns DV sagðist Jón hins vegar
ekki ætla að gefa nafn hans upp.
Benda má á að í leiðara dagsins er
fjallað um þessa þöggunartilburði
áhrifamanna í samfélaginu gagn-
vart fræðimönnum. n
ingi@dv.is
Jón gefur ekki upp nafnið
Áhrifamaður úr íslensku viðskiptalífi gagnrýndi hagfræðinginn bréfleiðis.
nafnið liggur ekki fyrir
Nafn áhrifamannsins sem
gagnrýndi skrif Jóns Steinsson-
ar um samfélagsmál á Íslandi
liggur ekki fyrir. Jón ætlar ekki
að gefa það upp.