Dagblaðið Vísir - DV - 09.05.2014, Qupperneq 16

Helgarblað 9.–12. maí 201416 Fréttir
Flýr eiginmann og
verður vísað úr landi
n Hann kom í veg fyrir að hún yrði skráð hér á landi n Vill búa áfram á Íslandi
S
amband mitt og eigin-
manns míns var ofbeldis-
fullt. Í hvert skipti sem ég
reyndi að skrá mig á Íslandi
eða í Noregi tókst hon-
um að koma í veg fyrir það með
einhverjum hætti. Því hef ég búið
ólöglega bæði hér og í Noregi síð-
ustu þrjú árin,“ segir Amanda Jo
Wood. Hún sótti um dvalarleyfi hér
á landi en því var upphaflega hafn-
að. Mandie, eins og hún er kölluð,
áfrýjaði úrskurði innanríkisráðu-
neytisins og hún bíður nú niður-
stöðu í málinu, sem vænta má í
kringum 20. maí.
Sótti um skilnað
Árið 2010 kynntist Mandie, frá
Bandaríkjunum, íslenskum manni
í gegnum stefnumótasíðu á netinu.
Maðurinn fór út til Mandie þar sem
þau kynntust betur og á milli þeirra
hófst ástarsamband. Nokkrum
mánuðum síðar, í júní árið 2011,
flutti hún til Íslands með mannin-
um og allt lék í lyndi. Um haustið
giftu þau sig hjá sýslumanni og
fluttu stuttu síðar til Noregs, þar
sem maðurinn var kominn með
vinnu þar í landi. Sem fyrr segir
kom maðurinn ítrekað í veg fyrir
að Mandie gæti skráð sig löglega í
Noregi, að því er hún fullyrðir.
Þau bjuggu í Noregi allt þar til í
október 2012, þegar þau komu aft-
ur til Íslands. Mandie fór frá mann-
inum í júní 2013 með hjálp vina
sinna og sótti um skilnað. Jafnframt
kærði hún hann vegna ofbeldis sem
hún segir hann hafi beitt hana. Hún
bjó áfram á Íslandi, í raun ólöglega,
og kynntist manni í fyrrahaust sem
hún býr nú með á Siglufirði. Hann
hefur meðal annars borgað fyrir
hana aðgerð vegna legslímuflakks,
sem greiða þurfti að fullu þar sem
hún er ekki skráð hér á landi. Vegna
þess að hún er ekki skráð, hefur
innanríkisráðuneytið ákveðið að
senda hana aftur til Bandaríkjanna,
en sem fyrr segir hefur Mandie
áfrýjað þeim úrskurði. Mandie seg-
ist ekkert hafa að sækja til heima-
landsins og vill fá að vera áfram hér
á landi.
Ekki nægjanleg tengsl
„Þeir segja að ég hafi ekki nógu
mikil tengsl hér á landi. Samt sem
áður er ég enn gift því skilnaður-
inn er ófrágenginn. Þar að auki á ég
kærasta sem ég bý með, sem hefur
haldið mér uppi síðustu mánuði.
Ég get ekki unnið því ég er ekki
skráð hér á landi, en er þrátt fyrir
það með tilboð um vinnu,“ seg-
ir Mandie. Eigin maður hennar býr
nú í Noregi og hefur lögheimili þar.
Lögmaður hans hefur umboð til að
ganga frá skilnaðinum, en það hef-
ur hins vegar gengið mjög brösug-
lega.
Meint ofbeldisbrot
rannsökuð tvisvar
Þá hefur hún kært manninn vegna
ýmissa ofbeldisbrota sem áttu sér
stað í sambandinu, en lögreglan
hefur í tvígang vísað málinu frá.
Hún hefur hins vegar farið fram á
að rannsókn málsins verði haldið
áfram í bæði skiptin og bíður nú
eftir því að lögreglan taki ákvörðun
um framhald málsins. „Í fyrra skipt-
ið féllst saksóknari á að málið hefði
ekki verið rannsakað nægjanlega
svo það var aftur tekið til rannsókn-
ar. Í seinna skiptið voru vitnisburðir
vina minna eða annarra ekki nýtt-
ir til að fá niðurstöðu í málinu og
því hef ég, í samráði við lögfræðing,
farið fram á að rannsókninni verði
haldið áfram,“ segir Mandie.
„Hér vil ég búa“
„Einnig hef ég áfrýjað úrskurði
innan ríkisráðuneytisins um að
senda mig úr landi. Þar var málið
ekki rétt meðhöndlað, það var
flokkað sem endurnýjun sem það
er auðvitað ekki. Nú eru þeir að
skoða málið út frá mannúðar-
sjónarmiðum, þar sem ég á ekki í
nein hús að venda í Bandaríkjun-
um og hef ekkert að sækja þangað.
Hér vil ég búa, hér hef ég komið
mér fyrir. Í framtíðinni stefni ég á að
vinna og sækja íslenskunámskeið
því mér gengur illa að læra tungu-
málið. Einnig langar mig að halda
áfram með námið mitt sem ég var
byrjuð á úti í Bandaríkjunum, hvort
sem ég þarf að byrja upp á nýtt hér
eða fæ eitthvað af því metið,“ segir
Mandie. n
Rögnvaldur Már Helgason
rognvaldur@dv.is
Samkvæmt útlendingalögum geta
nánustu aðstandendur íslensks
ríkisborgara sem búsettur er hér á landi
fengið dvalarleyfi samkvæmt umsókn.
Grunnskilyrði dvalarleyfisins eru það að
framfærsla, sjúkratrygging og húsnæði sé
tryggt, að hann samþykki að undirgangast
læknisskoðun og ekki liggi fyrir atvik sem
valdið geta því að honum verði meinuð
koma til landsins eða dvöl. Þá segir í
ákvæði um dvalarleyfi aðstandenda,
að sé hjúskap eða sambúð slitið vegna
misnotkunar eða ofbeldis í sambandinu sé
heimilt að endurnýja dvalarleyfi þrátt fyrir
breyttar forsendur dvalar hér á landi. Skal
þá meðal annars litið til lengdar hjúskapar
eða sambúðar og tengsla útlendingsins
við landið.
Þá er hægt að veita dvalarleyfi á grundvelli
mannúðarsjónarmiða, ef þau standa til
þess eða vegna sérstakra tengsla viðkom-
andi við landið. Það er hins vegar aðeins
gefið út til eins árs í senn en hægt að
endurnýja til tveggja ára. Flóttamenn sem
koma til landsins fá dvalarleyfi til fjögurra
ára og að þeim tíma liðnum er hægt að
sækja um endurnýjun.
Meðalafgreiðslutími umsókna er 90 dagar
samkvæmt upplýsingum á heimasíðu
Útlendingastofnunar, en afgreiðslutími fer
þó eftir álagi hverju sinni.
Vísað úr landi Mandie verður að öllu
óbreyttu vísað úr landi um miðjan maí.
Innanríkisráðuneytið segir hana ekki hafa nein
tengsl hér á landi, þrátt fyrir að standa í skiln-
aði í við íslenskan eiginmann sinn og sé í sam-
búð með öðrum manni. Sá síðarnefndi hefur
meðal annars greitt fyrir dýra aðgerð sem hún
þurfti að undirgangast. Mynd BjaRni EiRíkSSon
„Hér vil ég
búa, hér hef
ég komið mér fyrir.
„Vafasöm
aðferð“
Læknir segir það vera vafasama
aðferð að fá björgunarsveitarmenn
landsins til að afla samþykkis fyrir
sýnatöku Íslenskrar erfðagrein-
ingar gegn 2.000 króna vildar-
þóknunar til Landsbjargar.
Þetta segir heimilislæknirinn
Vilhjálmur Ari á bloggi sínu á
DV.is. „Þegar ég heyrði af fyrir-
huguðum aðferðum Íslenskrar
erfðagreiningar (ÍE) til að ná inn
samanburðarsýnum úr þriðjungi
þjóðarinnar í gagnabrunninn
þeirra nú, setti mig þó hjóðan.
Þótt slík skimun á erfðaupplýs-
ingum heillar þjóðar sé reyndar
alltaf umdeilanleg, að þá vöktu
aðferðirnar fyrst og fremst athygli
mína. Að fá björgunarsveitamenn
landsins til að afla samþykkis og
taka við munnvatnssýnunum
gegn 2.000 króna vildarþóknun til
Landsbjargar, er vægast sagt mjög
vafasöm rannsóknaaðferð út frá
siðferðislegum sjónarmiðum að
mínu mati,“ skrifar Vilhjálmur Ari.
Hann segir að með þessu sé ver-
ið að beita þátttakendur sálfræði-
legum þrýstingi. „Neitun um þátt-
töku í rannsókn er sama og neita
björgunarsveitarmanninum góða
um þinn stuðning þegar hann leitar
til þín,“ skrifar Vilhjálmur Ari.
Dekkverk WWW.DEKKVERK.IS578 7474
OPIÐ ALLA DAGA frá 10–19 // ÓDýr ný Dekk // LYnGáS 20, GArÐABÆ
Heimilt að endurnýja
dvalarleyfi vegna ofbeldis
436 þúsund í
laun á mánuði
Regluleg mánaðarlaun
fullvinnandi launamanna á ís-
lenskum vinnumarkaði voru
436 þúsund krónur að með-
altali árið 2013. Algengast var
að regluleg laun væru á bilinu
250–300 þúsund krónur og voru
ríflega 17 prósent launamanna
með regluleg laun á því bili.
Þetta kemur fram í tölum sem
Hagstofa Íslands birti á fimmtu-
dag. Rúmlega 75 prósent launa-
manna voru með regluleg
laun undir 500 þúsund krón-
um á mánuði. Regluleg laun
karla voru 475 þúsund krónur
að meðaltali og regluleg laun
kvenna 393 þúsund krónur.
Heildarlaun fullvinnandi
launamanna voru 526 þúsund
krónur að meðaltali á mánuði
árið 2013. Algengast var að
heildarlaun væru á bilinu 400 til
450 þúsund og voru tæplega 14
prósent launamanna með laun
á því bili. Þá voru tæplega 60
prósent með heildarlaun undir
500 þúsund krónum á mánuði.
Heildarlaun karla voru 591 þús-
und krónur að meðaltali og
heildarlaun kvenna 457 þúsund
krónur. Mismunur reglulegra
launa og heildarlauna skýrist af
yfirvinnugreiðslum og öðrum
óreglulegum greiðslum eins og
desemberuppbót, eingreiðsl-
um, ákvæðisgreiðslum og bak-
vöktum, að því er segir á vef
Hagstofunnar.