Dagblaðið Vísir - DV - 13.05.2014, Blaðsíða 16

Vikublað 13.–15. maí 201416 Fréttir Erlent
Innflytjendur gerðir
að kannabisþrælum
Á
undanförnum árum hefur
það færst í vöxt að ódýrt er-
lent vinnuafl sé flutt til Bret-
landseyja í þeim eina tilgangi
að starfa við ræktun kanna-
bisplantna. Í tölum SOCA, Serious
and Organised Crime Agency, stofn-
unar sem rannsakar alvarleg og
skipulögð afbrot í Bretlandi, kem-
ur fram að fjöldi slíkra mála hafi
margfaldast á undanförnum árum.
Þannig varð 130 prósenta fjölgun í
slíkum málum milli 2011 og 2012.
Ömmu boðið heillandi starf
Vefritið Vice fjallaði um málið á
dögunum og þar var meðal annars
sögð saga vítetnamskrar ömmu sem
var boðið heillandi og traust starf
í Evrópu sem barnfóstra. Þetta var
árið 2012. Konan þáði boðið enda
var hún ánægð að eiga möguleika á
því að þéna nógu mikið til að greiða
af skuldum sínum og styðja við fjöl-
skyldu sína. Oft er flagð undir fögru
skinni og fljótlega kom í ljós að ekki
var allt með felldu.
Þræll í kannabisverksmiðju
Í grein Vice-vefritsins kemur fram að
í stað þess að hugsa um börn á heill-
andi stað í Evrópu hafi konunni ver-
ið haldið sem þræl í kannabisverk-
smiðju í úthverfi Dublin, höfuðborgar
Írlands. Haft er eftir Ainie Flynn, lög-
manni konunnar, að konan hafi feng-
ið lítið að borða. Þá hafi vegabréf
hennar verið tekið af henni þegar hún
kom til landsins til að tryggja að henni
tækist ekki að flýja. Ef hún þóknaðist
ekki yfirmönnum sínum var henni
hótað ofbeldi. Lögregla komst á snoð-
ir um verksmiðjuna í nóvember 2012
og var víetnamska amman handtek-
in við húsleitina. Síðan þá hefur hún
verið í haldi lögreglu og bíður nú
dóms vegna aðildar sinnar að fíkni-
efnaframleiðslunni.
„Þjóðfélagslegt vandamál“
Breski vefmiðillinn Western Gazette
greindi frá því í lok apríl að frá ár-
inu 2011 hafi yfir tíu mál komið upp
í Yeovil á suðurströnd Englands
sem varða víetnamska innflytjend-
ur í kannabisframleiðslu. Í umfjöll-
uninni kom fram að þó sumir væru
skipulagðir glæpamenn væru fleiri
innflytjendur neyddir til að vinna við
slíka ræktun. „Þetta er þjóðfélagslegt
vandamál sem yfirvöld verða að taka
á. Hér er fólk sem hefur verið þving-
að til landsins gegn vilja sínum,“ var
haft eftir Rich Barnett hjá lögreglunni
í Yeovil.
Þau lenda í súpunni
Víetnamska konan er ekki nafn-
greind í umfjöllun Vice og er ástæð-
an sú að Flynn hefur farið fram á
það við írska dómstóla að henni
verði veitt nafnleynd þar sem hún sé
fórnar lamb mansals. Staðreyndin er
sú, eins og kemur fram hér að fram-
an, að hún er ekki sú eina í þessari
stöðu því hundruð einstaklinga –
þar á meðal börn – eru flutt til Bret-
landseyja á ári hverju, að mestu frá
Kína og Víetnam, í þeim eina tilgangi
að starfa við ræktun kannabisefna.
Það sem meira er þá lendir þetta fólk
oftar en ekki í súpunni vegna glæpa
sem það var þvingað til að fremja og
eru dæmt. „Það er spilað með þetta
fólk og það er afvegaleitt. Ekkert
þeirra heldur að það sé að koma til
Evrópu í þeim tilgangi að vinna við
ræktun,“ segir Flynn. n
Víetnamskri ömmu var boðið starf sem barnfóstra í Evrópu en var svikin
Einar Þór Sigurðsson
einar@dv.is „Þetta er þjóðfé-
lagslegt vanda-
mál sem yfirvöld verða
að taka á.
Kannabisræktun
Fjöldi fólks, einkum
frá Víetnam og Kína,
er fluttur til Bretlands
þar sem fólkið er
neytt til að vinna við
ræktun kannabisefna.
Kastali
Drakúla til sölu
Þeir sem hafa gaman af sígildum
sögum og klassískum arkitektúr
býðst nú að kaupa eitt helsta
kennileiti Rúmeníu, Bran-kast-
ala í Transylvaníu. „Ef einhver
býður sanngjarnt verð munum við
skoða það mjög gaumgæfilega,“
segir Mark Meyer hjá lögfræði-
fyrirtækinu Herzfeld og Rubin
sem sér um söluna á kastalanum.
Um er að ræða sögulega fasteign,
en kastalinn er best þekktur fyrir
að hafa verið sögusvið bókarinnar
um Drakúla sem írski rithöfund-
urinn Bram Stoker skrifaði.
Bran-kastalinn var upphaf-
lega reistur sem virki á 14. öld. Á
hverju ári heimsækja 560 þúsund
manns kastalann og þarf að greiða
aðgangseyri til að komast inn. Að
því leytinu til gæti það reynst efn-
uðum einstaklingum sniðug fjár-
festing að kaupa þennan sögulega
og stórglæsilega kastala.
Fórnarlömbum
Mers fjölgar
Jórdanskur karlmaður lést um
helgina vegna Mers-vírussins
og hafa nú fimm látist í landinu
af völdum hans. Maðurinn sem
um ræðir var á sextugsaldri og
starfaði á sjúkrahúsi í landinu.
Þetta hefur Guardian eftir heil-
brigðisráðuneyti Jórdaníu. Þrír
til viðbótar létust af völdum
Mers í Sádi-Arabíu um helgina
og hafa nú 142 látist þar síðan
vírusinn lét fyrst á sér kræla árið
2012. 496 tilvik hafa verið greind
og hafa langflestir, eða 483,
smitast í Sádi-Arabíu.
Brugðust
ekki við
Nígerískar öryggissveitir höfðu
fjórar klukkustundir til að bregð-
ast við ráni á rúmlega 300 skóla-
stúlkum sem uppreisnarmenn
Boko Haram stóðu á bak við á
dögunum. Þrátt fyrir þennan
rúma tíma aðhöfðust þær ekki.
Þetta fullyrða mannréttinda-
samtökin Amnesty International
í grein sem birt er í vefútgáfu
breska blaðsins Mirror. Í grein-
inni kemur fram að breskir leyni-
þjónustustarfsmenn hafi verið
sendir til Nígeríu með það að
markmiði að koma lögum yfir þá
sem stóðu að baki ránunum. Um
50 stúlkur komust undan mann-
ræningjunum og er talið að um
270 séu enn í haldi.
Fjölmenni Um tvö þúsund manns
voru viðstaddir þegar fjölskyldan
var kvödd í hinsta sinn á dögunum.
Kviknaði í út frá hleðslutæki
Fimm manns létust í bruna í Sheffield þann 28. apríl síðastliðinn
R
annsókn á bruna sem varð
í húsi í Sheffield á Englandi
þann 28. apríl síðastliðinn
hefur leitt í ljós að eldur-
inn kviknaði út frá hleðslutæki fyr-
ir farsíma. Fimm létust í brunanum,
þar á meðal níu vikna stúlka. Frá
þessu greinir breska blaðið Daily
Mail og hefur eftir lögreglunni í
Suður-Jórvíkurskíri. Eldri systkini
litlu stúlkunnar, sjö og níu ára, létu-
st einnig í brunanum. Amma barn-
anna, Shabina Begum, komst út úr
húsinu en að sögn sjónarvotta fór
hún aftur inn til að freista þess að
bjarga barnabörnum sínum. Hún
skilaði sér ekki út aftur og fundu
slökkviliðsmenn hana látna. Þá lést
dóttir konunnar og frænka barn-
anna, Anum Parwaiz sem var tvítug.
Að sögn lögreglu var hleðslu-
tækið í stofunni á heimili fjöl-
skyldunnar. Svo virðist sem eldur-
inn hafi breiðst mjög hratt út. Ekki
hefur enn tekist að bera kennsl á af
hvaða tegund hleðslutækið var.
Yfir tvö þúsund manns voru
við útför fjölskyldunnar sem fór
fram í síðustu viku. „Fjölskyldan
og samfélagið allt hefur misst frá-
bæra systur, ömmu, efnilegan há-
skólanema og þrjú dásamleg börn.
Þetta er ótrúlegur harmleikur sem
engin orð fá lýst,“ sagði Isfaq Hussa-
in Kayani, ættingi fjölskyldunnar,
við útförina. n
einar@dv.is