Dagblaðið Vísir - DV - 13.05.2014, Blaðsíða 27

Vikublað 13.–15. maí 2014 Lífsstíll 27
á mig. Ég eyddi heilum degi með tár­
in í augunum í að horfa á lík flutt nið­
ur úr ísfallinu og mun aldrei gleyma
því. Ég get ekki verið að hafa áhyggjur
yfir kommentum sem menn heima á
Íslandi eru að skrifa. Það er ekki eitt­
hvað sem ég hef verið að leiða hug­
ann að.“
„Game over“
Ingólfur segist vissulega hafar orðið
leiður að komast ekki upp fjallið og
geta náð markmiðinu en að sá leiði
blikni í samanburði við það sem
gerðist. orðin „Game over“, sem
Ingólfur skrifaði á Facebook stungu
marga. „Já, ég hefði átt að skrifa eitt­
hvað annað. Ég var að hugsa um að
senda út einföld skilaboð bæði fyr­
ir íslenska og erlenda vini mína og
henti þessu út.
Ég get líka alveg viðurkennt að ég
hef ekki verið mikið í fjölmiðlum fyrr
en í kringum þessar hörmungar og
það er miklu flóknara en mig hefði
grunað. Maður verður virkilega að
vanda sig til að verða ekki étinn og allt
sem maður lætur frá sér þarf að vera
mjög úthugsað. Ég er ekki vanur því
og öfunda engan sem þarf að standa
í því daglega að tjá sig fullkomlega um
það sem fyrir ber. Fólk er mjög til búið
til að vera reitt og finna einhvern til að
taka þeirri reiði. Þessar hörmungar
eru það erfiðasta sem ég hef upp­
lifað og ég gat ekki tjáð mig um þær
fullkomlega og get sennilega ekki enn
svo allt komist fyrir. Ef ég gæti farið til
baka þá myndi ég sennilega bara ekki
tjá mig um þetta.
Það voru rosalega margir sem
settu álíka statusa fram. Á þessum
tíma var ég í engu ástandi til að skrifa
langan pistil enda nýkomið í ljós
að ársundirbúningur og skipulagn­
ing væri fyrir bí. Þessum leiðangri
var bara lokið og það var ekkert
meira um það að segja,“ segir Ingólf­
ur og bætir við að allt tal um hvíta
ríka manninn sem klifri á bökum
sjerpanna geti átt við einhverja hópa.
Særandi umræða
„Í mínum hópi bárum við meiri
byrðar og urðum að vera mun sjálf­
stæðari í öllum aðgerðum en aðrir
stærri leiðangrar. Sumir dýru leið­
angrarnir eru í raun eins og fimm
stjörnu hótel en að mínu mati á
slíkt lítið skylt við fjallamennsku.
Staðreyndin er sú að ég fór í næst­
ódýrasta leiðangurinn sem ég veit
um og það er fráleitt að setja mig í
hóp klifrara sem láta ferja sig þarna
um fyrir gríðarlegar upphæðir.
Það kom mér á óvart hversu
margir tóku þyrlu niður úr fjallinu
því þeir nenntu ekki að ganga til
baka þegar ljóst varð að ekkert yrði af
frekari fjallgöngu. Sjálfur tók ég dótið
á öxlina og gekk niður 70 kílómetra
með 25 kíló á bakinu. Mér fannst
bara sjálfsagt að sjá um þetta sjálfur.
Það var ekki eins og einhver kæmi að
sækja mig eða sæi um allt fyrir mig.
Öll umræða um að mér sé alveg
sama um sjerpana sem létust er ein­
faldlega röng og særandi. Í mínum
augum eru sjerparnir þjóðhetjur og
þeir eru það sannanlega í Nepal. Það
er engin ástæða til að líta niður á þessa
menn eða vorkenna. Minn sjerpi leit
allt annað en upp til mín og hefur ör­
ugglega hugsað með sér hvern djöf­
ulinn ég væri að gera þarna, ævin­
týramaður frá Íslandi sem hefur meiri
áhuga á að fljúga af fjallinu en að klífa
það. Það eru sjerparnir sem eru aðal­
mennirnir og við vitum það öll. Það er
hann sem getur þetta og mun hjálpa
mér að geta þetta. Hins vegar er al­
þjóðavæðingin alls staðar og það er
vissulega mikill munur á lífskjörum í
Nepal og á Vesturlöndum.
En svo finnst mér hálfgerður
tvískinnungur að fjölmiðlar hafi
svona gríðarlegan áhuga á dauðsföll­
um og kjörum sjerpa á meðan millj­
ónir manna lifa sem þrælar og barn
deyr úr malaríu á hverri mínútu –
sjúkdómi sem hægt er að lækna. Einn
góður vinur minn sagði mér að Ís­
lendingar sýndu þessu svona mikinn
áhuga þar sem við hefðum sjálf orðið
fyrir miklum skaða og missi vegna
snjóflóða, snjóflóðið hafi því haft
mikil tilfinningaleg áhrif á okkur. Það
er sennilega rétt.“
Fimm milljóna verkefni
Ingólfur er enn staðráðinn í að kom­
ast á toppinn. „Ég mæti í apríl á næsta
ári til að klára þetta – ef ég næ að safna
upp í leiðangurskostnað og eyði ekki
of miklu á Rub 23 í vetur. Það er bara
vonandi að manni takist að finna
ástríðuna aftur og vera duglegur að
æfa,“ segir hann og bætir við að hann
hafi þegar eytt rúmum fimm millj­
ónum í verkefnið. „Ætli ég þurfi ekki
auka þrjár og hálfa í viðbót. Við eigum
leyfið, súrefni og búnaðinn og mun­
um fá afslátt frá leiðangursstjóran­
um. Þetta er orðið miklu stærri pakki
og meira en ég ætlaði að eyða í þetta í
byrjun. Fjallaklifur er dýrt sport.
Everest kallar á mig. Það er erfitt
að segja af hverju mér finnst ég verða
að sigra fjallið. Þetta er bara innbyggt
í mig. Sumir þurfa að eignast börn,
aðrir að vera í fastri vinnu og lifa við
öryggi. Ég þarf að standa á hæsta tindi
veraldar.“ n
„Everest kallar á mig“
„Ég fékk haturspóst
þar sem menn
óskuðu mér að verða
undir snjóflóði.
Fjallið kallar á hann
Ingólfur segir Everest
kalla á sig. Mynd SiGtryGGur Ari
Verkfallið kom
ekki að sök
Vinnugleði í FG
Tískusýning útskriftarnema á
Fata­ og textílhönnunarbraut
Fjölbrautaskólans í Garðabæ var
haldin síðustu
helgi á Kjar­
valsstöðum.
Á sýningunni
kynntu 15
nemendur
verk sín frá
síðustu önn.
Nemend­
ur létu ekki
verk úr hendi
falla þrátt fyrir
verkfall framhaldsskólakennara.
„Okkur hefur tekist með dugnaði,
vinnugleði og mikilli aukavinnu
að ljúka verkefnum okkar,“ sagði
einn útskriftarnema. „Við lögð­
um okkur fram við að gera þessa
sýningu sem besta.
Ertu skýrdreymin/n?
Vísindamönnum hefur tekist að framkalla skýra drauma
V
ísindamenn hafa komist að
því að það er mögulegt að
framkalla skýrdreymni (lucid
dreaming) hjá sofandi fólki
með því að gefa því milt rafstuð á
höfuðleðrið. En þegar einstaklingur
upplifir svo kallað skýrdreymi er
hann meðvitaður um að hann sé
að dreyma þótt hann liggi sofandi í
rúminu sínu.
Sá sem dreymir hefur þá svo öfl­
uga meðvitund að hann getur jafnvel
stýrt draumnum og haft áhrif á at­
burðarásina.
„Meginniðurstöðurnar eru að þú
getur með örvun höfuðleðursins örv­
að heilann. Og það má hafa þau áhrif
á heilann að sá sofandi verður með­
vitaður um að hann sé að dreyma,“
segir prófessor J. Allan Hobson,
við Harvard Medical School, sem
er einn höfunda rannsóknarinn­
ar ásamt dr. Ursulu Voss sem hefur
leitt rannsóknina. Rannsóknin hefur
verið birt í læknatímaritinu Nature,
Neurioscience.
Fyrri rannsóknir, undir stjórn dr.
Ursulu Voss við Johann Wolfgang
Goethe­háskólann í Þýskalandi, gefa
til kynna að skýrdreymi sé einstakt
ástand þar sem fram koma einkenni
REM­svefns þar sem okkur dreymir
og vöku.
„Skýrdreymi er góð leið fyrir vís­
indamenn til að fylgjast með heila­
starfsemi undirmeðvitundar,“ segir
Voss og bætir því við að rannsóknin
gæti reynst þýðingarmikil í rann­
sókn á geðsjúkdómum. „Ég fer var­
lega í að álykta um meðferðarúrræði
vegna uppgötvunarinnar en hún er
sannarlega skref í átt til skilnings,
þegar kemur að því að rannsaka of­
skynjanir.“
Í niðurstöðum má hins vegar lesa
um að möguleikar rannsóknarinn­
ar nái til þeirra sem fá endurteknar
martraðir, til að mynda þeirra sem
þjást af áfallastreitu og ofsakvíða.
27 sjálfboðaliðar tóku þátt í rann­
sókninni, enginn þeirra hafði upplif­
að skýrdreymi áður. n
Hægt að framkalla
drauma Vísindamönnum
hefur tekist að framkalla
skýrdreymi. Það getur haft
mikla þýðingu fyrir þá sem
til dæmis þjást af martröð-
um og ofskynjunum vegna
geðsjúkdóma.