Dagblaðið Vísir - DV - 22.08.2014, Side 8

Helgarblað 22.–25. ágúst 20148 Fréttir
Silicor í viðræðum
um byggingarleyfið
n Starfsmaður Skipulagsstofnunar segir misskilnings gæta um verksmiðjuna
V
ið eigum fund með þessum
aðilum í vikunni,“ segir Skúli
Þórðarson, sem nýtekinn er
við sem sveitarstjóri í Hval-
fjarðarsveit, spurður um
stöðuna á viðræðum við bandaríska
fyrirtækið Silicor sem hefur í hyggju
að reisa verksmiðju á Grundartanga
sem framleiðir sólarsellur. Silicor
þarf að sækja um og fá byggingaleyfi
frá Hvalfjarðarsveit til að verksmiðj-
an geti verið reist. Verksmiðjan verð-
ur um 93 þúsund fermetrar að stærð.
Skúli segir að viðræður Hval-
fjarðarsveitar við Silicor séu mjög
skammt á veg komnar. Hann seg-
ir að umsókn um byggingarleyfi hafi
enn ekki verið skilað inn og viðræð-
ur við fyrirtækið þurfi að fara fram
fyrst. „Nei, þetta er ekki komið svo
langt. Þetta mál er bara í undirbún-
ingsferli og viðræður eru bara fyr-
irhugaðar við þessa aðila.“ Spurður
um næstu skref segir Skúli að stjórn-
endur Hvalfjarðarsveitar þurfi að átta
sig á því „hvað búi að baki þessari
vinnslu“, hvað felist í henni og hvers
eðlis hún sé.
Þarf ekki að fara í umhverfismat
Í lok apríl síðastliðinn felldi
Skipulagsstofnun þann úrskurð að
bygging verksmiðjunnar þyrfti ekki
að fara í mat á umhverfisáhrifum.
Niðurstaðan byggist meðal annars á
gögnum sem samstarfsaðili Silicor á
Íslandi, VSÓ ráðgjöf, lagði fram um
byggingu verksmiðjunnar og um-
hverfisáhrifin af henni sem stofnun-
in taldi verða lítil. Orðrétt segir í úr-
skurðinum: „Í samræmi við 6. gr.
laga um mat á umhverfisáhrifum nr.
106/2000 hefur Skipulagsstofnun far-
ið yfir þau gögn sem lögð voru fram af
hálfu VSÓ ráðgjafar við tilkynningu,
umsagnir og viðbrögð VSÓ ráðgjaf-
ar vegna þeirra. Á grundvelli þessara
gagna er það niðurstaða Skipulags-
stofnunar að hreinsun kísilmálms til
framleiðslu á sólarkísli á Grundar-
tanga í Hvalfjarðarsveit sé ekki líkleg
til að hafa í för með sér umtalsverð
umhverfisáhrif og skuli því ekki háð
mati á umhverfisáhrifum.“
Gagnrýni á verksmiðjuna
Umræða um byggingu verksmiðj-
unnar hefur verið gagnrýnin á köfl-
um og sagði Haraldur Sigurðsson
eldfjallafræðingur til dæmis á blogg-
síðu sinni um miðjan júlí að í verk-
smiðjunni yrði til efnið polysilicon
sem væri mengandi: „Við lesum í
fréttum að amerískt fyrirtæki hyggst
reisa verksmiðju á Grundartanga til
að framleiða sólarsellur. Sólarsellur
eru að sjálfsögðu ágæt aðferð til
að beisla endurnýjanlega orku, en
það fylgir mikill böggull skammrifi.
Framleiðsla á sólarsellum og efninu
polysilicon er mjög sóðalegt og
mengandi verk og fylgir því mikil los-
un af eiturefninu sílikon tetraklóríð -
SiCl4. Það er talið að við framleiðslu
af einu tonni af polysílikon verði til
úrgangur sem er fjögur tonn af síli-
kon tetraklóríð.“
Annars stigs hreinsun
Sigurður Ásbjörnsson, annar af
starfsmönnum Skipulagsstofnunar
sem vann úrskurðinn um verksmiðj-
una, segir að ákveðins misskilnings
gæti í umræðunni um hana. Hann
segir að kísillinn sem eigi að hreinsa
í verksmiðjunni sé 99,5 prósent
hreinn og að hreinsa eigi hann með
bræddu áli þannig að hann verði
99,9999 prósent hreinn. Sigurður
segir að efnið polysilicon komi ekki
við sögu í þessari hreinsun heldur
í fyrsta stigs hreinsun á kísli. Þar af
leiðandi þurfi ekki að hafa áhyggj-
ur af polysiliconi í framleiðsluferl-
inu. „Þetta efni kæmi við sögu ef um
væri að ræða fyrsta stigs hreinsun
en þetta er seinna stigs hreinsun.
Þetta er eiginlega lokahreinsun.
Þetta er eiginlega verkefni sem á
sér enga hliðstæðu í heiminum. Þar
sem bara er verið að hreinsa þenn-
an 99,5 prósent hreina kísil.“ Sig-
urður segir að umhverfisáhrifin af
verksmiðjunni verði ekki mikil og
verksmiðjan sé þar af leiðandi frekar
meinlaus í umhverfisverndarskiln-
ingi. „Miðað við allar þær lýsingar
á framleiðsluferlinu sem við höfum
og vinnu okkar þá er þetta tiltölu-
lega meinlaust.“ n
Ingi Freyr Vilhjálmsson
ingi@dv.is
„Þetta mál er bara
í undirbúningsferli
og viðræður eru bara
fyrirhugaðar við þessa
aðila.
Sagði verksmiðjuna menga mikið
Starfsmaður Skipulagsstofnunar segir að
gagnrýni Haraldar Sigurðssonar eldfjalla-
fræðings eigi ekki við rök að styðjast þar
sem hreinsunin á kísilnum sé annars stigs en
ekki fyrsta stigs hreinsun.
„Þetta er eiginlega
lokahreinsun
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
B
yggingarfyrirtækið Dverghamrar
ehf. í sameiningu við Versus lög-
menn festi nýverið kaup á lóð-
inni að Skógarlind 1 í Kópavogi.
Þar hyggjast þeir reisa læknamiðstöð.
Samkvæmt auglýsingu Eignamiðlun-
ar ehf. var uppsett verð á lóðinni tæp-
ur hálfur milljarður. Hólmgeir Elías
Flosason, einn lögmanna Versus, seg-
ir í samtali við DV að allir lögmenn
Versus, ásamt eigendum Dverghamra,
Guðmundi Ragnari Guðmundssyni og
Magnúsi Jóhannes Sigurðssyni, eigi
hlut í eignarhaldsfélaginu Skógarlind
ehf. sem á svo aftur lóðina. Einn lög-
fræðinga stofunnar er Atli Helgason
en hann myrti Einar Örn Birgisson árið
2000 með hamri er þeir ráku saman
GAP-verslunina á Laugavegi. Fyrir það
sat hann í fangelsi til ársins 2010.
„Við erum með eignarhald í þessu
en okkar aðkoma er aðallega að sjá
um gerð leigusamninga, samninga-
gerð og annað meðan á þessu stendur.
Langstærsti eigandinn er samt Dverg-
hamrar, byggingarfyrirtækið. Við eig-
um samt hlut í þessu sem einstak-
lingar,“ segir Hólmgeir. Hann segir að
kaupsamningur hafi verið undirritað-
ur í maí. „Það var HÞR1 ehf. sem átti
eignina, sem var áður Reginn, ef ég
man rétt,“ segir Hólmgeir spurður um
söluaðila. Á heimasíðu ríkisskattstjóra
má þó sjá að félagið HÞR1 sé afskráð.
„Það rann inn í Hömlur,sem var áður
Reginn, var það ekki svoleiðis? Þetta
er dótturfélag Landsbankans alla-
vega,“ svarar Hólmgeir. Öll félögin sem
Hólmgeir nefnir voru síðastliðinn des-
ember undanþegin frá gildissviði upp-
lýsingalaga. Svo virðist sem hið rétta sé
að HÞR1 hafi verið dótturfélag Höml-
ur sem er svo aftur dótturfélag Lands-
bankans.
„Hugmyndin er að reisa þarna allt
að 18 þúsund fermetra hús. Það yrði
tvær grunnhæðir, eins og hugmynd-
irnar eru núna, og svo kæmu fjórir
fjögurra hæða turnar upp úr þessum
grunnhæðum,“ segir Hólmgeir. n
hjalmar@dv.is
Versus kom að byggingunni
n Flókið eignarhald söluaðila n Atli Helgason hluthafi
Einnig á Grundartanga Á Grundartanga er einnig álver Norðuráls. Silicor vill reisa sólarselluverksmiðju á tanganum.
Öskuspá yr.no
Norska loftslagsstofnunin hef-
ur gefið út öskuspá, tvö kort sem
sýna hvar aska frá Bárðarbungu
myndi dreifast ef eldfjallið gysi.
Annars vegar gaf stofnunin út kort
sem sýnir afleiðingar kraftmikils
goss og hins vegar kort sem sýnir
afleiðingar lítils goss.
Það fer eftir vindstyrk hversu
hratt askan myndi þá berast en
að sögn Bjart Eriksen, sem ræddi
við veðursíðuna yr.no, myndu líða
þrír til fjórir dagar áður en askan
kæmi til Noregs.
„Ef eldfjallið byrjar að gjósa í
dag, þá myndi askan ná til Noregs
á degi þrjú eða fjögur,“ segir Bjart
Eriksen, hjá norsku Meteorologisk
institutt, loftslagsstofnun Noregs,
í samtali við yr.no, en ekki er mjög
hvasst í grennd við Bárðarbungu.
Skjálftavirkni er enn mikil í
grennd við Bárðarbungu, en að-
alvirknin er bundin við innskota-
virknina undir Dyngjujökli.
Kröftugt gos
Lítið gos
Kenna erlent
móðurmál
Skóla- og frístundaráð Reykja-
víkurborgar hefur samþykkt
að setja saman starfshóp
um móðurmálskennslu fyr-
ir grunnskólabörn af erlend-
um uppruna. Þetta kemur
fram í tilkynningu frá borginni.
Hópurinn á meðal annars að
leggja mat á þörfina fyrir móð-
urmálskennsluna og skoða
hluti eins og menntun kennara
og viðurkenningu á náminu.
Fram kemur að það sé verulegt
áhyggjuefni fyrir íslenskt sam-
félag að brottfall nemenda af
erlendum uppruna sé allt að
90 prósent í framhaldsskólum.
Það kalli á skýr viðbrögð.
Lögmaður Hólmgeir segir að eignin hafi
verið keypt af dótturfélagi Landsbankans.