Dagblaðið Vísir - DV - 22.08.2014, Side 45
Helgarblað 22.–25. ágúst 2014 Lífsstíll 45
Bakar ilmvatns-
smákökur
Bandaríski eftirréttakokkurinn
Christina Tosi hefur búið til
smákökuuppskrift sem innblásin
er af ilmvatninu Private Collection
frá Estée Lauder. Tosi er kokkur á
veitingastaðnum Milk Bar á Man-
hattan, New York, og hefur getið
sér góðan orðstír sem slíkur. Hún er
mikið fyrir að gera tilraunir og prófa
nýja hluti þegar kemur að bakstri
og eldamennsku og eru ilmvatns-
smákökurnar vissulega til marks um
það. Ekkert ilmvatn er þó að finna
í kökunum, en hráefnin taka hins
vegar mið af innihaldsefnum ilm-
vatnsins frá Estée Lauder, sem með-
al annars eru rósir og jarðarber.
Góð ráð fyrir eldamennskuna
n Fimm hlutir sem gera þér lífið í eldhúsinu auðveldara n Getur sparað þér heilmikinn tíma
E
ldamennska er bæði
skemmtilegt og gefandi
áhugamál en henni fylgir
gjarnan mikill tími og vinna.
Ýmislegt má þó gera til að
auðvelda sér verkin. Hér eru nokkur
einföld ráð sem auðvelda þér lífið í
eldhúsinu til muna.
1 Opnaðu krukku
án vandræða
Hver hefur ekki
lent í því að eiga í
erfiðleikum með að
opna krukku af súrum
gúrkum, sultu eða öðrum kræsing-
um úr eldhúsinu? „Ef þú hleypir lofti
á milli er það ekkert mál,“ sungu þeir
Ásgeir Orri og Steindi um árið og eru
það orð að sönnu. En þó er til annað
einfalt bragð til að auðvelda krukku-
opnun: Vefðu gúmmíteygju um lok-
ið en við það færðu betra grip á lokið
og krukkuopnunin verður leikur
einn. Ef gúmmíteygjan nægir ekki er
gott að leggja viskastykki yfir lokið og
gúmmíteygjuna og þá verður lítið
mál að opna krukkuna án vandræða.
2 Auð- veldaðu
skurðinn
Það getur ver-
ið ansi tíma-
frekt að skera
mikið magn af
vínberjum, kirsu-
berjatómötum, ólífum eða
öðrum smáum, kringlóttum mat. Þó
er til skemmtileg aðferð sem spar-
ar talsverðan tíma og erfiði við slíkt
handverk. Settu það sem þú vilt
skera á milli tveggja, flatra hluta.
Það geta til dæmis verið plastlok af
nestisboxi, krukkulok eða matar-
diskar. Settu höndina svo ofan á efri
hlutann og renndu hníf í gegnum
allt heila klabbið. Passaðu bara að
þrýsta efri hlutnum ekki of fast ofan
á hráefnið svo það kremjist ekki.
3 Kreistu sítrónur réttEins dásamlegt og það er að
nota sítrónusafa í matreiðslu get-
ur verið afar hvimleitt að kreista
safann úr ávextinum súra. Hend-
urnar verða útataðar í safanum og
oftar en ekki laumast nokkrir stein-
ar með út í matinn. Þetta má hins
vegar koma í veg fyrir með einfaldri
aðferð. Takið tannstöngul og stingið
honum í heila sítrónu. Snúið tann-
stönglinum og hreyfið hann fram
og til baka inni í ávextinum til að
mynda hæfilega stórt gat. Fjarlæg-
ið svo tannstöngulinn og kreistið
sítrónusafann út án nokkurra vand-
ræða. Þetta góða ráð virkar best
á sítrónur við stofuhita, en ef þær
hafa verið geymdar í kæli er gott að
velta þeim á milli lófanna um stund
áður en tannstönglinum er stungið
í ávöxtinn. Ef nota á sítrónuna aft-
ur síðar skal stinga tannstönglinum
aftur í gatið og setja sítrónuna í kæli.
Þannig geymist hún lengur.
4 Auðveldaðu hvítlauks-verkunina
Hvítlaukur er allra
meina bót og
nánast ómis-
sandi í mat-
reiðslu af ýmsu
tagi. Fátt er þó
leiðinlegra og
tímafrekara en að af-
hýða hvítlauk auk þess sem slíku
handverki fylgir sú staðreynd að
hendurnar anga af lauknum það
sem eftir lifir dags. Þetta má þó forð-
ast með því að setja hvítlaukinn í ör-
bylgjuofn í 20 sekúndur. Við það
hrynur hýðið auðveldlega af og hvít-
laukslyktin á höndunum helst í lág-
marki. Angi hendurnar þó of mikið
má losna við lyktina með því að
nudda þeim upp við eitthvað úr ryð-
fríu stáli, svo sem eldhúsvaskinum,
hníf eða öðrum eldhúsáhöldum.
5 Nýttu klakaboxin velÁttu afgang af tómatpúrru,
pestó eða grænmetissoði? Settu af-
gangana í klakabox ásamt örlitlu
vatni og frystu. Þá má svo alltaf taka
úr frystinum og nota í súpur, sós-
ur og soð með lítilli fyrirhöfn en auk
þess að veita matvælunum lengri
geymslutíma auðveldar þessi að-
ferð þig einnig við að stýra magn-
inu sem nota á í matreiðsluna. Þetta
má einnig gera til að geyma ferskar
kryddjurtir, en þær má ýmist frysta
með vatni eða ólífuolíu, auk þess sem
klakabox eru fullkomin til konfekt-
gerðar. Bræddu súkkulaði er þá hellt
í klakabox og jarðarber eða annað
góðgæti sett ofan í hvert hólf. Boxið
er svo sett í kæli og þegar súkkulaðið
hefur harðnað hafa myndast fallegir
súkkulaðimolar sem lítið mál er að
framreiða á örskotsstundu. n
Hörn Heiðarsdóttir
horn@dv.is
Gaman að elda Til eru
ýmis ráð til að auðvelda
manni lífið í eldhúsinu.
Auðvelt Sítrónutrikkið getur komið í veg
fyrir óþarfa sóðaskap. Allt sem þarf er einn
tannstöngull og skál undir safann.
Grænumörk 10 - Hveragerði - www.hnlfi.is
Nánari upplýsingar í síma 483 0300
eða heilsu@hnlfi.is
Heilsustofnun
Náttúrulækningafélags Íslands
Líf án streitu
- lærðu að njóta lífsins
Námskeiðið er fyrir þá sem vilja njóta lífsins, lifa lífinu aðeins
hægar og huga að andlegri og líkamlegri líðan. Dvölin gefur
einnig einstakt tækifæri til að taka upp nýjar og skynsamlegar
leiðir hvað varðar hreyfingu, næringu og svefn.
Innifalið: Gisting, ljúffengur og hollur matur,
skipulögð dagskrá, hugleiðsla og jóga, aðgangur
að sundlaugum, baðhúsi og líkamsrækt.
Verð á mann: 119.900 kr.
7 daga heilsudvöl 7. – 14. september
Aukadagur fyrir þá sem vilja lengja dvölina er 9.900 kr. pr. sólarhring.
Hefur þú tekið þátt í ísfötu-áskoruninni?