Dagblaðið Vísir - DV - 22.08.2014, Page 51

Helgarblað 22.–25. ágúst 2014 Sport 51
Veruleikinn á bak Við slúðrið
n Rupert Murdoch stofnaði fyrsta slúðurdálkinn um félagaskipti í enska boltanum n Klækjabrögð daglegt brauð n Leikmenn spila með fjölmiðla
Æsifréttablaðamaður: „Þörfin fyrir
þessar fréttir er yfirgengileg. Jafnvel mjög langsótt frétt sem
inniheldur þekkta leikmenn eða eitthvert af stóru félögunum,
fær miklu meiri lestur en fréttir af íþróttaviðburðunum sjálfum.“
Úrvalsdeildarleikmaður:
„Hvernig fara sögurnar af stað? Sko, ef þú ert
Úrvalsdeildarleikmaður og vilt skipta um lið geturðu
komið þessu af stað. En það er ekki nóg að leggja bréf
á borð framkvæmdastjórans.“
Framkvæmdastjóri:
„Skrifleg beiðni um sölu er það versta
fyrir leikmanninn sjálfan og umboðs-
manninn. Í hverjum samningi er ákvæði
um hollustubónus og jafnvel þótt leik-
maður sé seldur með miklum látum þá
fær hann greiddan bónusinn ef hann ekki
biður sjálfur um að vera seldur. Enginn
vill fara á mis við hollustubónusinn.
Úrvalsdeildarleikmaður: „Ég skipti tvisvar um félag af því að mig langaði til
þess að breyta til. Í tvö önnur skipti heyrði ég af áhuga annarra liða en fékk engar fyrirspurnir. Í þeim
tilvikum lætur maður boltann rúlla. Besta leiðin til þess að biðja umboðsmanninn að koma áhuganum á
framfæri. Maður getur líka talað við aðra félaga í boltanum og beðið þá um að tala við sína umboðs-
menn. Stundum þekkir maður einhvern hjá félaginu sem maður treystir og veit að er í góðu sambandi við
fjölmiðlamann. En maður veit aldrei í fótbolta. Á einum tímapunkti, þegar ég fékk lítið að spila, sagði ég við
mann sem ég treysti að ég vissi af áhuga tiltekins félags. Daginn eftir var ég kallaður á teppið hjá stjóranum og
hann sagði. „Þú getur gleymt því að þú fáir að fara til þeirra.““
Framkvæmdastjóri:
„Leikmannamarkaðurinn er svívirðilegur
heimur þar sem ekki er allt sem sýnist.
Leikmenn, umboðsmenn og félög gera
ýmislegt til að bæta sinn hag.“
Úrvals-
deildarleik-
maður:
„Einu sinni vildi liðsfélagi
minn fara frá félaginu. Hann
valdi dag þegar hann átti frí
til að segja blaðamanni að
honum hefði verið gert að
æfa með unglingaliðinu; með
krökkunum. Blaðamaðurinn
sá til þess að ljósmyndari
færi á vettvang, svo lítið
bæri á. Leikmaðurinn mætti
á svæðið, svo hægt væri að
mynda hann, jafnvel þó hann
hefði aldrei verið boðaður
á æfinguna. Skömmu síðar
hitti ég hann í búningsklefan-
um og hann var í skýjunum.
„Það virkaði! [Eitt af topp-
liðunum] vill fá mig!“
Íþróttafréttamaður: „Þetta er lítill heimur. Ég er með lista yfir 15 til 20
knattspyrnustjóra sem ég get hringt í. Í flestum tilfellum eru þeir jafn vel meðvitaðir um það sem er
í gangi hjá öðrum félögum og þeirra eigin. Ef maður gerir knattspyrnustjóra greiða þá fær maður
eitthvað til baka. Knattspyrnustjóri hringdi í mig í morgun og sagði: „Ég vil fá þennan markvörð en
ég heyri að hann sé á leið eitthvert annað. Geturðu fundið út úr því fyrir mig?“ Ég gat hjálpað til og
hann lét mig í staðinn hafa upplýsingar um mjög góða frétt; frétt um lið úr sömu borg.
Umboðsmaður: „Stundum leka
klúbbarnir upplýsingum um það hverja þeir vilja
kaupa um sumarið í mars eða apríl. Það getur verið af
þeirri ástæðu að sala á ársmiðum fyrir næsta tímabil
gengur illa. Að minnsta kosti einn stjórnarformaður
hjá stóru félagi er þekktur fyrir þetta.“
Framkvæmdastjóri: „Stundum þegar menn fá ekki þær
upphæðir sem þeir vilja fyrir leikmennina sína þá grípa þeir til sinna ráða. Þeir
hringja í framkvæmdastjóra eða stjórnarformann keppninautanna og segja:
„Sjáðu nú til. Ég vil 10 milljónir punda fyrir þennan ræfil, en hinir bjóða bara
8. Geturðu haft samband við þinn mann hjá blaðinu og sagt að þú ætlir að
bjóða 9 milljónir?“ Ef samböndin eru góð og fréttin fer út þá ertu miklu
líklegri til að fá það sem þú vildir fyrir leikmanninn.“
Æsifréttablaðamaður: „Þegar risastór félagaskipti eru í bígerð þá verður þetta
allt snúnara, til dæmis þegar Ronaldo fór til Madrid, Fabregas til Barcelona og Modric til Madrid. Þá
sammælast leikmaðurinn, umboðsmaðurinn og félögin um að tala ekki við fjölmiðla. Undir þeim
kringumstæðum þarf maður að treysta á að fólkið sem fæst við þetta elskar að slúðra. Þú talar kannski
ekki beint við neinn, en getur oftast talað við einhvern í kring um fólkið sem er í eldlínunni. Það getur verið
vinur leikmannsins eða framkvæmdastjórans. Í aðdraganda einna stærstu félagaskipta síðustu ára þá
gekk leikmaðurinn inn á skrifstofu knattspyrnustjórans og tilkynnti að hann vildi fara. Áður en fundurinn
var búinn var ég búinn að tala við umboðsmanninn sem sagði mér hvað leikmaðurinn ætlaði að gera.“
Æsifrétta-
blaðamaður:
„Það eru svo margir sem
koma að einum félagaskipt-
um. Knattspyrnustjórar,
framkvæmdastjórar,
yfirmenn knattspyrnumála,
fulltrúi leikmannsins og
leikmaðurinn sjálfur. Hver og
einn er líklegur til að segja
fjórum eða fimm frá því sem
í gangi er.“
Íþróttafréttamaður: „Menn halda að vangavelturnar með Wayne
Rooney á þar síðasta tímabili hafi verið flétta til þess að fá launahækkun. Það var hins
vegar ekki raunin. Þetta var í raun og veru ekki beiðni um sölu, heldur spilaði Ferguson
frábærlega úr stöðunni. Þetta var einfaldlega beiðni til félagsins. Rooney vildi vera
áfram en á þeirri forsendu að félagið myndi kaupa góða leikmenn. Að lokum fengust
eigendurnir til að opna veskið – og hafa haft það opið síðan.“
Íþróttafréttamaður: „Erfiðast af öllu er að komast að
því hvort slúðrið sé satt. Þeir eru ekki margir umboðsmennirnir sem ég tek mark
á, hjá þeim er allt of mikið undir. Í þessum heimi þrífst ákveðin lygamenning. Ég
læt sjötíu prósent af því sem ég heyri sem vind um eyru þjóta.“
Framkvæmdastjóri: „Ég þekki dæmi þess að leikmaður, hafi
farið til liðsins sem hann var fyrst orðaður við, þó önnur félög hafi komið síðar inn í
dæmið og boðið hærri laun. Það ratar ekki alltaf í blöðin.
Dæmi eru um að umboðsmennirnir láta leikmanninn
sjálfan ekki vita af áhuga liðsins sem býður betur. Það
stafar af því að umboðsmaðurinn fær hærri upphæð
ef hann fer til fyrsta liðsins. Ég veit ótal dæmi þess að
umboðsmenn fari þannig á bak við leikmenn sína.
Æsifréttablaðamaður: „Erfiðast er að hafa alltaf rétt fyrir
sér. Það eru til vefsíður sem mæla hversu margar fréttirnar reynast réttar, eftir því til
hvaða liða menn fara. Það er alls ekki sanngjarn mælikvarði. Chelsea hafði til dæmis
mjög mikinn áhuga á Modric og var reiðubúið að kaupa hann. Stundum hleypur
snurða á þráðinn, eitthvað sem við höfum enga stjórn á. Um tíma var rætt um að
Andry Carroll og Carlos Tevez skiptu um félög, jafnvel þó Kenny Dalghlish hafi
neitað því. Leikmennirnir vissu um þetta. Það er niðurdrepandi að fá frétt, t.d. um
Van Persie, frá traustum heimildarmönnum sem maður hefur verið í samskiptum við svo árum
skiptir, og lesa svo um það á Twitter að um uppspuna sé að ræða.
Framkvæmdastjóri: „Umboðsmenn
vilja ekkert frekar en kapphlaup um leikmenn sína, þar sem
hver yfirbýður annan. Þetta gerist mjög sjaldan, ólíkt því sem
ætla mætti. Þegar þrjú lið eru nefnd til sögunnar er vanalega
bara eitt þeirra áhugasamt. Annað liðið er félag sem
leikmaðurinn og umboðsmaðurinn vilja að hafi áhuga. Þriðja
liðið er vanalega ekki annað en fjarlægur draumur.“
Íþróttafréttamaður: „Stundum er
leikmaðurinn sjálfur ekkert inni í málunum. Fyrir nokkrum árum
heyrði ég að Sunderland vildi fá Jermain Defoe. Fyrir tilviljun átti
ég viðtal við hann deginum eftir, fyrir einhvern styrktaraðila. Eftir
viðtalið spurði ég hann hvort eitthvað væri til í að hann væri á leið
til Sunderland. Hann svaraði: „Við erum stundum þeir síðustu sem
fáum að heyra svona. Ég hef spilað með leikmönnum sem fá
einfaldlega símtöl: Til hamingju þú ert að fara þangað.“
Íþróttafréttamaður:
„Þetta eru ekki nákvæm vísindi og þú myndir
ekki trúa því hvað margt getur spilað inn í.
Ég vann í frétt um leikmann frá Afríku sem
var á leiðinni til úrvalsdeildarfélags.
Leikmaðurinn var að spila með landsliðinu
og umboðsmaðurinn kom til að semja. Allt
leit vel út þar til annar umboðsmaður hafði
samband og sagði að hinn hefði ekkert
umboð. Við þurftum að byrja allt upp á nýtt.
Á síðari stigum málsins kom í ljós að Vísað
rann út hjá leikmanninum á meðan hann var
að ræða við okkur, svo það þurfti að útvega
nýtt. Þá kom upp að annað félag, í öðru
landi vildi kaupa hann. Það er svo margt sem
getur spilað inn í. Ég veit um knattspyrnu-
stjóra sem stoppaði mann á flugvelli, þegar
hann var á leið til liðs í sömu borg – og samdi
við hann. Fréttin mín var rétt þangað til.
Íþróttafréttamaður:
„Ég verð reiður þegar ég sé fólk á Twitter segja
að maður hafi verið að búa til frétt, bara af
því að félagaskiptin ganga ekki í gegn.
Umboðsmaður:
„Fyrir hvern samning sem gengur
upp, fara fimm forgörðum. Það eru
mörg ljón í vegnum og margt að
gerast á sama tíma. Það þarf bara
eitthvað eitt að klikka svo
samningur geti fallið niður.“
Æsifréttablaðamaður:
„Áhuginn á slúðrinu er meiri en nokkru sinni áður. Núna
eru komin á sjónarsviðið heil kynslóð af fólki sem þekk-
ir leikinn út og inn í gegn um Football Manager – og
fylgist grannt með óánægju leikmanna um heim allan.
Umboðsmaður:
„Umboðsmaður gerir allt sem í hans valdi
stendur til að fá eins góðan samning fyrir
leikmanninn og hann mögulega getur.
Tökum dæmi um leikmann sem er
ánægður hjá félaginu sínu.
Í þeim tilfellum er hægt
að nota áhuga annars
félags til að fá launin
hækkuð. Maður leyfir
blaðamanni að spjalla
við leikmanninn sem
segir eitthvað á þessa leið:
„Það er mikill heiður að X hafi áhuga en Y
er félagið sem ég spila fyrir og elska. Ég er
miður mín yfir því að þeir virðast ekki vilja
hafa mig.“ Þá setja áhangendurnir pressu
á félagið og boltinn er hjá þeim.“
Fabregas „Þegar risastór
félagaskipti eru í bígerð þá verður
þetta allt snúnara, til dæmis
þegar Ronaldo fór til Madrid,
Fabregas til Barcelona og Modric
til Madrid.“
Æsifréttablaða-
maður: „Það gerist nánast
aldrei að leikmaður hafi sjálfur
samband til að segja manni
frá einhverju um sjálfan
sig. Það er líka sjaldgæft
að umboðsmaður hringi
og segi berum orðum:
„Liverpool vill leikmann
frá mér“. Sá hópur
umboðsmanna sem ég tala við
reglulega er lítill. Bestu ábendingarnar
snúast sjaldnast um leikmenn frá þeim,
heldur eru þeir að segja manni eitthvað
sem þeir hafa heyrt frá kollegum. Þegar
þannig háttar ræður ekkert för annað
en einskær áhugi á knattspyrnu og
slúðri því tengdu.“
Samir Nasri fór til City „Í tilfelli Samir Nasri voru allir
þrír klúbbarnir [Arsenal, Manchester City og Manchester
United] með hann í sigtinu.“