Dagblaðið Vísir - DV - 22.08.2014, Síða 60
Helgarblað 22.–25. ágúst 201460 Fólk
Stjörnur án
stjörnustæla
Það er ekki tekið út með sældinni að vera frægur; þúsundir öskrandi
aðdáenda biðja um eiginhandaráritanir og myndir dag eftir dag og
paparazzi-ljósmyndarar elta mann á röndum. Frægðin getur vissu-
lega stigið fólki til höfuðs en þó eru sumar stjörnur sem eru alveg
lausar við stjörnustæla. Hér eru nokkrir frægir einstaklingar sem eru
með báða fætur á jörðinni og koma vel fram við aðdáendur sína.
Góðhjörtuð Rowling
Breski rithöfundurinn J.K. Rowling er dýrkuð og dáð af börnum um allan heim og hefur svo sannarlega
verið góð við aðdáendur sína í gegnum árin. Árið 1999 fékk Rowling til að mynda bréf frá vinkonu
móður níu ára stúlku að nafni Natalie McDonald. Natalie var mikill aðdáandi Harry Potter-bókanna og
í bréfinu var Rowling beðin um að skrifa stúlkunni bréf, en hún barðist við hvítblæði og því voru litlar
líkur á að hún myndi fá að vita hvernig bækurnar um Harry myndu enda. Rowling sá bréfið ekki fyrr en
eftir að hún kom úr fríi en sendi Natalie bréf þar sem hún skrifaði hvernig færi fyrir öllum aðalpersónum
bókanna. Því miður var Rowling of sein því Natalie var látin þegar bréfið barst, en það sem Rowling
gerði í kjölfarið var að skrifa stúlkuna inn í bækurnar. Hún flokkaði hana í Gryffindor, hús hugrekkis, en
nemandinn Natalie McDonald kemur fyrir í fjórðu bókinni, Harry Potter og eldbikarinn.
Jarðbundinn
partíkall
Bandaríski leikarinn Bill Murray er þekktur
fyrir að vera með báða fætur á jörðinni og
alveg laus við stjörnustæla. Hann hefur til
að mynda sungið karókí með hópi aðdáenda
sem hittu hann á bar í New York og báðu hann
um að taka með sér lagið, spilað „kickball“
með hópi ókunnugs fólk sem hann rakst
á á Roosevelt Island og leikið í stuttmynd
aðdáanda sem hitti hann úti á götu. Þá mætti
hann einu sinni í eftirpartí með stelpu sem
hann kynntist á bar og vaskaði upp diskana
eftir sig og alla í samkvæminu. Árið 2010 var
hann svo staddur á bar í Austin í Texas og tók
upp á því að vippa sér fyrir aftan barborðið og
hóf að framreiða drykki fyrir bargesti.
Pósar með aðdáendum
Óskarsverðlaunaleikarinn Tom Hanks þykir rólegur og jarðbundinn maður sem kemur einstaklega vel fram við
aðdáendur sína. Til dæmis um það er þegar aðdáandi hitti Hanks á pitsustað í Norður-Dakóta árið 2012 og bað hann
um að sitja fyrir í myndaseríu með sér. Hanks var heldur betur til í það en á myndunum, sem fóru eins og eldur í sinu um
netheimana, pósar leikarinn við hlið aðdáandans sem þykist vera dáinn áfengisdauða ofan í pitsudiskinn sinn.
Tekur lestina
Bandaríski leikarinn Keanu Reeves er alveg laus við stjörnu-
stæla. Hann notar almenningssamgöngur til að mynda
óspart en fjölmargir aðdáendur leikarans hafa náð myndum
af honum að taka neðanjarðarlestina í New York. Frægt
er til dæmis orðið þegar myndband náðist af leikaranum í
neðanjarðarlestinni þar sem hann stendur upp og býður öðrum
farþega sætið sitt.
Gjafmildur grínisti
Það borgar sig greinilega að bíða eftir grínistanum Dave Chappelle í lok uppi-
stands hjá honum. Eitt sinn biðu nokkrir aðdáendur Chappelle eftir honum í
lok sýningar og fór svo að grínistinn bauð þeim að spila með sér körfubolta um
kvöldið. Hann leigði til þess körfuboltavöll í líkamsræktarstöð í eina klukku-
stund og eftir leikinn bauð hann öllum upp á ávaxta-„smoothie“ auk þess að
gefa þeim fría miða á uppistand sitt kvöldið eftir.
Leikur með
dóttur sinni
Dóttir Johnny Depp, hin fimmt-
án ára Lily-Rose, mun leika með
pabba sínum í kvikmyndinni
Yoga Hosers sem kemur út á
næsta ári. Þá mun dóttir leik-
stjórans, Kevin Smith, einnig
leika í myndinni. Að sögn leik-
stjórans fangar myndin ást hans
á teiknimyndasögum og krafti
unglingsdætra. „Andhetjurn-
ar í myndinni eru skelfilegustu
og ógnvænlegustu verur sem
þú getur rekist á – tvær fimmt-
án ára stelpur,“ segir hann. Þetta
er fyrsta kvikmyndahlutverk
Lily-Rose en hún hefur sagt á
bloggsíðu sinni að hún sé eins
og hver önnur venjuleg fimmt-
án ára stelpa þrátt fyrir að vera
dóttir stórstjörnu.
Mariah og
Nick að skilja
Fréttasíðan Page Six fullyrð-
ir að stutt sé eftir af hjónabandi
Mariah Carey og Nick Cannon en
þau hafa verið gift frá árinu 2008.
Samkvæmt heimildum fréttasíð-
unnar lætur Mariah öryggisvörð
fylgja Nick hvert fótmál því hún
óttast að hann muni halda fram-
hjá sér. Þá vilji hún heldur ekki að
hann drekki áfengi þar sem hann
komi sér alltaf í vandræði þegar
hann er í glasi. Rifrildi hjónanna
séu komin úr böndunum og þau
búi ekki lengur saman. Athygli
vakti þegar Mariah og Nick giftu
sig á sínum tíma en tólf ára
aldursmunur er á þeim.
Einhleyp á ný
Madonna er einhleyp á ný eftir
að hafa sparkað kærastanum,
Timor Steffens, aðeins nokkrum
dögum fyrir 56 ára afmælið
sitt. Madonna og Timor, sem
er áratugum yngri en hún, eða
26 ára gamall, hafa sést reglu-
lega saman síðan í janúar. Sam-
kvæmt tímaritinu US Weekly þá
á Madonna að hafa sagt Timor
að taka dótið sitt og koma sér
út af heimilinu. Hún hafi verið
orðin leið á sambandinu og vilj-
að vera frjáls. Madonna skellti
sér svo til Ibiza án kærastans
fyrrverandi.