Dagblaðið Vísir - DV - 04.07.2014, Síða 11

Helgarblað 4.–7. júlí 2014 Fréttir 11
Dreifa nafnlausum
áróðri gegn vottum
V
eitingastaðnum Friðriki V
á Laugavegi barst í síðustu
viku nafnlaust umslag, sem
póstlagt var 24. júní síðast-
liðinn. Í umslaginu var út-
prentaður pistill um barnaníð eftir
Hlín Einarsdóttur, sem birtur var á
Pressunni hinn 18. ágúst 2010, ásamt
áróðri, skrifuðum á ensku, gegn
nafngreindu fyrirtæki í Reykjavík, á
þeim grundvelli að starfsmenn fyrir-
tækisins væru vottar Jehóva.
„Starfsfólkið er að koma
illu orði á búðirnar“
Pistill Hlínar, „Pedófílaparadís“, fjall-
ar um söfnuð votta Jehóva í Banda-
ríkjunum sem „paradís“ fyrir kyn-
ferðisafbrotamenn. Í pistlinum segir
Hlín meðal annars: „Þeir halda iðju
sinni áfram óáreittir og ótal kynferðis-
brotamál halda áfram
að koma upp. Söfn-
uðurinn reynir að
halda sektinni inn-
an safnaðarins vegna
heilaþvottar og með-
virkni, og uppsker
skemmda, misnotaða
og bugaða einstak-
linga í staðinn.“
Á blaðinu, sem
var heftað við út-
prentaðan pistil
Hlínar, er varað við
starfsemi glugga-
þvottafyrirtækisins
Glersýnar. Þar segir
meðal annars: „Ég
vil gjarnan benda
ykkur á að fyrirtækið Glersýn, sem
þrífur gluggana ykkar, tilheyrir vott-
um Jehóva og flestir starfsmenn
þess eru úr sama söfnuði. Ég vil að
auki láta þig vita að starfsfólkið er
að koma illu orði á búðirnar ykk-
ar og þið eruð að missa viðskipta-
vini af þeim sökum.“ Þá kemur fram
að þetta sama bréf hafi verið sent
flestum ferðaþjónustufyrirtækjum á
svæðinu, en DV hefur ekki staðfest-
ar heimildir fyrir því. Enn fremur er
óskað eftir því að stjórnendur séu
látnir vita af „þessum aðstæðum“.
Er með þessu ýjað að því að tengsl
séu á milli þess að starfsmenn Gler-
sýnar séu vottar, og kynferðisafbrota,
og af þeim sökum séu fyrirtæki, sem
nota þjónustu Glersýnar, að missa
viðskiptavini.
Áróðri komið fyrir á
almenningsstöðum
Ingvi Reynir Berndsen, fram-
kvæmdastjóri Glersýnar, segir í sam-
tali við DV að hann viti af bréfunum
en að hann viti ekki hver eða hverjir
standi fyrir þeim. Þá segist hann vita
til þess að á undanförnum tveimur
mánuðum hafi áróðri gegn vottum
Jehóva verið komið fyrir á almenn-
ingsstöðum og nefnir þar sem dæmi
salerni í líkamsræktarstöðinni World
Class og sólbaðsstofuna Smart. „Það
er bara einhver sem er með áróður
gagnvart vottunum og greinilega af
því að það fréttist að við séum vott-
ar, og við stjórnendur séum vottar,
að þá er verið að tengja þetta saman.
Ég bara veit ekkert um þetta,“ segir
Ingvi.
Í minnihlutahóp og vanur áreiti
Ingvi segist ekki taka bréfið um Gler-
sýn nærri sér. „Þegar maður er bú-
inn að vera trúaður frá því maður
var barn, alveg sama hvað þú ert – ef
þú ert í minnihlutahópi þá verðurðu
vanur svona áreiti. Ég kippi mér ekk-
ert upp við þetta,“ segir Ingvi. Hann
neitar því að einhver sérstök ástæða
sé fyrir því að þetta bréf er sent núna
til þess að vara við Glersýn. „Það
kemur alltaf upp svona umræða
öðru hvoru,“ segir hann. En Ingvi
segist þó telja að fordómar gegn vott-
um hafi farið minnkandi á undan-
förnum árum eftir því sem samfélag-
ið og umræðan hefur orðið opnari.
Áróður ekki aukist
Bjarni Jónsson, talsmaður votta
Jehóva á Íslandi, segist í samtali við
DV hvorki hafa heyrt áður af bréfinu
um Glersýn né áróðri gegn vottum á
almenningsstöðum. „Ég er ekkert að
segja að það hafi ekki gerst, eða neitt
svoleiðis,“ segir Bjarni. Spurður hvort
hann telji votta Jehóva hafa orðið
fyrir auknum fordómum eða áróðri
að undanförnu telur hann svo ekki
vera. „Ekkert sérstaklega núna frekar
en á öðrum tímum, sem ég hef frétt
af. Það er alltaf eitthvað í gangi sem
má búast við. Við erum ekkert óvön
slíku hér á landi sem erlendis,“ seg-
ir Bjarni. n
Veitingastaðurinn Friðrik V fékk sent bréf þar sem varað er við starfsemi Glersýnar
Erla Karlsdóttir
erlak@dv.is
Bréfið Var heftað við útprentaðan pistil frá árinu 2010 eftir Hlín Einarsdóttur, um barnaníð í söfnuði votta Jehóva.
Pistill Hlínar Fjallar um söfnuð votta Jehóva
sem paradís fyrir pedófíla, eða barnaníðing
a.
„Þegar maður er
búinn að vera
trúaður frá því maður
var barn, alveg sama
hvað þú ert – ef þú ert
í minnihlutahóp þá
verðurðu vanur svona
áreiti.
„Ég kippi mér ekkert
upp við þetta
Vottar Jehóva
Fyrirtækið Glersýn
þrífur glugga en
stjórnendur þess
eru vottar.
Engir Hróa hattar-skattar
Ráðherra setur gæsalappir utan um þá ríkustu
R
íkisstjórnin hefur engin áform
um að skattleggja auðugustu
einstaklinga og fjölskyldur
landsins umfram það sem al-
menn skattlagning neyslu og tekna
gerir ráð fyrir.
Þetta kemur fram í svari fjár-
málaráðuneytisins við skriflegri
fyrirspurn Steingríms J. Sigfússon-
ar, fyrrverandi fjármálaráðherra,
en spurning hans hljóðaði svo: „Ef
ákveðið yrði að viðhalda í einhverj-
um mæli sérstakri skattheimtu á
auðugustu einstaklinga og fjölskyld-
ur landsins sem lið í tekjuöflun ríkis-
ins og til að auðvelda niðurgreiðslu
skulda ríkissjóðs, hvaða útfærslu
slíkrar skattheimtu teldi ráðherra þá
heppilegasta?“
Svar Bjarna Benediktssonar,
núverandi ráðherra og formanns
Sjálfstæðisflokksins, er stutt og
skorinort og sýnir hve afgerandi
stefnubreyting hefur orðið í þess-
um efnum eftir að ný ríkisstjórn tók
við. Athygli vekur að í svari ráðherra
er talað um „auðugustu einstak-
linga og fjölskyldur landsins“ innan
gæsalappa.
Stjórnarliðar rökstuddu oft afnám
auðlegðarskattsins með vísan til
þess að óljóst væri hvort hann stæð-
ist lög. Í ljósi þess að Hæstiréttur
hefur úrskurðað skattinn lögmæt-
an spurði Steingrímur Bjarna hvort
hann hygðist endurskoða afstöðu
sína. Í svari við þeirri spurningu seg-
ir ráðherra að allir eignarskattar séu
háðir þeim annmarka að ekki þurfi
að vera neitt samband milli álagn-
ingar slíkra skatta og greiðslugetu
þess sem skatturinn er lagður á.
„Hann leggst í mörgum tilvikum
á tekjulágt eldra fólk sem býr í skuld-
lausu húsnæði, eins og fram kem-
ur í skýrslu velferðarráðherra,“ seg-
ir í svarinu, auk þess sem bent er á
að ein af forsendum dómsins sé að
skatturinn hafi verið tímabundinn.
„Það er því alls óvíst að Hæstiréttur
hefði komist að sömu niðurstöðu
ef um væri að ræða ótímabundinn
skatt.“ Eignarskattar svipaðir auð-
legðarskattinum eru lagðir á víða í
heiminum, meðal annars í Noregi,
Frakklandi og Hollandi. n
johannp@dv.is
Enginn auðlegðarskattur Mótfallinn
sérstökum sköttum á þá ríku.
Aldrei meiri
úrkoma í
Reykjavík
Júnímánuður var sérlega hlýr á
landinu, einhver sá hlýjasti sem
komið hefur síðan mælingar
hófust. Þetta kemur fram í pistli
sem birtist á vef Veðurstofu Ís-
lands í vikunni um tíðarfar í júní.
Þó svo að mánuðurinn hafi verið
hlýr var hann einnig í hópi úr-
komusömustu júnímánaða sem
vitað er um, sérstaklega hvað
varðar suðvestanvert landið.
Meðalhiti í Reykjavík var 11,2
stig og er það 2,2 stigum fyrir ofan
meðallag áranna 1961 til 1990 en
0,9 stigum ofan við meðallag síð-
ustu tíu ára. Þetta er fjórði hlýjasti
júní í Reykjavík frá upphafi sam-
felldra mælinga 1871.
Í Stykkishólmi var meðal-
hiti júnímánaðar 2,8 stigum ofan
meðallagsins 1961 til 1990 en 1,5
stigi ofan meðallags síðustu 10
ára. Júní hefur aldrei verið svo
hlýr í Stykkishólmi frá upphafi
mælinga 1845. Á Akureyri var
meðalhitinn 12,2 stig sem er 3,1
stigi ofan meðallagsins 1961 til
1990, en 2,4 stigum ofan meðal-
lags síðustu 10 ára. Þetta er næst-
hlýjasti júní frá upphafi sam-
felldra mælinga á Akureyri 1881.
Meðalhiti mánaðarins var hæstur
á Torfum í Eyjafirði, 12,7 stig, en
lægstur var hann á Brúarjökli, 3,2
stig. Á láglendi var meðalhitinn
lægstur í Seley, 6,5 stig.
Mánuðurinn telst úrkomu-
samur. Úrkoma var langt yfir
meðallagi víðast hvar um suð-
vestan- og vestanvert landið,
en undir því sums staðar fyrir
austan. Í Reykjavík mældist úr-
koman 115,8 mm og hefur aldrei
mælst svo mikil síðan samfelld-
ar mælingar hófust 1920. Úrkoma
var líka mæld á árunum 1885 til
1907 og var úrkoma í júní einu
sinni á því tímabili meiri en nú.
Það var 1887 en þá mældist hún
127 mm í Reykjavík. Á Akureyri
mældist úrkoman nú 23,9 mm.
Það er 14 prósentum undir með-
allagi áranna 1961 til 1990.
Sólskinsstundir í Reykjavík
mældust 115 og er það 46 stund-
um undir meðallagi sé miðað
við 1961 til 1990, en 96 stundum
undir meðallagi síðustu tíu ára.
Sólskinsstundir hafa ekki verið
færri í júní í Reykjavík síðan 1995.
Í fyrra voru þær þó aðeins 6 fleiri
en nú. Sólskinsstundir mældust
170 á Akureyri. Það er 7 stundum
minna en að meðallagi 1961 til
1990, en 4 stundum undir meðal-
lagi síðustu tíu ára.