Dagblaðið Vísir - DV - 09.10.2013, Blaðsíða 23

Fólk 23Miðvikudagur 9. október 2013
Dorrit dúkkar upp
n Lífgar upp á samkomur
F
orsetafrú Íslendinga, Dorrit
Moussaieff, dúkkaði upp á
Íslandi í vikunni öllum til
gleði og hleypti af stokkun­
um Forvarnardeginum með eig­
inmanni sínum. Dorrit gekk glað­
lega á milli fólks og ræddi við það
eins og henni er einni lagið – á al­
þýðlegan og hlýlegan máta.
Dorrit hefur lítið sést á landinu
síðan hún flutti lögheimili sitt til
Bretlands. Þar sér hún um skart­
gripaverslun foreldra sinna,
Shlomo og Alisu.
Faðir Dorritar er einn af rík­
ustu mönnum Bretlandseyja – er
í 315. sæti samkvæmt lista Sunday
Times frá 2011 – og eru eign­
ir hans eru taldar nema um 220
milljónum punda, rúmlega fjöru­
tíu milljörðum íslenskra króna.
Dorritar hefur verið saknað
af skerinu enda setur hún ávallt
sterkan svip á þær samkomur sem
hún sækir. Ólafur Ragnar var einn
við þingsetningu í byrjun mánað­
ar en á þeim hefur Dorrit vakið
mikla athygli. Sér í lagi árið 2010
þegar hún lét sér ekki nægja að
brosa og veifa mótmælendum
þegar þing var sett heldur klifraði
yfir girðingu til að heilsa þeim og
ræða við þá.
Flutning lögheimilisins af
landinu hefur Dorrit rökstutt með
vísan til þess að hún hefði lof­
að foreldrum sínum fyrir margt
löngu að taka við skartgripafyrir­
tækinu auk þess sem hún nefndi
í yfirlýsingu að sú staðreynd að
Ólafur Ragnar hefði getað misst
forsetaembættið á síðasta ári
hefði spilað inn í: „Þegar horfur
voru á að eiginmaður minn yrði
ekki lengur forseti gerði ég ráð­
stafanir til að geta sinnt meira fyrri
störfum mínum í London, einkum
í ljósi þess að foreldrar mínir, sem
stjórnað hafa fjölskyldufyrirtæk­
inu, eru nú háaldraðir,“ sagði Dor­
rit í yfirlýsingunni. n
kristjana@dv.is
Alþýðleg og hlý
Dorritar er saknað af íslenskum
vettvangi en hún dvelur mikið í
London um þessar mundir.
Mynd Sigtryggur Ari
Í megrun á flat-
botna skóm
n „Mér finnst þessi barátta oft fara út í öfgar hér á Íslandi“
É
g hef eiginlega aldrei
drukkið gosdrykki, það kem­
ur örsjaldan fyrir að ég detti
í eitthvað skyndibitasukk.
Kannski tvisvar, þrisvar á
ári,“ segir ísdrottningin og þokka­
gyðjan Ásdís Rán Gunnarsdóttir
í samtali við DV en hún er stödd
á Íslandi um þessar mundir. Ás­
dís Rán starfar sem fyrirsæta og
hugar því eflaust sérstaklega vel
að heilsu og útliti starfs síns vegna
en hún hefur sett sér það markmið
að ná af sér nokkrum aukakílóum
með, að eigin sögn, öflugri aðferð.
„Ég heiti því að ganga í íþrótta­
fötum og flatbotna skóm þang­
að til ég er búin að missa þrjú
kíló. Þá má ég setja hælana og
dressið aftur á! Ég geng á hælum
alla daga þannig að þetta verð­
ur ástand sem ég á eftir að reyna
að koma mér úr á sem skemmst­
um tíma,“ segir Ásdís Rán í léttum
dúr um uppátækið en annars seg­
ist hún leggja stund á líkamsrækt
nokkrum sinnum í viku.
Jafnréttissinni
Ásdís Rán klæðist gjarnan bleiku
um þessar mundir. „Bleiki litur­
inn er alltaf í uppáhaldi hjá mér
og ég ákvað að taka hann út í ystu
æsar þessar vikurnar til heiðurs
krabbameinsátakinu,“ segir Ás­
dís Rán sem vill leggja sitt af
mörkum. Jafnréttismál eru henni
einnig mikilvæg að eigin sögn.
„Sem kona, móðir og atvinnurek­
andi styð ég jafnrétti kynjanna og
er femínisti á mörgum sviðum en
alls ekki öllum. Mér finnst þessi
barátta oft fara út í öfgar hér á Ís­
landi.“
gull, tígrismynstur og leður
Ásdís Rán hefur löngum haft
áhuga á tísku og smekklegum
fylgihlutum en segist ekki eiga
neitt uppáhaldsvörumerki. „Ég
er smá „label frík“ og geng mikið
í merkjavörum og nota fylgihluti
líka. Ég á mest af Gucci, Louis
Vuitton, Guess, DKNY og Cavalli
en svo kaupi ég líka mikið í Zöru,
Mango og fleiri álíka búðum og
mixa þessu öllu saman,“ segir Ás­
dís Rán og segir stíl oftar en ekki
byggjast upp út frá ákveðnu lita­
vali. „Þeir litir sem ég er hrifin af
núna eru gull, tígrismynstur, grár
og auðvitað bleikur sem er alltaf
í uppáhaldi. Ég fíla stóra massífa
skartgripi, blandaða úr ýmist
gulli, svörtum lit eða leðri. Ein­
faldur og „glamorous“ vetrarstíll,“
segir Ásdís Rán um stíl sinn þessa
dagana en hún segist ferðast mik­
ið og fá sífellt nýjan innblástur.
„Ég er til dæmis alæta á tónlist, fer
bara eftir staðsetningu og fíling.
Ég ferðast svo mikið og hef lært að
meta hina ýmsu tónlist um allan
heim,“ segir Ásdís Rán.
Á fitusnauðu fæði
Ásdís Rán segist gefa sér góðan tíma
fyrir líkamsrækt og hefur komið upp
góðum venjum. „Það sem virkar
best fyrir mig er að lyfta í klukku­
tíma og taka smá brennslu í lokin
þrisvar til fimm sinnum í viku. Ég
er ekki mikið fyrir að fara í eins­
taka tíma nema þá helst spinningu.
Mér finnst líka æði að hlaupa eða
skokka úti í góðu veðri erlendis, en
ég er ekki viss um að ég geri mikið
af því á íslandi,“ segir Ásdís Rán um
þá líkamsrækt sem er í uppáhaldi og
hún stundi hvað mest. Hún ætlar sér
einnig að taka góða rispu í matar­
æðinu. „Ég vel einfaldlega léttari
fituminni mat. Ætla að taka matar­
æðið vel í gegn núna í október til að
losna við þessi extra kíló,“ segir Ás­
dís Rán að lokum. n svala@dv.is
Svala Magnea Georgsdóttir
blaðamaður skrifar svala@dv.is
Strengir heit „Ég heiti því að ganga í
íþróttafötum og flatbotna skóm þangað til
ég er búin að missa þrjú kíló. Þá má ég setja
hælana og dressið aftur á!“ segir Ásdís Rán.
Ásdís rán fylgist
með tískunni
„Bleiki liturinn er alltaf
í uppáhaldi hjá mér og
ég ákvað að taka hann
út í ystu æsar þessar
vikurnar til heiðurs
krabbameinsátakinu.“
Ráðherrar
sprella
Þeir sprella mikið þessa dag­
ana, þeir Sigmundur Davíð
Gunnlaugsson forsætisráð­
herra og Bjarni Benediktsson,
fjármála­ og efnahagsráðherra.
Þeim sást bregða fyrir í Stund­
inni okkar þar sem þeir tóku
lagið saklausir á svip, þá ákváðu
þeir að styrkja gott málefni og
bregða sér í gervi Captain Kirk
og Spock úr Star Trek til að
safna fé fyrir Bleiku slaufuna,
fjáröflunar­ og árvekniátak
Krabbameinsfélagsins. Sátu
þeir fyrir á ljósmynd sem verð­
ur boðin upp.
Gíslataka
Gísli Marteinn Baldursson efn­
ir til kosninga um nafn á nýjum
spjallþætti á RÚV á Facebook­
síðu sinni. Hann biður fólk um
að kjósa á milli tveggja tillagna:
Vikan með Gísla Marteini eða
Sunnudagsmorgunn með Gísla
Marteini.
Vinir hans á Facebook leggja
ólmir til fleiri valkosti og sumir
þeirra eru ansi kostulegir. Til að
mynda Sunnudagssteikin með
Gísla Marteini
Gíslataka, Gíslasaga
Marteins og Afsakið hlé.
Iðandi kolkrabbi
á disknum
„Maturinn hreyfist á disknum
hjá mér,“ segir Ragnar Bragason
þegar blaðamaður slær á þráð­
inn til hans. Ragnar er staddur
í Kóreu á Busan International
Film Festival, einni virtustu og
stærstu kvikmyndahátíð Asíu,
þar sem hann kynnir kvik­
myndina Málmhaus. „Ég er
að snæða kolkrabba, ég hef
nú ekki fengið mér nema einn
bita, því mér sýnist hann enn
lifandi,“ sagði Ragnar hálfefins
um lystisemdirnar.
Á meðal annarra íslenskra
mynda sem hafa verið sýndar á
hátíðinni eru Sveitabrúðkaup,
The Good Heart og Englar al­
heimsins.