Hagskýrslur um mannfjöldaþróun - 01.01.1929, Blaðsíða 12

8
Mannfjöldaskýrslur 1921—1925
1918 .......... 529 manns eða 5.8 °/oo (af þús.)
1919 ............. 958 — — 10.4 — —
1920 ........... 1 581 — — 17.4 — —
1921 ............. 744 — — 7.9 — —
1922 ........... 1 206 — — 12.7 — —
1923 ........... 1 318 — — 13.7 — —
1924 ............. 779 — — 8.0 — —
1925 ........... 1 634 — — 16.6 — —
Árleg fjölgun hefur samkvæmt þessu verið að meðaltali 11.8 °/oo á
þessum árum og jafnmikil á fyrra og síðara helmingi þess (1915—20 og
1920—25). Til samanburðar má geta þess, að árleg fjölgun var að með-
altali 9.7 °/oo árin 1910—15, 9.1 °/oo árin 1901 — 10 og 9.2 o/oo árin
1890—1901.
Samkvæmt yfirlitinu hefur fjölgunin verið mjög misjöfn hin einstöku
ár, en þar sem hin eðlilega mannfjölgun eða mismunurinn á tölu fæddra
og dáinna hefur ekki verið miklum sveiflum undirorpin á þessum árum,
þá hlýtur þetta að stafa af því, að mannflutningar úr landi eða inn í það
hafi verið misjafnlega miklir ár frá ári, eða þá að manntölin hafi verið
misjafnlega fullkomin, sumir verið teknir með eitt árið, sem fallið hafa
burtu annað árið. Þess var áður getið, að nokkur líkindi væru til þess,
að manntalið væri fyllra árið 1920 heldur en endranær og bendir það
til þess, að næsta ár á eftir hækkar það óvenjulega lítið. Svipað gæti
einnig átt sjer stað um manntalið 1917, sem er líka óvenjulega hátt, en
árið á eftir hækkar það hinsvegar mjög lítið og miklu minna en búast
mætti við eftir mismuninum á tölu fæddra og dáinna það ár.
1. yfirlit sýnir hina eðlilegu mannfjölguti, sem kemur fram við það,
hve fæðingar eru fleiri en mannalát, en auk þess sýnir hún hvaða munur
er á þeirri fjölgun og þeirri, sem manntölin sýna. Ef manntölunum er
treystandi, hlýtur sá munur að stafa af mannflutningum úr landi eða inn
í það. Á yfirlitinu sjest, að árin 1916—25 hafa alls fæðst 11 836 fleiri
en dáið, en samkvæmt manntölunum hefur fjölgunin á þessum árum að-
eins verið 11 058. Vantar þá 778 og ætti það að vera tala þeirra, sem
flust hefðu af landi burt á þessum árum umfram þá, sem inn hafa flust.
Er það að meðaltali 78 manns á ári og er ekki ósennilegt, að útflutn-
ingur manna til Ameríku á þessu tímabili hafi slagað hátt upp í það,
enda þótt hann hafi verið smávægilegur á þessum árum í samanburði við
það sem áður var. Síðasti dálkur töflunnar sýnir, að þessir flutningar
koma töluvert misjafnt niður á árunum og sum árin (1917, 1920 og
1925) sýnist jafnvel hafa verið töluvert meiri innflutningar heldur en út-
flutningar, en eins og áður er getið, má vera að þetta stafi að einhverju
leyti frá því, að manntöl þessara ára hafi verið nákvæmari heldur en
næstu ára á undan.