Dagblaðið Vísir - DV - 15.03.2010, Blaðsíða 16
16 MÁNUDAGUR 15. mars 2010 FRÉTTIR
Fyrir helgi var Colleen LaRose, banda-
rísk kona á fimmtugsaldri, ákærð í
Bandaríkjunum fyrir glæpi tengda
hryðjuverkum, þeirra á meðal að hafa
á netinu staðið að því að ráða nýliða til
óhæfuverka utan Bandaríkjanna.
Colleen, einnig þekkt sem Fatima
LaRose, var handtekin í Fíladelfíu í
október í fyrra og hefur aukinheld-
ur verið sökuð um að hafa samþykkt
að myrða sænska listamanninn Lars
Vilks, en hann vakti reiði múslíma
víða um lönd þegar hann teiknaði
spámanninn Múhameð í hundslíki.
Colleen, sem er frá Pennsburg
skammt frá Fíladelfíu, hafði gert sér
ferð til Svíþjóðar til að uppfylla samn-
inginn.
Samkvæmt yfirlýsingu frá banda-
ríska dómsmálaráðuneytinu hafði
Colleen LaRose, í félagi við fimm aðra,
„ráðið menn í gegnum netið til að
heyja ofbeldisfullt heilagt stríð í Suð-
ur-Asíu og Evrópu, og ráðið kvenfólk
í gegnum netið sem hafði vegabréf
og möguleika á að ferðast til annarra
landa og veita heilögu stríði stuðning“.
Nafnið sem Colleen LaRose gekk und-
ir á netinu var Jihad Jane.
Ef Colleen verður sakfelld á hún
yfir höfði sér lífstíðarfangelsi og einn-
ar milljónar dala sekt.
Leiðar fráskildar mæður
Síðan árásirnar voru gerðar á Banda-
ríkin árið 2001 hefur bandaríska leyni-
þjónustan verið á varðbergi gagnvart
þeirri ógn sem landinu stafar af ís-
lömskum öfgamönnum. Sennilega
hefur sú skoðun ekki verið ríkjandi að
hættan gæti falist í leiðum fráskildum
mæðrum í bandarískum smábæjum.
Um helgina var upplýst að önnur
bandarísk kona hefði verið handtekin
og um væri að ræða ljóshærða móður
frá smábænum Leadville í Koloradó.
Jamie Paulin-Ramirez, þrjátíu og
eins árs, sagði upp starfi sínu sem að-
stoðarmaður á sjúkrahúsi í septemb-
er í fyrra og lagði land undir fót með
sex ára syni sínum til fundar við mús-
límskan karlmann sem hún hafði
kynnst í gegnum netið.
Það næsta sem fjölskyldan frétti af
henni var að hún hafði verið handtek-
in á Írlandi vegna rannsóknar á sam-
særi um að myrða Lars Vilks. Líkt og
Jihad Jane er Jamie á fimmtugsaldri,
fráskilin og óánægð kona sem varði
miklum hluta frítímans á netinu.
„Mér leiðist svo“
„Mér leiðist svo, ég gæti öskrað,“ skrif-
aði Colleen LaRose á netið. Á vefsíðu
The Times er haft eftir heimildar-
mönnum úr fjölskyldu Jamie Paulin-
Ramirez að fyrir henni hafi verið líkt
komið og Colleen; hún hafði verið gift
fjórum sinnum og leiddist lífið mikið.
„Hún var alltaf að leita að ein-
hverju,“ sagði móðir Jamie í viðtali við
The Wall Street Journal. Í stað þess að
taka þunglyndislyf, leita sér ástmanns
eða finna eitthvað áhugamál sneru
bæði Colleen og Jamie sér til austurs
og komust að þeirri niðurstöðu að
svarið lægi í málstað róttækra mús-
líma og heilögu stríði þeirra.
Jamie Paulin-Ramirez gekk svo
langt að skipta út mynd á Facebook-
síðu sinni og setti inn mynd af sjálfri
sér með híjab-skýlu sem sýndi ein-
ungis augun. Einnig tjáði hún furðu
lostinni fjölskyldu sinni að hún hefði
snúist til íslam-trúar.
Samskipti við
íslamska róttæklinga
Á spjallvefjum Facebook gat að líta
skilaboð frá Jamie með fyrirsögnum
á borð við „Hættið að kalla múslíma
hryðjuverkamenn!“ og hún hafði
samskipti við íslamska róttæklinga
víða um lönd.
Í tvö þúsund og níu hundruð kíló-
metra fjarlægð, í Pennsburg í Fíladelf-
íu, sat Colleen LaRose við sömu iðju.
Athygli FBI á Colleen vaknaði í júlí
í fyrra þegar meðlimur vefsamfélags-
ins Jawa Report lýsti yfir áhyggjum af
því að Colleen notaði Twitter sam-
skiptavefinn til að safna fé fyrir her-
skáa Pakistana.
Um mánuði síðar fór Colleen til
Evrópu og skrifaði á netið: „Aðeins
dauðinn mun stöðva mig, nú þegar
ég er svo nærri skotmarkinu.“
Í september sótti Collen um að-
ild að Ladonia, listamannasamfé-
lagi á netinu sem listamaðurinn Lars
Vilks stendur að. Samkvæmt dóms-
skjölum reyndi Colleen að leita Vilks
uppi en hafði ekki erindi sem erfiði.
Hún sneri heim til Bandaríkjanna og
var handtekin þegar hún steig úr vél-
inni.
Hryðjuverkamenn
í bakgarðinum
Vitnisburður Collenn leiddi til hand-
Undanfarna mánuði hefur fjölgað þeim
bandarísku ríkisborgurum sem handteknir
eru vegna tengsla við róttæka íslamstrúar-
menn og samtök þeirra. Nýjasta viðbótin
eru tvær fráskildar bandarískar konur sem
eiga það sammerkt að hafa leiðst.
LEIÐAR LJÓSHÆRÐAR HÚSMÆÐUR
KOLBEINN ÞORSTEINSSON
blaðamaður skrifar: kolbeinn@dv.is
Aðeins dauðinn mun stöðva mig,
nú þegar ég er svo nærri
skotmarkinu.
Ljóshærða húsmóðirin Ekki
er langt síðan fæstir hefðu tengt
Colleen LaRose við hryðjuverk.
Fyrirhugað fórnarlamb Fólkið
hugðist ráða sænska listamann-
inn Lars Vilks af dögum. Hann
teiknaði Múhameð í hundslíki.
Drottningin fann
upp símann
Könnun sem gerð var á meðal níu
og tíu ára barna á þekkingu í vísind-
um leiddi í ljós að eitt af hverjum tíu
börnum telur að Elísabet Englands-
drottning hafi fundið upp símann.
Á meðal annarra sem nefndir voru
í því tilliti voru Charles Darwin og
sjónvarpsmaðurinn Noel Edmunds.
Eitt af hverjum tuttugu börn-
um í þeim 1.000 barna hópi sem
könnunin náði til hélt að Logi
geimgengill, Luke Skywalker úr
Stjörnustríðsmyndunum, eða kaup-
sýslumaðurinn og iðnjöfurinn Ri-
chard Branson hafi fyrstir manna
stigið niður fæti á tunglið.
Um sextíu prósent barnanna
héldu að Isaac Newton hafi upp-
götvað eldinn, en hann var einnig
talinn hafa fundið upp internetið,
uppgötvað sólkerfið eða Ameríku.
Engu að síður vildu fleiri börn
fá Nóbelsverðlaunin í vísindum en
vinna X-Factor.
Fölsuð frétt
olli öngþveiti
Öngþveiti og ótti gerði vart við sig í
Georgíu í kjölfar fréttar Imedi-sjón-
varpsstöðvarinnar um að rússnesk-
ir skriðdrekar væru komnir inn í
höfuðborgina Tblisi og að forseti
landsins væri allur, enda skemmst
að minnast stríðsins sem braust út á
milli Rússa og Georgíumanna 2008.
Farsímakerfi landsins gat vart
annað álagi og fjöldi fólks streymdi
á götur út. Samkvæmt yfirlýsingu frá
Imedi var tilgangurinn með fréttinni
að sýna hvernig mál gætu þróast ef
forsetinn yrði ráðinn af dögum, en
yfirmaður stöðvarinnar baðst síðar
afsökunar á áhyggjunum sem fréttin
olli. Það kom þó ekki í veg fyrir að
fréttamenn og almennir borgarar
mótmæltu fyrir utan myndver stöðv-
arinnar, og sagði einn stjórnarand-
stöðuþingmaður að gjörningurinn
hefði verið „viðbjóðslegur“.
„Verndarsamning-
ur“ við mafíuna
Samkvæmt uppljóstrurum úr röð-
um ítölsku mafíunnar hitti Silvio
Berlusc oni, forsætisráðherra lands-
ins, eitt sinn guðföður valdamik-
illar mafíu og bað um vernd sér til
handa. Þessar upplýsingar er meðal
annars að finna í afrakstri nokkurra
ára vinnu ríkissaksóknara Ítalíu.
Uppljóstrararnir fullyrða að fund-
urinn hafi átt sér stað í Mílanó árið
1974, á skrifstofu eignarumsýslufyr-
irtækis Berlusconis, sem þá þegar
var orðinn auðugur athafnamað-
ur. Samkvæmt vitnisburðinum gaf
Stefano Bontade, sem þá var einn
valdamesti mafíuforinginn, Berlusc-
oni persónulegt loforð um að öryggi
hans yrði gætt. Berlusconi sagði
mafíuforingjanum að hann yrði
„honum handgenginn að öllu leyti“ í
greiðaskyni.