Fréttablaðið - 13.11.2014, Síða 80

13. nóvember 2014 FIMMTUDAGUR| SPORT | 60
ÖGMUNDUR KRISTINSSON 9
Fékk 45 mínútur og nýtti þær frábærlega. Gat lítið
gert við marki Belganna en varði nokkrum sinnum
stórglæsilega frá heimamönnum, þar af tvívegis af
mjög stuttu færi.
BIRKIR MÁR SÆVARSSON 5
Gerði eins og oft áður margt fínt í sóknarleik Íslands
en átti erfitt uppdráttar gegn sterku sóknarliði Belga,
eins og fleiri.
HALLGRÍMUR JÓNASSON 6
Átti oft í erfiðleikum með sóknarmenn Belgíu en
hélt skipulagi ágætlega ásamt öðrum varnarmönnum
Íslands á köflum í fyrri hálfleik.
RAGNAR SIGURÐSSON 6
Stýrði varnarleik Íslands og reyndi að halda skipulagi
þjálfaranna af fremsta megni. Íslenska vörnin lenti þó
oft í vandræðum gegn sterkri sókn Belga.
HÖRÐUR BJÖRGVIN MAGNÚSSON 6
Ágæt byrjun hjá nýliðanum sem fékk erfið verkefni
gegn eldfljótum og teknískum kantmönnum Belgíu.
Hélt þó ró sinni og komst þokkalega frá sínu.
RÚRIK GÍSLASON 7
Oft fínn kraftur í Rúrik og hann gaf allt sitt þegar
hann fékk boltann. Átti þó fremur erfitt uppdráttar í
síðari hálfleik eins og fleiri í liði Íslands.
HELGI VALUR DANÍELSSON 5
Átti erfiðan dag á miðjunni og varð stundum undir í
baráttunni við miðjumenn Belgíu.
ARON EINAR GUNNARSSON 7
Fór fyrir sínum mönnum á miðjunni og sinnti sínu
vel, líkt og ávallt. Gerði fáein mistök sem kom þó ekki
að sök. Duglegur, ósérhlífinn og vel staðsettur.
JÓHANN BERG GUÐMUNDSSON 6
Öflugur, sérstaklega í fyrri hálfleik, og var duglegur
að reyna að skapa færi fyrir samherja sína. Var ólmur
í að minna á sig eftir að hafa misst af síðustu lands-
leikjum og átti sína spretti.
FRAMMISTAÐA ÍSLENSKA LIÐSINS Á MÓTI BELGÍU Í VINÁTTULANDSLEIKNUM GÆRKVÖLDI
Mörkin: 0-1 Nicolas Lombaerts (11.), 1-1 Alfreð
Finnbogason (13.), 1-2 Divock Origi (62.), 1-3
Romelu Lukaku (73.)
BELGÍA (4-3-3): Thibaut Courtois - Anthony
Vanden Borre (66., Thomas Meunier), Toby
Alderweireld, Nicolas Lombaerts, Jan Vertonghen
- Marouane Fellaini, Axel Witsel, Moussa Dembele
(46., Romelu Lukaku) - Eden Hazard (46., Divock
Origi), Adnan Januzaj (63., Dries Mertens),
Christian Benteke (76., Dennis Praet).
Skot (á mark): 12-20 (8-9) Horn: 4-5
Varin skot: Ögmundur 4, Ingvar 2 - Courtois 6
1-3
Koning Boude-
wijn Stadion.
Buquet,
Frakklandi (8)
FÓTBOLTI Sigurganga Íslands var
stöðvuð á Koning Boudewijn-leik-
vanginum í Brussel í gær þar sem
Belgía, eitt sterkasta landslið
heims hafði betur gegn strákun-
um okkar, 3-1. Alfreð Finnbogason
skoraði mark Íslands og veit það á
gott að sá mikli markahrókur hafi
aftur komið sér á rétta braut.
Eftir marga ágæta kafla Íslands
á fyrstu 60 mínútum leiksins voru
það þó Belgarnir sem reyndust
sterkari. Nicolas Lombaerts og
varamennirnir Divock Origi og
Romelu Lukaku skoruðu mörk
heimamanna sem sáu fyrir sann-
gjörnum sigri Belgíu.
Landsliðsþjálfararnir Lars Lag-
erbäck og Heimir Hallgrímsson
sendu skýr skilaboð með liðsupp-
stillingu sinni – aðeins tveir fasta-
menn byrjuðu; fyrirliðinn Aron
Einar og miðvörðurinn Ragnar
Sigurðsson. Eflaust hefði Sölvi
Geir Ottesen átt að fá tækifærið í
kvöld en hann hefur verið að glíma
við eymsli í baki og því engin
áhætta tekin með hann.
Belgar stilltu upp frábæru byrj-
unarliði en heimamenn fóru sér að
engu óðslega í upphafi leiks. Strák-
arnir nýttu sér það og Viðar Örn
átti tvö skot á markið í sömu sókn-
inni á þriðju mínútunni sem var
góðs viti fyrir íslenska liðið.
Heimamenn stýrðu þó ferðinni
og komust yfir á elleftu mínútu er
Nicolas Lombaerts skallaði fyrir-
gjöf Adnan Januzaj úr aukaspyrnu.
Skallinn var góður og gat Ögmund-
ur lítið gert í honum. En í stað þess
að láta Belgana taka algjörlega öll
völd í leiknum svöruðu þeir fyrir
sig á besta mögulegan máta aðeins
tveimur mínútum síðar með því
að skora mark. Alfreð Finnboga-
son fékk boltann einn og óvaldað-
ur á fjærstöng eftir hornspyrnu
og eftir leikurinn var auðveldur.
Það var hans fyrsta mark í langan
tíma og það fyrsta með landsliðinu
síðan í júní í fyrra.
Strákarnir voru nálægt því að
komast yfir stuttu síðar er Viðar
Örn komst í gott færi en hann náði
ekki að stýra boltanum almenni-
lega að marki. Eftir það tóku Belg-
arnir völdin í leiknum en Ögmund-
ur sá til þess að staðan var enn 1-1
er flautað var til hálfleiks. Hann
varði nokkrum sinnum glæsilega
frá stórstjörnum Belganna.
Ísland gaf ekkert eftir í síðari
hálfleik og hóf hann af krafti.
Leikmenn héldu boltanum vel og
tókst að byggja upp efnilegar sókn-
ir sem vantaði aðeins að binda
endahnútinn á. En Belgar höfðu
sett þá Divock Origi og Romelu
Lukaku inn á í hálfleik og þó svo
að þeir gerðu lítið fyrstu mínút-
urnar þá fór pressan að segja til
sín þegar þeir fengu pláss og tíma
til að athafna sig. Sá fyrrnefndi
skoraði einmitt annað mark Belgíu
með frábæru skoti utan teigs við
slíkar aðstæður og sá síðarnefndi
það þriðja eftir sofandahátt í vörn
Íslands.
Það var ekki við öðru að búast
en að verkefnið yrði erfitt gegn
sterku liði Belgíu, sérstaklega
þegar mið er tekið af uppstill-
ingu Íslands. Inn á milli sýndu þó
þeir leikmenn sem fengu tækifæri
að þeir eiga fullt tilkall í liðið en
margir þeirra léku vel, sérstak-
lega á fyrstu 60 mínútum leiksins.
Á þeim tíma héldu þeir skipulag-
inu vel og náðu að halda mörgum
ógnarsterkum leikmönnum Belgíu
niðri.
Aðalmálið er vitanlega leikur
Íslands gegn Tékklandi á sunnu-
dag og halda strákarnir þang-
að með höfuðið hátt enda engin
ástæða til annars.
Dýrmætar mínútur í Belgíu
Varalið Íslands mátti þola 3-1 tap fyrir Belgíu í vináttulandsleik þjóðanna í Brussel í gær. Leikmenn sem
staðið höfðu fyrir utan hópinn fengu dýrmætar mínútur gegn einu besta landsliði heims.
FÓTBOLTI „Þetta var góður leikur
fyrir okkur. Við vorum að spila
við eitt besta lið heims og í heild-
ina stóðu strákarnir sig vel þann-
ig að ég er nokkuð sáttur,“ sagði
Lars Lagerbäck, annar landsliðs-
þjálfara Íslands, við Fréttablaðið
eftir tap „varaliðsins“ gegn Belg-
um í Brussel í gærkvöldi.
Lars og Heimir gerðu níu
breytingar á byrjunarliðinu, sem
hefur spilað síðustu þrjá leiki
Íslands í undankeppni EM 2016.
„Þeir sem komu inn stóðu sig
vel, en við vorum auðvitað að
spila við mjög gott lið. Við sköp-
uðum færi en þeir eru með einn
allra besta markvörð heims sem
varði oft meistaralega. Við erum
að verða betri og samkeppnin í
liðinu að verða meiri. Það stytt-
ist í að við verðum með tvo mjög
góða í hverja stöðu,“ sagði Lars.
En hvað gerir þetta fyrir sjálfs-
traust liðsins sem er búið að
vinna fjóra leiki í röð?
„Það er betra að vinna leiki en
þetta hefur engin áhrif á okkur
og sjálfstraust liðsins. Við lærum
bara af þessu. Þetta drepur okkur
svo sannarlega ekki,“ sagði Lars
Lagerbäck. - esá
Meiri sam-
keppni í liðinu
LARS LAGERBÄCK Ánægður með
frammistöðuna. FRÉTTABLAÐIÐ/VALLI
FÓTBOLTI „Það er margt jákvætt sem við getum tekið úr þessum leik,“ sagði
landsliðsfyrirliðinn Aron Einar Gunnarsson við Fréttablaðið eftir 3-1 tapið
gegn Belgum í vináttulandsleiknum í Brussel í gærkvöldi.
„Þetta er virkilega sterkt lið sem við vorum að spila við og það er með leik-
menn sem geta breytt leikjum. Það er alltaf leiðinlegt að tapa en við getum
gengið stoltir af velli. Við gerðum níu breytingar fyrir leikinn en sýndum að
við erum komnir með fína breidd,“ sagði Aron Einar.
Eins og fyrirliðinn segir gerðu Lars og Heimir miklar breytingar á liðinu
og fengu því margir tækifæri til að sanna sig og reyna að koma sér inn í
byrjunarliðið sem hefur verið óbreytt í síðustu þremur leikjum.
„Þeir sem hafa fengið minna að spila fengu tækifæri í þessum leik. Þeir
vildu sýna sig og sanna, en auðvitað er erfitt að breyta liði sem er búið
að vinna þrjá leiki í röð. Það voru samt nokkrir sem spiluðu vel í þessum
leik,“ sagði Aron Einar, en hefur þetta tap áhrif á sjálfstraustið í liðinu?
„Nei. Það er alltaf leiðinlegt að tapa en þetta dregur ekkert úr okkur.
Það er ekkert að því að tapa fyrir Belgum á útivelli.“ - esá
Getum gengið stoltir af velli
45 MÍNÚTUR Fyrirliðinn spilaði fyrri
hálfleikinn í gærkvöldi FRÉTTABLAÐIÐ/AP
Eiríkur Stefán
Ásgeirsson
eirikur@frettabladid.is
Frá Brüssel í Belgíu
Ísland var ekki eina liðið í okkar riðli í undankeppni EM
sem tapaði í vináttulandsleik í gærkvöldi því Holland og
Tyrkland töpuðu bæði á heimavelli. Hollenska lands-
liðið náði ekki að reka af sér slyðruorðið í Amsterdam
þegar liðið tapaði 2-3 á móti Mexíkó. Carlos
Vela, liðsfélagi Alfreðs Finnbogasonar hjá Real
Sociedad, skoraði tvö mörk fyrir Mexíkó sem
komst í 1-0, 2-1 og 3-1. Javier Hernández skoraði
þriðja mark Mexíkó en Wesley Sneijder og Daley
Blind gerðu mörk Hollands. Neymar skoraði tvö mörk
og lagði upp eitt í 4-0 sigri Brasilíu á Tyrklandi í Istanbul.
Eitt marka Brassanna var sjálfsmark en fjórða markið
skoraði Willian, leikmaður Chelsea. Neymar hefur
þar með skorað 42 mörk í aðeins 59 landsleikjum
með brasilíska landsliðinu en fimmtán af þessum
mörkum hafa komið á þessu ári.
Ekki gott kvöld fyrir liðin í okkar riðli
ALFREÐ FINNBOGASON 6
Skoraði mark Íslands og veit það á gott
fyrir Alfreð sem hefur átt erfiðar vikur
með félagsliði sínu á Spáni. Duglegur og
reyndi að gera vel úr því sem hann fékk.
VIÐAR ÖRN KJARTANSSON 5
Kom sér nokkrum sinnum í góð færi í
fyrri hálfleik og hefði mátt gera meira
úr þeim. Hafði annars fremur hægt
um sig.
VARAMENN
INGVAR JÓNSSON (45. FYRIR
ÖGMUND) 5
Hefði ef til vill getað gert betur í
fyrra marki Belgíu í síðari hálfleik.
Fékk þó dýrmætar mínútur.
BIRKIR BJARNASON (45. FYRIR ARON
EINAR) 5
Fór illa með gott færi fljótlega eftir að hann
kom inn á en reyndi að gera sitt besta í erfiðum
aðstæðum.
ÓLAFUR INGI SKÚLASON (72. FYRIR
HELGA VAL) -
Náði ekki að setja mark sitt á leikinn.
JÓN DAÐI (74. FYRIR VIÐAR ÖRN) -
Kom inn með ágætan kraft í sóknarleik Íslands á
lokamínútunum.
HÓLMAR ÖRN EYJÓLFSSON (84. FYRIR
RAGNAR) -
Spilaði aðeins síðustu mínútur leiksins þegar
úrslitin voru ráðin.ÖGMUNDUR
KRISTINS-
SON Stóð sig
vel í íslenska
markinu í gær.
SKORAÐI MARK ÍSLANDS Í GÆR Alfreð Finnbogason í leiknum á móti Belgum í
Brussel í gær en hann nýtti tækifærið í byrjunarliðnu og skoraði. FRÉTTABLAÐIÐ/AP
SPORT