Fréttablaðið - 14.11.2014, Blaðsíða 2
14. nóvember 2014 FÖSTUDAGUR| FRÉTTIR | 2
Við vitum
að í ýmsum
slíkum til-
vikum vildum
við svo sann-
arlega geta
gert betur.
Illugi Gunnarsson, mennta- og menn-
ingarmálaráðherra
Þóra, er þetta góð hugmynd?
„Besta hugmyndin til þessa. Öll
kvennaráð eru góð ráð.“
Þóra Hrund Guðbrandsdóttir vinnur ásamt
Erlu Björnsdóttur að stofnun samtaka fyrir
ungar konur með góðar hugmyndir.
MANNRÉTTINDI Ólíklegt er að
ákvæði sakamálalaga um síma-
hlustanir lögreglu standist Mann-
réttindasáttmála Evrópu. Þetta
sagði hæstaréttarlögmaðurinn
Reimar Pétursson á málþingi Ora-
tors, félags laganema við Háskóla
Íslands, á miðvikudag.
Yfirskrift málþingsins var:
„Símahlustanir lögreglu – hverjar
eru reglurnar og er framkvæmd í
samræmi við lög?“ og tóku til máls
auk Reimars þau Kolbrún Bene-
diktsdóttir saksóknari og Símon
Sigvaldason héraðsdómari.
Mannréttindadómstóll Evrópu
hefur kveðið á um ákveðin þröng
skilyrði sem þurfi að uppfylla til
að fá heimild til að hlera síma aðila
sem liggja undir grun um refsi-
verða háttsemi. „Íslensku lögin eru
afskaplega opin og fábrotin um öll þessi atriði og
það er vafasamt að þau fullnægi öllum þessum kröf-
um,“ sagði Reimar í samtali við Stöð 2 í gær.
Kolbrún Benediktsdóttir tók undir með Reimari
að því leyti að ákvæði um hleranir væru ekki mjög
ítarleg í íslenskum lögum. Hún lagði þó ríka áherslu
á að það væri hlutverk dómstóla að skera úr um
hvort slík ákvæði brjóti gegn Mannréttindasáttmál-
anum og hvort ástæða sé til að breyta lögunum. - nej
Hæstaréttarlögmaður fjallaði um reglur um símahlustanir á málþingi Orators:
Telur ákvæði varla standast MSE
KOLBRÚN BENE-
DIKTSDÓTTIR
REIMAR
PÉTURSSON
FRELSISSKERÐING Lögregla hefur heimild til að hlera síma
grunaðra einstaklinga en það er talin mikil skerðing á frelsi
einstaklingsins. FRÉTTABLAÐIÐ/STEFÁN
BRETLAND Chandra Bahadur Dangi frá Nepal er smæsti maður ver-
aldarsögunnar, samkvæmt Heimsmetabók Guinness. Hann hitti í gær
hæsta núlifandi mann í heimi til þess að fagna Degi heimsmeta Guinn-
ess. Sultan Kosen er 2,51 metri á hæð en Bahadur Dangi er 54,6 senti-
metrar. - jhh
Smæsti maður veraldarsögunnar er 54,6 sentimetrar:
Sá stærsti hitti þann smæsta
FAGNAÐARFUNDIR Það er ekki gott að segja hvað þeim Dangi og Kosen hefur
farið á milli. NORDICPHOTOS/AFP
ALÞINGI Illugi Gunnarsson,
mennta- og menningarmálaráð-
herra, efar það að túlkasjóður
hins opinbera hafi verið stofn-
aður til að fjármagna alla túlka-
þjónustu í daglegu lífi heldur
hafi honum verið ætlað að styðja
við þjónustuna.
Þetta kom fram í svari hans
við fyrirspurn Páls Vals Björns-
sonar, þingmanns Bjartrar fram-
tíðar, í umræðum á Alþingi í gær.
Páll Valur benti á í fyrirspurn
sinni að sjóður fyrir túlkaþjón-
ustu í daglegu lífi væri uppur-
inn öðru sinni og gagnrýndi það
harðlega með vísan í samning
Sameinuðu þjóðanna um rétt-
indi fatlaðs fólks. „Það er ljóst
í mínum huga að með því að
leggja ekki aukið fé í túlkasjóð-
inn er ráðherrann og við sem
förum með löggjafarvaldið ekki
einungis að sýna því fólki sem á
þessu þarf að halda mikla van-
virðingu heldur erum við einnig
að brjóta á mannréttindum þess,“
sagði Páll.
Illugi sagði í svari sínu sjálf-
sagt að málið væri rætt en benti
á að túlkaþjónusta sé víða veitt í
hinu opinbera kerfi, til að mynda
í framhaldsskólum og í heil-
brigðiskerfinu en viðurkenndi
að þjónustan mætti vera betri.
„Við vitum að í ýmsum slíkum
tilvikum vildum við svo sannar-
lega geta gert betur en við erum
alltaf takmörkuð af þeim fjár-
munum sem við höfum til skipt-
anna,“ sagði Illugi.
- nej
Illugi Gunnarsson segir túlkasjóðnum ekki hafa verið ætlað að fjármagna alfarið tjúlkaþjónustu:
Túlkasjóðurinn er uppurinn öðru sinni
SAKAMÁL Þrír voru í gær úrskurð-
aðir í gæsluvarðhald til miðviku-
dags í næstu viku vegna tveggja
árása á fulltrúa ákæruvaldsins á
Akureyri. Lögreglan á höfuðborg-
arsvæðinu hefur tekið við rann-
sókn málsins og lítur árásirnar
mjög alvarlegum augum.
Í tvígang hefur verið sótt að
íbúðarhúsi fulltrúa sýslumannsins.
Atburðarásin hófst aðfaranótt mið-
vikudags með því að grímuklædd-
ur maður, vopnaður hnífi, bankaði
upp á á heimili fulltrúans og hafði
ógnandi tilburði í frammi þegar
hann kom til dyra, en honum tókst
að flæma manninn á brott. Nokkru
síðar um nóttina sá hann hvar bíll
hans stóð í björtu báli fyrir utan
húsið og kallaði þá á lögreglu og
slökkvilið.
Þá um morguninn voru tveir
einstaklingar handteknir í miðbæ
Akureyrar grunaðir um aðild að
málunum tveimur. Voru mennirn-
ir í annarlegu ástandi og var ekki
hægt að hefja yfirheyrslur yfir
þeim fyrr en seint á miðvikudeg-
inum.
Á miðvikudagskvöldinu voru
þrír til viðbótar handteknir vegna
gruns um aðild að málinu.
Í gær voru þrír af þessum
fimm einstaklingum úrskurðað-
ir í gæsluvarðhald til miðviku-
dagsins 19. nóvember. Allir hafa
þeir komið áður við sögu hjá lög-
reglu og hefur fulltrúi sýslumanns
þurft, vinnu sinnar vegna, að vera
með mál þeirra á sínum snærum.
Því rannsakar lögreglan á höfuð-
borgarsvæðinu málið sem árás á
opinberan starfsmann.
Lögreglan á Akureyri lýsti sig
vanhæfa til að fara með málið
vegna tengsla við fulltrúa sýslu-
mannsins og því tók lögreglan
á höfuðborgarsvæðinu við því.
Friðrik Smári Björgvinsson yfir-
lögregluþjónn segir rannsókninni
miða ágætlega. „Við erum að ná
ágætri mynd á þetta en rannsókn-
in er svo sem enn á frumstigi. Við
munum fara í það í rólegheitum
næstu daga að yfirheyra sakborn-
inga og vitni og gera rannsókn á
bifreiðinni sem brann,“ segir Frið-
rik Smári.
Íbúar í nágrenni við staðinn
voru skelkaðir þegar þeir sáu bíl-
inn alelda á bílaplaninu um morg-
uninn. Samkvæmt heimildum
Fréttablaðsins hafa sumir íbúarnir
haft samband við öryggisfyrirtæki
til að láta setja upp öryggiskerfi í
íbúðum sínum og margir þeirra
hafa yfirfarið læsingar á hurðum
og gluggum.
sveinn@frettabladid.is
Hnífamaður ógnaði
fulltrúa sýslumanns
Þrír úrskurðaðir í gæsluvarðhald vegna árásar á fulltrúa ákæruvaldsins á Akureyri.
Íbúar í nágrenninu óttaslegnir. Lögreglan lítur árásina mjög alvarlegum augum.
ÞRÍR Í VARÐHALD Ráðist var á fulltrúa ákæruvaldsins á Akureyri. FRÉTTABLAÐIÐ/PJETUR
Við erum
að ná ágætri
mynd á þetta
en rannsóknin
er svo sem enn
á frumstigi.
Friðrik Smári
Björgvinsson
yfirlögregluþjónn
MÓTMÆLI Vöruverð lækkar í Mál-
inu, matsölu stúdenta í Háskólan-
um í Reykjavík, í dag. Þá verður
vöruúrval bætt og þjónusta einn-
ig. Breytingarnar koma viku eftir
að stúdentar við skólann mót-
mæltu háu vöruverði, þjónustu og
vöruúrvali í matsölunni með því
að versla ekki við Málið. Nem-
endur mættu með nesti í skólann
í mótmælaskyni en boðað var til
mótmælanna á Facebook og þar
höfðu 600 nemendur skráð sig
til þátttöku. Andri Sigurðsson,
formaður Stúdentafélags HR,
sagðist í samtali við Vísi vera
ánægður með hversu hratt málið
leystist. -skh
Vörverð lækkar í Málinu:
Mótmæli í HR
báru árangur
FRAKKLAND Ekki er vitað hvaðan
tígrisdýrið, sem leikur lausum
hala í bæ rétt við París í Frakk-
landi, kom. Frönsku lögreglunni
barst tilkynning í gær um stórt
kattardýr á bílastæði við mat-
vöruverslun í bænum Montevrain.
Tvö hundruð slökkviliðs- og
lögreglumenn með deyfibyssur
leituðu tígursins án árangurs þar
til myrkur skall á í gærkvöld en
þá var leitinni hætt. Íbúar bæj-
arins voru beðnir að halda sig
innandyra en bænum var nánast
lokað vegna ástandsins.
Forsvarsmenn villidýragarðs
nálægt Montevrain sögðust ekki
sakna neinna kattardýra. - nej
Íbúar beðnir að halda sig inni:
Óþekktur tígur
laus nærri París
SPURNING DAGSINS
ht.is
UMBOÐSMENN UM LAND ALLT
AKRANES • AKUREYRI • HÚSAVÍK • EGILSSTAÐIR • SELFOSS • REYKJANESBÆR • REYKJAVÍK
Engin venjuleg upplifun
Við kynnum
Philips Ambilight
9000 sjónvörpin
Ultra HD
með Android