Fréttablaðið - 14.11.2014, Blaðsíða 33

LÍFIÐ 14. NÓVEMBER 2014 • 9
hinu voru Rómeó og Júlía að ríf-
ast,“ segir hún og brosir kímin.
Upp úr þessum spuna fæddist hið
gleðilega söngleikjapar Viggó og
Víóletta. „Við Bjarni Snæbjörns-
son spunnum upp þessi gleðihjón
sem voru eins konar söngleikja-
fanatíkusar. Hann var augljós-
lega ekki kominn út úr skápn-
um og hún kippti sér ekkert upp
við það. Söngleikirnir voru það
sem sameinaði þau, öllu öðru var
sópað undir teppið,“ segir Sigga
Eyrún. Spunafarsinn um söng-
leikjaparið fór á flug eftir að þau
komu fram í Gay Pride-göngu og
eftir það tók við annasamur tími
á alls kyns uppákomum. Söng-
leikurinn átti hug og hjarta Siggu
Eyrúnar á þessum tímapunkti og
settu þau Bjarni upp vinsæla tón-
leikaröð bæði í Salnum í Kópa-
vogi og í Hörpu ásamt þeim Mar-
gréti Eir og Orra Hugin sem kall-
aðist Ef lífið væri söngleikur.
„Þarna fluttum við rjómann af
söngleikjalögum og fengum að
nördast að vild,“ segir hún.
Ætli ég skíri
hann ekki bara Jesú
Sigga Eyrún á tæplega sex ára
dóttur úr fyrra sambandi en hún
skildi við barnsföður sinn fyrir
þremur árum. „Ég varð ólétt
frekar snemma í sambandinu
og við ákváðum að reyna það
sem við gátum til að halda sam-
bandinu þar sem við erum svo
góðir vinir. En það fór eins og
það fór og við áttuðum okkur
á að sambandið væri fullnægj-
andi fyrir hvorugt okkar. Því var
því auðslitið en eftir situr kær
vinskapur. Við erum bæði ham-
ingjusamari í dag og samskipt-
in ganga mjög vel,“ segir Sigga
Eyrún. Eftir skilnaðinn einbeitti
Sigga Eyrún sér að vinnunni
enda í krefjandi starfi á sviði.
Það var svo í gegnum sviðs-
listina sem hún kynntist núver-
andi sambýlismanni sínum og
tilvonandi barnsföður, Karli
Olgeirs syni, tónlistarmanni og
upptökustjóra.
„Við kynntumst þegar ég söng
í Ef lífið væri söngleikur, hann
var þá nýfluttur heim frá Svíþjóð.
Við smullum strax saman og átt-
uðum okkur bæði á því að það
yrði ekki aftur snúið,“ segir hún
með bros á vör. Tónlistin tengir
þau Siggu Eyrúnu og Karl saman
og eru spennandi tímar fram
undan hjá þeim. „Á næstu dögum
kemur platan okkar út, á henni
er að finna lög bæði eftir Kalla
og aðra þekkta íslenska tónlistar-
menn. Það má segja að við tökum
herðapúðana af nokkrum þekkt-
um lögum frá níunda áratugnum,
tónum þau niður og skellum inn
smá dassi af bossanova. Útkom-
an verður mjög þægileg og nota-
leg,“ segir Sigga Eyrún. Platan
er þó ekki eini stóri pakkinn sem
þau Karl koma til með að opna
á næstunni því þau eiga von á
sínu fyrsta barni saman á næstu
vikum. „Ég er sett 20. desember
og þetta er drengur, ætli ég skíri
hann ekki bara Jesú,“ segir Sigga
Eyrún og hlær upphátt. „Við
erum að sjálfsögðu mjög spennt
og full eftirvæntingar. Þetta er
annað barn okkar beggja en Kalli
á 14 ára son úr fyrra sambandi,“
segir hún. Sigga Eyrún kemur þó
ekki til með að sitja auðum hönd-
um í barneignarleyfinu þar sem
hún stefnir á að ljúka masters-
ritgerð sinni úr leiklistarkenn-
aradeild Listaháskóla Íslands
auk þess að fylgja plötunni eftir.
Framtíðin er því björt hjá þessari
hæfileikaríku söngdívu og verð-
ur gaman að fylgjast með verkum
hennar á sviði söng- og leiklistar
á komandi árum.
MYNDAALBÚMIÐ
Baksviðs á Mary Poppins. Sigga að syngja á tónleikum.
Prófaðu reiknivélina á www.on.is og sjáðu hvað ísskápurinn,
frystikistan og önnur eldhústæki nota mikið rafmagn.
Við erum heppin að náttúran skuli sjá okkur fyrir meira en nóg
af orku til að létta okkur lífið svo um munar. Forsenda þess
að við getum farið vel með auðlindirnar og lækkað kostnað
er að vita hvað er í gangi og hversu mikla orku raftækin nota
að staðaldri. Á on.is er handhæg reiknivél sem auðveldar þér
að sundurliða orkunotkun heimilisins og meta kostnaðinn í
heild og við einstaka þætti.
Orka náttúrunnar framleiðir
og selur rafmagn til allra
landsmanna á samkeppnishæfu
verði. Við viljum nýta auðlindir
af ábyrgð og nærgætni og bæta
lífsgæðin í nútíð og framtíð.
ORKA NÁTTÚRUNNAR
Bæjarhálsi 1, 110 Reykjavík · Sími 591 2700 · www.on.is · on@on.is
HVAÐ FER MIKIL ORKA Í AÐ HALDA MJÓLKINNI KALDRI?
Sigga á leikskólanum í Danmörku. Systkinahópurinn.