Fréttablaðið - 26.11.2014, Síða 8

26. nóvember 2014 MIÐVIKUDAGUR| FRÉTTIR | 8
Svavar
Hávarðsson
svavar@frettabladid.is
Hraunbær 123 | s. 550 9800 | skatar.is
tré - sem endist ár eftir ár!Gæðajóla
latré eru í hæsta gæðaflokki auk Þessi jó
vera mjög falleg og líkjast þannigþess að
legum trjám. Einföld samsetning.raunveru
Fæst einnig í Hagkaupi
Smáralind, Skeifunni og Garðabæ.
• Ekkert barr að ryksuga
• Ekki ofnæmisvaldandi
• 12 stærðir (60-500 cm)
• Íslenskar leiðbeiningar
• Eldtraust
• Engin vökvun
• 10 ára ábyrgð
• Stálfótur fylgir
Opnunartímar:
Virkir dagar kl. 09-18
Laugardagar kl. 11-18
Sunnudagar kl. 12-18
Falleg jólatré
Jeppadekk
Jeppinn stendur ekki undir nafni nema hann sé vel dekkjaður.
Ef þú vilt nýta til fullnustu orku, aksturseiginleika og öryggi
jeppans, skiptir sköpum að velja dekk við hæfi.
Þjónustusími: 561 4200Bílabúð Benna dekkjaþjónusta
Landsvirkjun gerir ráð fyrir að
auka arðgreiðslur innan fárra
ára. Á fjórum árum hefur verið
fjárfest í nýjum orkumannvirkj-
um fyrir 50 milljarða króna og
skuldir verið greiddar niður um
annað eins á sama tíma.
Þetta var meðal þess sem kom
fram á haustfundi Landsvirkjun-
ar í gær.
Hörður Arnarson, forstjóri
Landsvirkjunar, sagði í viðtali
við Fréttablaðið að fundi lokn-
um að Landsvirkjun nýti sitt
svigrúm í dag til að greiða niður
skuldir eins og staða fyrirtækis-
ins gerir kröfu um.
„Við verðum að gera það
áfram. En hversu mikið þarf
að greiða skuldir niður áður en
raunhæfur möguleiki er að auka
arðgreiðslur ræðst af markaðs-
aðstæðum; við sjáum ekki fyrir
hvernig gengur að auka tekjurn-
ar. Þetta snýst um samspil tekna
á móti skuldum og við þurfum
að ná þeim stað að Landsvirkjun
verði sjálfbær í endurfjármögn-
un, án ríkisábyrgðar. Þá, þegar
því er náð, eykst arðgreiðsluget-
an,“ segir Hörður en í erindi sínu
sagði hann enn fremur að tölurn-
ar sýni að rekstur raforkukerf-
isins er í dag að skila verulegri
verðmætasköpun.
„Ef við horfum síðan til langs
líftíma orkumannvirkjanna, auk-
innar eftirspurnar, hækkandi
raforkuverðs og lækkandi skuld-
setningar þá er ljóst að allar for-
sendur eru fyrir verulega aukna
fjármunamyndun.“
Spurður hvenær þessum
áfanga verði náð, segir Hörð-
ur vonast til að það verði innan
þriggja til fjögurra ára. Spurður
um hversu háar arðgreiðslurn-
ar verða, og eðlilegt geti talist
að Landsvirkjun greiði eiganda
sínum – þjóðinni – mikinn arð á
ári, segir Hörður.
„Við notum fjármunamyndun
til að greiða skuldir, fjárfesta og
greiða arð. Miklar fjárfesting-
ar draga úr arðgreiðslugetunni
en ef við þyrftum ekki að greiða
niður lánin eins og undanfarin ár,
en viðhaldið þeim, þá hefði arð-
greiðslugetan verið 50 milljarðar.
Svo ræðst þetta á endanum á vilja
eigandans til að byggja upp fyr-
irtækið – hvort uppbygging eða
arðgreiðslur eru forgangsatriði,“
segir Hörður. Hörður sagði í erindi
sínu að meðalverð Landsvirkjun-
ar til viðskiptavina sinna væri 20
dollarar, en viðmiðunarverð nýrra
samninga sé 43 dollarar.
„Það er veruleg hækkun sem
er að nást. Afsláttur er gefinn á
fyrstu árum samninga, og einnig
ef magnið er mikið og mótaðilinn
er mjög sterkur,“ segir Hörður og
bætti við að nú banki fyrirtæki
á dyrnar og biðji um orku í stað
þess þegar uppbygging orkukerf-
isins var háð stórum notendum og
takmarkaðir möguleikar til að fá
hærra verð.
Ávinningur samfélagsins með
hækkandi orkuverði kom skýrt
fram í máli Harðar.
Hver dollari í verðhækkun
eykur arðgreiðslugetu Lands-
virkjunar um 1,5 milljarða á ári.
Það myndi skiptast þannig á milli
kaupenda orkunnar að 1,3 millj-
arðar kæmu frá alþjóðlegum
iðnaði, 150 milljónir frá almenn-
um atvinnurekstri og 50 millj-
óna króna hækkun fyrir íslensk
heimili.
Svigrúm til arðgreiðslna að myndast
Landsvirkjun greiddi skuldir og fjárfesti í orkumannvirkjum fyrir 100 milljarða árin 2010 til 2013. Forgangsatriði er að greiða niður skuldir
sem er forsenda þess að auka arðgreiðslur. Niðurgreiðsla skulda um 50 milljarða á fjórum árum gefur hugmynd um mögulegar arðgreiðslur.
HÖRÐUR ARNARSON Spurður um upphæð arðgreiðslna bendir hann á 50 millj-
arða skuldaniðurgreiðslur til viðmiðunar. FRÉTTABLAÐIÐ/GVA
Áliðnaðurinn er og verður kjölfestan í orkufrek-
um iðnaði á Íslandi, sagði forstjóri Landsvirkjunar
í gær. Álfyrirtækin séu traust fyrirtæki sem horfi
til langs tíma og hafi gert Íslendingum kleift
að byggja upp öflugt raforkukerfi hér á landi.
Hörður sagði að ef Landsvirkjun væri í dag að
hefja uppbyggingu raforkukerfisins þá yrði aftur
fyrst leitað eftir því að fá álfyrirtæki til að hefja
starfsemi hér á landi. Um kísilmálmframleiðslu
kom fram að vöxtur greinarinnar sé m.a. drifinn
áfram af miklum vexti í framleiðslu á raforku
með sólarorku. Hörður sagði í dag vera vitað um
tólf verkefni í undirbúningi í heiminum og af
þeim þrjú á Íslandi. Gagnaver er þriðja greinin
sem horfir í dag til Íslands, sagði Hörður. Hag-
stætt rekstrarumhverfi, svalt loftslag sem dregur
úr kostnaði við kælingu og staðsetning landsins
styður við þá þróun. Landsvirkjun er í viðræðum
við nokkurn fjölda fyrirtækja sem sýna því áhuga
á að hefja slíkan rekstur á Íslandi. Athyglisvert er
að umtalsverð samkeppni er á milli landa að fá til
sín gagnaver, m.a. eru allar Norðurlandaþjóðirnar
að vinna hörðum höndum að því að fá þennan
rekstur til sín, og með góðum árangri þar sem
Facebook reisir nú gagnaver í Svíþjóð og Google
í Finnlandi.
EFTIRSPURN VEX FRÁ TRAUSTUM IÐNGREINUM
Ragnheiður Elín Árnadóttir, iðnaðar- og
viðskiptaráðherra, gerði tækifæri orku-
iðnaðarins að umtalsefni í erindi sínu. Sagði
að erlendir fjárfestar, sem koma að máli við
hana, spyrðu ítrekað hversu mikil raforka
muni verða til staðar og aðgengileg á næstu
árum á Íslandi. Þessu segist hún ekki getað
svarað og óvissan sé ekki til að hvetja fyrir-
tæki til fjárfestinga, sagði Ragnheiður og
bætti við:
„Rammaáætlun átti að veita okkur svörin
við þessum spurningum, en því miður hefur
hún ekki gert það,“ sagði ráðherra.
„Ég segi það hreint út. Ég tel vera fulla
þörf á því að við förum út í nýja orku-
vinnslukosti, til viðbótar við núverandi
raforkuframleiðslu, hvort sem er í vatnsafli,
jarðvarma eða vindi. Ég tel að röksemdir séu
til staðar til að færa fleiri virkjunarkosti úr
biðflokki í orkunýtingarflokk, á grundvelli
þeirra gagna sem liggja fyrir úr fyrsta, öðrum
og þriðja áfanga Rammaáætlunar. Og ég tel
í þriðja lagi brýnt að hafist verði handa við
undirbúning þeirra virkjunarkosta sem eru
í orkunýtingarflokki, í samræmi við lög og
reglur.“
VILL UPPBYGGINGU ÁN FREKARI TAFA
í verðhækkun eykur
arðgreiðslugetu
Landsvirkjunar um 1,5
milljarða króna.
$1
EFNAHAGSMÁL „Hvað þetta frum-
varp varðar þá sé ég ekki neina efn-
isbreytingu sem kemur til móts við
þá gagnrýni að það stendur áfram
til að hækka verð á öllum matvæl-
um,“ segir Gylfi Arnbjörnsson, for-
seti ASÍ, um fyrirætlanir ríkis-
stjórnarinnar að hækka neðra þrep
virðisaukaskatts í ellefu prósent en
ekki tólf prósent.
„Það að fara í ellefu prósent en
ekki tólf sé ég ekki sem neina efnis-
breytingu. Það er enn þá gert ráð
fyrir að tekjuöflun vegna niðurfell-
ingar vörugjalda verði með hækkun
matarskatts,“ segir Gylfi.
Gylfi bendir á að Bjarni Bene-
diktsson hafi kynnt þær fyrirætlan-
ir að fara með virðisaukaskattsþrep-
ið fljótlega upp í fjórtán prósent í
áföngum. Gylfi vill vita hvort þau
áform að fara í ellefu prósent en
ekki tólf feli í sér að menn séu núna
að falla frá því lokatakmarki að fara
í fjórtán prósent.
Bjarni Benediktsson sagði í
hádegisfréttum Bylgjunnar í gær,
að með því að fara í ellefu prósent
en ekki tólf prósent sé verið að gefa
eftir rétt rúmlega tvo milljarða af
skatttekjum. „Við erum að halda
okkur við þá stóru kerfisbreytingu
sem er að draga úr muninum milli
þrepanna, draga úr þessari gjá sem
er á milli þrepanna,“ segir Bjarni.
Þá verði vörugjöldin felld niður og
það hafi enn jákvæðari áhrif á kaup-
mátt, ráðstöfunartekjur og verðlag í
landinu. - jhh
Forseti ASÍ vill svör um framtíðaráhorf stjórnvalda varðandi virðisaukaskatt:
Engin efnisbreyting verið gerð
KREFST SVARA Gylfi Arnbjörnsson,
forseti ASÍ, gagnrýnir skattabreytingar
stjórnvalda. FRÉTTABLAÐIÐ/VILHELM