Fréttablaðið - 22.12.2014, Blaðsíða 16

22. desember 2014 MÁNUDAGUR| FRÉTTIR | 16
Demantshjarta 0.30ct
Verð 230.000 kr.
VERSLUN Af 120 þúsund íbúum Reykjavíkur
eru aðeins 3.500 í göngufæri við vínbúð. Þetta
kemur fram í umsögn umhverfis- og skipulags-
sviðs borgarinnar um tillögu sjálfstæðismanna
um að borgarstjórn skori á Alþingi að samþykkja
frumvarp um að áfengi megi selja í almennum
verslunum.
Sjálfstæðismenn segja að um sé að ræða
„mikið og mikilvægt hagsmunamál“ fyrir borg-
arbúa.
„Áfengi er hluti af neysluvöru borgarbúa og
ljóst að fáar og illa staðsettar áfengisverslanir
ríkisins vinna gegn markmiði aðalskipulags, að
umhverfi daglegrar verslunar borgarbúa verði
hverfisvæddara,“ segir meðal annars í ályktun-
artillögunni sem borgarstjórn vísaði til umsagn-
ar hjá umhverfis- og skipulagssviði.
Í umsögninni er sömuleiðis bent á markmið í
aðalskipulaginu um að efla verslun og þjónustu
í nærumhverfi. Óumdeilt sé að áfengi sé hluti af
daglegum neysluvörum og að bætt aðgengi að
þeim vörum, í formi fjölgunar staða, samræm-
ist vel því markmiði. Vínbúðir ÁTVR séu ekki
markvisst staðsettar.
„Ekki er tekin afstaða til þess hér hvort
afnema eigi einkaleyfi ríkisins á sölu áfengis
en ljóst er að núverandi verslunarfyrirkomulag
ÁTVR styður ekki við ofangreind markmið,“
segir umhverfis- og skipulagssviðið.
„Í Reykjavík eru aðeins sjö vínbúðir og eru
17.300 íbúar um hverja búð. Til samanburðar eru
2.300 íbúar í baklandi vínbúðarinnar í Hvera-
gerði. Íbúar sem eru í göngufæri við þessar sjö
vínbúðir, auk búðarinnar á Eiðistorgi, eru aðeins
3.500,“ segir í umsögninni. Þar er göngufæri
skilgreint sem fjögur hundruð metra fjarlægð.
„Til samanburðar eru yfir 50 þúsund Reykvík-
ingar í göngufæri við matvörubúð með neyslu-
varning í öllum helstu vöruflokkum sem þó getur
ekki talist ásættanlegt hlutfall.“
Hið pólitískt skipaða umhverfis- og skipu-
lagsráð samþykkti síðan á miðvikudag umsögn
embættis manna sviðsins. Fulltrúi Vinstri
grænna sat hjá. Málið fer nú aftur til afgreiðslu
hjá borgarstjórn. gar@frettabladid.is
Fáir í göngufæri við vínbúð
Fyrirkomulag vínbúða ÁTVR í Reykjavík styður ekki markmið aðalskipulags um að sem flestir geti nýtt sér
verslun fótgangandi svo hverfi verði sjálfbærari. Áfengi er hluti af daglegu neyslumynstri, segir skipulagssvið.
VÍNBÚÐIR Að
meðtalinni vín-
búð Seltirninga
á Eiðistorgi eru
átta vínbúðir í
göngufæri fyrir
samtals 3.500
Reykvíkinga
sem svarar til
2,9 prósenta af
öllum borgar-
búum. MYND/
UMHVERFIS- OG
SKIPULAGSSVIÐ
REYKJAVÍKUR
Í Reykjavík eru aðeins sjö
vínbúðir og eru 17.300 íbúar um
hverja búð. Til samanburðar eru
2.300 íbúar í baklandi vínbúðar-
innar í Hveragerði.
Úr umsögn umhverfis- og skipulagssviðs Reykjavíkur.
EFNAHAGSMÁL Tólf mánaða verð-
bólga samkvæmt vísitölu neyslu-
verðs mælist 0,8 prósent í desem-
ber.
Það er undir neðri þolmörkum
verðbólgumarkmiðs Seðlabankans,
sem er 1 prósent. Þetta er í fyrsta
sinn frá því markmiðið var tekið
upp vorið 2001 sem það gerist. Í
Morgunkorni Greiningar Íslands-
banka kemur fram að horfur eru á
að verðbólga verði áfram í kringum
1,0 prósent fram á mitt næsta ár.
Nú þarf Seðlabankinn að rita
greinargerð til stjórnvalda þar sem
hann rekur orsakir lítillar verð-
bólgu, og greinir frá því hvernig
hann hyggist bregðast við og leggja
mat á hvenær markmiðinu verði
náð að nýju.
Greining Íslandsbanka segir að
það hljóti að teljast nokkur nýlunda
að bankinn sé í þessari stöðu, enda
hafi mikil og þrálát verðbólga verið
viðfangsefni hans lengst af frá upp-
töku verðbólgumarkmiðsins. - jhh
Verðbólga í desember mælist undir þolmörkum:
Bankinn bregðist við
VERSLUN Það hefur dregið verulega úr hækkun verðlags undanfarið. FRÉTTABLAÐIÐ/ERNIR
UMHVERFISMÁL Snæfellsnes er einn af
100 grænustu áfangastöðum heims,
samkvæmt nýbirtum lista samtakanna
Green Destination. Um er að ræða verk-
efni sem kallað er Global Top 100. Þar er
tekið saman yfirlit yfir þá hundrað staði
í heiminum sem þykja skara fram úr á
sviði umhverfismála.
Verkefnið er samstarfsverkefni nokk-
urra aðila sem hafa sérhæft sig í rann-
sóknum og markaðssetningu grænna
áfangastaða. Tilgangurinn er að veita
áfangastöðum sem hafa sjálfbærni að
leiðarljósi viðurkenningu og auðvelda
um leið kröfuhörðum ferðamönnum val
um áfangastaði.
Kallað var eftir tilnefningum í gegnum
samfélagsmiðla. Þrjátíu manna dómnefnd
skipuð sérfræðingum í ferðamálum og sjálf-
bærni gaf einkunnir fyrir fjölmarga þætti,
þar á meðal náttúru, umhverfi, náttúru-
vernd, menningararf og umhverfisvottun.
Talsmenn Global Top 100 hvetja ferða-
menn til að velja áfangastaði sem vinna að
raunverulegum úrbótum í umhverfis- og
samfélagsmálum. Umhverfisvottun Snæ-
fellsness er talin vega þungt og veita mik-
inn trúverðugleika hvað þetta varðar. - shá
Snæfellsnes er á lista Green Destination yfir staði sem skara fram úr á sviði umhverfismála:
Er sagt vera einn grænasti áfangastaðurinn
SNÆFELLSJÖKULL Umhverfisvottun Snæfellsness er á margan hátt
einstök. MYND/RAS
HEILBRIGÐISMÁL
Fólk varist gylliboð
Embætti landlæknis tekur undir
umfjöllun Helga Sigurðssonar,
prófessors á Landspítala, sem birtist
á mbl.is undir fyrirsögninni Lodd-
araskapur af verstu gerð. Landlæknir
telur mikilvægt að sjúklingar vari sig
á margvíslegum gylliboðum um með-
ferð þar sem vísindalegar rannsóknir
hafa ekki sýnt fram á gagnsemi
þeirra.
FERÐAÞJÓNUSTA Um 95,6 prósent
erlendra ferðamenna sem komu
hingað í sumar voru ánægð með
ferðina samkvæmt könnun Ferða-
málastofu. Rúmlega 83 prósent
töldu líklegt að þau myndu koma
aftur.
Um 86,9 prósent voru hér í fríi
og var dvalarlengdin að jafnaði um
tíu nætur. 84,3 prósent voru hér á
eigin vegum og íslensk náttúra var
oftast nefnd sem ástæðan fyrir því
af hverju ferðamennirnir ákváðu
að koma hingað til lands. - hg
Um 83% vilja koma aftur:
Flestir ánægðir
með Íslandsför