Fréttablaðið - 22.12.2014, Blaðsíða 2

22. desember 2014 MÁNUDAGUR| FRÉTTIR | 2
SLYS Mikið tjón varð þegar tólf
hestar drukknuðu í Bessastaða-
tjörn. Hestarnir höfðu allir verið
í haustbeit á landi Hestamanna-
félagsins Sóta. Þeir fundust um
hádegið í gær, eftir að hafa verið
leitað frá því á laugardag.
Jóhann Kolbeins, formaður Sóta,
telur að verðmæti hestanna sem
drápust hlaupi á nokkrum millj-
ónum króna. Í hópi hestanna var
ung meri sem miklar væntingar
voru gerðar til.
En það er ekki síst tilfinningalega
tjónið sem er hvað mest.
„Það var nú ein stúlka þarna
sem missti bæði hrossin sín, átti
tvö hross. Þetta er náttúrulega
bara alveg skelfilegt. Að missa
þarna bestu vini sína. Það er erfitt
að lýsa þessu,“ segir Jóhann í sam-
tali við Fréttablaðið.
Jóhann segir að það hafi upp-
götvast eftir hádegið á laugardag
að hestarnir væru týndir. „Það fór
fram smölun upp úr eitt í gær og
þegar stóðið var komið í réttina þá
kom í ljós að það vantaði hross. Þá
var farið strax. Það fóru nokkrir á
fjórhjólum og svo fótgangandi og
akandi,“ segir Jóhann.
Ákveðið hafi verið að halda leit-
inni áfram við birtingu í gær. Þá
hafi verið lögð áhersla á tjörnina.
„Það var kannski það eina sem gat
komið til greina,“ segir Jóhann.
Þyrla Landhelgisgæslunnar var
síðan að fara í æfingaflug og fékk
veður af því að verið væri að leita
að hestunum. Þyrlan flaug yfir
svæðið og fann þá hestana.
Frosið hafði yfir hestana í gær
og aðstæður til þess að ná þeim
upp eru erfiðar. Björgunarsveitar-
menn úr Hjálparsveit Garðabæjar
skoðuðu aðstæður í gær. „Það á
eftir að heyra frá þeim hvernig
best er að standa að björgun,“
sagði Jóhann. Stjórn hestamanna-
félagsins fundaði með eigendum
hestanna um það í gærkvöldi. Sjö
hestanna voru í eigu hestaleigunn-
ar Íshestar, en hinir hestanna voru
í eigu einstaklinga.
Hin efnilega meri sem var í hópi
þeirra hesta sem drápust var í
eigu dóttur og tengdasonar Einars
Bollasonar hjá Íshestum. Einar
sagði í samtali við fréttavefinn
Vísi í gær að áfallið væri mikið.
„Þau fengu risatilboð síðastliðið
sumar sem þau höfnuðu. Þú getur
rétt ímyndað þér tjónið sem þau
verða fyrir.“
Einar sagði að sumir af þeim
hestum sem drápust hefðu verið í
eigu Íshesta í um fimmtán ár og
tengslin við starfsfólkið því mikil.
„Eins og ég sagði við mína starfs-
menn þá má þakka guði fyrir að
þetta eru ekki börnin okkar, en
næsta skref við.“
jonhakon@frettabladid.is
Erfitt að ná hestum
upp úr tjörninni
Tólf hestar í beit á landi Hestamannafélagsins Sóta drukknuðu nýlega. Formaður
Sóta segist ekki hafa séð neitt þessu líkt áður. Á meðal hestanna var verðlauna-
meri. Óvíst er hvernig staðið verður að því að ná hræjunum upp úr tjörninni.
Þetta er
náttúrlega
bara alveg
skelfilegt. Að
missa þarna
bestu vini sína.
Það er erfitt að
lýsa þessu.
Jóhann Kolbeins,
formaður Hestamannafélagsins Sóta.
VIÐ BESSASTAÐATJÖRN Björgunarsveitamenn úr Garðabæ könnuðu aðstæður á
tjörninni í gær. FRÉTTABLAÐIÐ/STEFÁN
GABON Stjórnarandstæðingar í afríska ríkinu Gabon fullyrða að þrír
hafi fallið í mótmælum um helgina og hundruð þúsunda hafi særst.
Þessar tölur hafa þó ekki verið staðfestar.
Stjórnarandstæðingar krefjast þess að forseti landsins, Ali Bongo
Ondimba, láti af embætti. Forsetinn tók við embætti árið 2009 þegar
Omar faðir hans lést, en sá eldri hafði setið í embætti frá 1967. - jhh
Fullyrða að þrír hafi fallið og hundruð þúsunda farist:
Fjöldi fólks mótmælti í Gabon
ÓSÁTTUR ALMENNINGUR Greint var frá því að tuttugu manns hefðu verið hand-
teknir í mótmælunum, en mörg hundruð þúsund tóku þátt í þeim. NORDICPHOTOS/AFP
STJÓRNSÝSLA Lögregluumdæmið á
Austurlandi verður styrkt um tíu
milljónir króna í kjölfar úttektar
á rekstrarforsendum embættis-
ins. Þetta er gert eftir að lögreglu-
embætti sveitarfélagsins Horna-
fjarðar var fært frá Austurlandi til
Suðurlands.
Sigmundur Davíð Gunnlaugsson
frestaði flutningi lögregluembætt-
isins á Höfn þangað til úttekt hefði
farið fram á rekstrarforsendum
lögreglunnar á Austurlandi. Í kjöl-
far úttektarinnar ákvað nýr innan-
ríkisráðherra að taka af skarið,
flytja lögregluna á Höfn suður og
bæta við tíu milljónum í lögregluna
á Austurlandi. - sa
Bætt í umdæmið fyrir austan:
10 milljónir til
lögreglunnar
SPURNING DAGSINS
HEYRNARSTÖ‹IN
Beltone First gengur með iPhone 5s, iPhone 5c, iPhone 5, iPad Air, iPad (4. kynslóð), iPad mini með Retina, iPad mini og iPod touch (5. kynslóð)
með iOS eða nýrra stýrikerfi. Apple, iPhone, iPad og iPod touch eru vörumerki sem tilheyra Apple Inc, skráð í Bandaríkjunum og öðrum löndum.
Guðrún, er þessi bók að
rokseljast?
„Hann háttar ekki í kvöld hann
Kári.“
Bókin Veðurfræði Eyfellings hefur selst sífellt
meira eftir því sem veðrið hefur versnað.
EFNAHAGSMÁL Bæði Oddný G. Harðardóttir, fyrr-
verandi fjármálaráðherra, og Vigdís Hauksdóttir,
formaður fjárlaganefndar Alþingis, taka undir þá
skoðun Alþjóðagjaldeyrissjóðsins að best væri að
hafa eitt virðisaukaskattsþrep. Neðra skattþrepið
verður hækkað úr 7 í 11 prósent um áramótin og
það efsta lækkað úr 25,5 prósentum í 24.
„Þetta þarf að skoða í samhengi. Núna voru t.d.
nauðsynjar hækkaðar og þá þurfum við að lækka
einhverjar nauðsynjar á móti. Þannig að það er
ekki hægt að gera breytingar á virðisaukaskatt-
skerfinu án þess að gera breytingar á móti sem
jafna lífskjörin í landinu,“ segir Oddný. Persónu-
lega teldi hún æskilegt að hafa eitt virðisaukaskatt-
sþrep.
Vigdís Hauksdóttir segir ekkert nýtt að Alþjóða-
gjaldeyrissjóðurinn mæli með einu þrepi og það
mætti vera skilvirkara.
„Þannig að það er verið að því í fjármálaráðu-
neytinu núna að endurskoða lögin um virðisauka-
skattinn og reyna þá að stoppa í þann leka sem
virðist vera út úr kerfinu,“ segir Vigdís og bætir
við að hún sé hlynnt einu þrepi. - hmp, jhh
Fyrrverandi ráðherra og formaður fjárlaganefndar segja eitt þrep æskilegast:
Sammála um virðisaukaskatt
Á ALÞINGI Oddný segir að þegar skattar á nauðsynjar séu
hækkaðar þurfi að lækka skatta á nauðsynjar á móti.
FRÉTTABLAÐIÐ/DANÍEL
VEÐUR Óttast er að mikið tjón hafi
orðið á fornminjum við Gufuskála
vestast á Snæfellsnesi vegna óveð-
urs síðustu daga.
„Þetta lítur skelfilega út og útlit
fyrir að mikið hafi eyðilagst,“ segir
Linda Björk Pálsdóttir, fornleifa-
fræðingur hjá Fornleifastofnun, í
samtali við Skessuhorn. Sjór hafi
skemmt talsvert af vegghleðslum
og eytt jarðvegi á svæðinu.
Fornleifafræðingar frá Íslandi,
Bandaríkjunum og Skotlandi grófu
í verbúðunum í sumar og fundu
margt merkilegra muna. Þeir elstu
voru frá 15. öld. Óttast er að sjórinn
hafi séð til þess að margar minjar
hafi glatast.
„Í sumar komumst við niður á
elstu minjarnar þar sem við vorum
að grafa. Við höfðum þó ekki lokið
greftri þar,“ segir Linda og óttast að
margt hafi skolast í burtu. Að auki
hafi verbúð, sem ekki var byrjað að
grafa í, nær eyðilagst.
Linda gerir ráð fyrir að ferðast
vestur eftir hátíðirnar og sjá þá með
eigin augum hve mikið tjónið er. - jóe
Brim olli skemmdum á gömlum verbúðum við Gufuskála á Snæfellsnesi:
Telur að fornminjar hafi glatast
SKEMMDIR Fornleifafræðingar grófu á
svæðinu í sumar. MYND/ÞÓR MAGNÚSSON
BANDARÍKIN Bandaríkjastjórn
íhugar að setja Norður-Kóreu
aftur á lista yfir ríki sem styðja
hryðjuverk í kjölfar þess að þar-
lendir tölvuþrjótar réðust á tölvu-
kerfi Sony vegna myndarinnar
The Interview. Í myndinni er Kim
Jong-Un, forseti Norður-Kóreu,
ráðinn af dögunum.
„Þetta voru skemmdarverk en
ekki stríðsyfirlýsing,“ segir Bar-
ack Obama Bandaríkjaforseti.
Andstæðingar hans segja ekki
nógu djúpt í árinni tekið.
Hætt hefur verið við sýningu
myndarinnar en forráðamenn
Sony hafa gefið út að þeir vilji
koma henni í dreifingu. - skó, jóe
Tölvuárásir hafa afleiðingar:
Skemmdarverk
en ekki árás
SLYS Harður árekstur varð á
gatnamótum Kringlumýrar-
brautar og Miklubrautar skömmu
fyrir hádegi í gær.
Tveir bílar skullu saman og
endaði annar þeirra ofan á veg-
riði. Grunur leikur á að ökumað-
ur annars bílsins hafi ekið yfir á
rauðu ljósi.
Sjúkrabílar og dælubíll slökkvi-
liðsins fóru á vettvang. Fjórir
farþegar voru fluttir á sjúkrahús
til aðhlynningar en meiðsli þeirra
voru ekki alvarleg. - jóe
Fjórir fluttir á slysadeild:
Ökumaður fór
yfir á rauðu