Fréttablaðið - 22.12.2014, Blaðsíða 40

FÓLK|JÓLIN
Þótt jólahátíðin sé gleðitími fyrir flesta er alltaf hópur í samfélaginu sem kvíðir þessum tíma árs.
Það snýr ekki eingöngu að stressinu í
tengslum við undirbúning jólanna, gjafa-
kaupum og metnaðarfullum jólaskreyt-
ingum heldur geta verið mun dýpri og
alvarlegri ástæður fyrir jólakvíðanum.
Mikið mæðir á prestum landsins á
þessum árstíma og einn þeirra er séra
Arna Ýrr Sigurðardóttir sem nýlega tók
við prestakalli í Grafarvogskirkju eftir
að hafa verið prestur í Glerárprestakalli
undanfarin fjögur ár. Hún segir jólakvíða
algengan en margar ástæður séu fyrir því
að fólk kvíði jólum. „Sumir eiga erfiðar
minningar úr barnæsku tengdar jólahaldi,
oft vegna veikinda eða neyslu fullorðinna
á heimilinu. Aðrir hafa upplifað missi af
einhverju tagi, til dæmis skilnað eða frá-
fall ástvinar og enn aðrir kvíða jólum
vegna þess að ekki eru til peningar til að
fagna þeim. Allt þetta getur orðið til þess
að jólaundirbúningurinn verður hlaðinn
kvíða.“
Jólakvíði er eðlilega breytilegur eftir
einstaklingum og fjölskyldum en ýmis
ráð eru í boði til að takast á við hann að
sögn Örnu. „Það er til dæmis hægt að
mæla með heimasíðu sorgarsamtakanna
Ný dögun (www.sorg.is). Það er auðvitað
mjög misjafnt eftir aðstæðum fólks hvað
gott er að gera en fyrst og fremst þarf
hver og ein manneskja að finna hjá sjálfri
sér hvað hún vill eða vill ekki gera fyrir
jólin. En mikilvægast er að muna að það
er ekki skylda að gera neitt fyrir jól sem
veldur vanlíðan og að jólin snúast ekki
bara um gleði og tilhlökkun, heldur líka
von og þá fullvissu að við erum ekki skilin
eftir ein.“
VAXANDI FÁTÆKT
Einnig er hægt að leita til ýmissa ann-
arra aðila að sögn Örnu. „Kirkjan býður
upp á ýmsa þjónustu. Hún veitir fólki fjár-
hagsaðstoð gegnum Hjálparstarf kirkj-
unnar og ýmsa líknarsjóði. Einnig veita
prestar og djáknar kirkjunnar fólki ókeyp-
is sálgæslu. Svo má nefna ýmis félagasam-
tök sem aðstoða fólk, til dæmis Ný dögun,
ýmis líknarsamtök og stofnanir.“
Aðspurð hvort jólakvíði sé vaxandi
vandamál segist hún ekki vera viss enda
sé alltaf til fólk sem syrgir og saknar. „Við
þurfum alltaf að vera vakandi fyrir þörfum
þessa hóps. En jólakvíði tengdur fátækt er
sannarlega vaxandi vandamál og eitthvað
sem við sem samfélag þurfum að takast
á við sameiginlega. Og sá kvíði er aldeilis
ekki eingöngu tengdur jólum heldur öllum
aðstæðum lífsins; sumarleyfum, afmælum
og öllu því sem hægt er að kalla frávik frá
hversdeginum, til dæmis ef þarf að endur-
nýja húsbúnað eða þegar veikindi koma
upp.“
Um þetta leyti árs hafa prestar lands-
ins í mörg horn að líta, ekki síst á aðvent-
unni að sögn Örnu, þegar þeir taka á móti
þeim sem þurfa aðstoð og stuðning vegna
jólanna fram undan. „Jólahátíðin sjálf er
síðan tími helgihalds og samveru með
fjölskyldu á gleðistundum, til dæmi við
skírnir eða hjónavígslur. Sjálf hlakka ég
mikið til að eiga jól með fjölskyldunni hér
í Reykjavík, þau fyrstu síðan við fluttum
suður. Við fengum einmitt afhent húsið
okkar þann 15. desember þannig að við
erum í óða önn að taka upp úr kössum á
sama tíma og við erum að skreyta heim-
ilið. Vonandi verður allt tilbúið á aðfanga-
dag kl. 18 því þá syngjum við fjölskyldan
jólin inn í aftansöng í Grafarvogskirkju og
hlökkum öll mikið til.“ ■ starri@365.is
JÓLIN SNÚAST LÍKA UM VON
MARGIR KVÍÐA JÓLUNUM Jólakvíði er algengari en margur heldur. Ýmsar ástæður geta verið fyrir honum eins og fráfall ástvinar,
skilnaður, fátækt eða vegna minninga úr barnæsku. Ýmsir aðilar og samtök aðstoða fólk vegna jólakvíða, meðal annars kirkjan.
VAXANDI VANDAMÁL „Jólakvíði tengdur fátækt er sannarlega vaxandi vandamál og eitthvað sem við sem
samfélag þurfum að takast á við sameiginlega,“ segir séra Arna Ýrr. MYND/PJETUR
JÓLABÆKUR VEIÐIMANNSINS
Skotveiðií máli og myndum 2Sk
ð
Stórglæsileg
bók um
skotveiði
í máli og
myndum
Veiddu
betur
– lax
Veiddu
betur
– silung
Stra dn stangaveiði
á Íslandi
Í bókinni er komið víða við og stemmning skot veið innar svífur yfir vötnum.
Nokkrir af snjöllustu skotveiði mönnum landsins segja sögur, rifja upp skemmtileg
atvik og miðla af reynslu sinni. Einnig eru í bókinni eldri frásagnir og greinar sem
sýna breytta tíma. Bókin er ríkulega myndskreytt.
Stangaveiðivertíðin 2014 var um margt
athyglisverð og eru helstu atriði rakin í
bókinni, auk þess sem helstu fréttir eru
rifjaðar upp og veiðisögur sagðar.
Þá eru ný og skemmtileg veiðisvæði
heimsótt, m.a. Litla Þverá í Borgarfirði
og Eldvatnsbotnar.
Ritstjóri er Guðmundur Guðjónsson.
Veiddu betur – lax
Góð handbók þar sem nokkrir af helstu
sérfræðingum landsins í laxveiðum segja
frá aðferðafræðinni og sérviskunum.
Sérfræðingarnir sem um ræðir eru Ásgeir
Heiðar, Haraldur Eiríksson og Stefán
Sigurðsson, áður kenndur við Lax-á.
Strandstangaveiði á Íslandi
Hér eru tegundirnar kynntar, fjöldi góðra
veiðistaða nefndir, hinar ýmsu útfærslur
kynntar og margt annað er varðar
þennan skemmtilega veiðiskap. Þessi
handbók hjálpar þeim, sem vilja prófa
þennan veiðiskap, að koma sér af stað.
Veiddu betur – silung
Góð handbók þar sem nokkrir af helstu
sérfræðingum landsins í silungs-
veiðum segja frá aðferðafræðinni og
sérviskunum. Sérfræðingarnir sem
um ræðir eru Jón Eyfjörð, Bjarki Már
Jóhannsson og Ríkarður Hjálmarsson.
ht.is
með Android
UMBOÐSMENN UM LAND ALLT
Engin venjuleg upplifun
Við kynnum
Philips Ambilight
9000 sjónvörpin
Ultra HD með Android
AKRANES • AKUREYRI • HÚSAVÍK • EGILSSTAÐIR • SELFOSS • REYKJANESBÆR • REYKJAVÍK