Fréttablaðið - 17.10.2015, Side 42

Þessi keppni er
líka frábær leið
til að kynna fyrirtækið
Átakið Geðveik jól hóf göngu sína árið 2011 og hefur frá upphafi sett
skemmtilegan svip á jólaundir­
búning landsmanna. Þar keppa
fyrirtæki sín á milli um „geð­
veikasta jólalagið“ sem ýmist er
samið af starfsmönnum sjálfum
eða saminn er nýr texti við eldra
útgefið lag. Um leið er mark­
mið átaksins að næra geðheilsu
starfsmanna, hressa upp á mór­
alinn og að leyfa starfsmönnum
að láta ljós sitt skína um leið og
þeir láta gott af sér leiða.
Upphafsmaður Geðveikra
jóla er Bjarney Lúðvíksdóttir
sem jafnframt hefur stýrt verk­
efninu frá upphafi. Þá sat hún í
stjórn Geðhjálpar og segist hafa
viljað finna nýja og skemmti­
lega leið til þess að styðja við
félagið. „Ég nýtti reynslu mína
sem framleiðandi til þess að
hanna verkefnið sem fékk nafn­
ið Geðveik jól. Orðið „geðveik“
til að minna okkur á mikilvægi
góðrar geðheilsu og „jól“ vegna
þess að desember er sá mánuð­
ur sem fólk fer oft á yfirsnúning
og gleymir að hlúa að geðheils­
unni.“
Keppnin sjálf gengur út á að
safna áheitum en hvert fyrir­
tæki safnar til stuðnings góðu
málefni. Fyrirtækið sem safnar
hæstu upphæðinni vinnur sér
inn þrjú stig en sérstök dóm­
nefnd, skipuð tónlistarfólki
með ólíkan bakgrunn, gefur
einnig stig. „Lögin mega ekki
vera lengri en þrjár mínútur og
starfsmenn eiga að vera í aðal­
hlutverki þótt aðstoð fjölskyldu­
meðlima, vina og viðskiptavina
sé leyfð.“
Hæfileikar eru víða
Sjónvarpsþættir um Geðveik jól
hafa verið sýndir á RÚV undan­
farin ár og er þátturinn einn sá
vinsælasti á sjónvarpsstöðinni
í desembermánuði. „Um þess­
ar mundir hef ég í samstarfi
við Sagafilm Nordic unnið að
því að koma verkefninu á dag­
skrá hjá Norðurlandaþjóðun­
um. Það verður spennandi að
sjá hvort þær komi til með að
halda Geðveik jól eins og við í
náinni framtíð.“
Framleiðsla jólalaganna og
myndbandanna hefst í nóvem­
ber og segir Bjarney magnað að
fylgjast með metnaði þátttak­
enda undanfarin ár. „Það er öllu
tjaldað til og keppnisandinn er
mikill, ekkert ósvipað og í Euro­
vision. Það ætla allir að vinna!
Það hefur sýnt sig að tónlistar­
hæfileikar leynast alls staðar,
á færiböndum og í fundarher­
bergjum. Geðveik jól hefur verið
frábær vettvangur fyrir óslípaða
tónlistarsnillinga til að láta ljós
sitt skína.“
Hún segir löngu ljóst að verk­
efnið hafi jákvæð áhrif á vinnu­
staði og fólkið sem vinnur þar.
„Þessi keppni er líka frábær leið
til þess að kynna fyrirtækið,
rekstur þess og ímynd í gegnum
söng, gleði og mannauð.“
Áætlað er að fyrsti sjónvarps­
þáttur um Geðveik jól 2015 fari
í loftið 3. desember og verða þá
öll lögin frumsýnd og fyrirtæk­
in kynnt til leiks. Þátttakendur
í ár eru Virtus, Bestseller, Toy­
ota, Hamborgarabúllan, Löður,
LS Retail, DoHop og Kjarnafæði.
„Átta geðveik fyrirtæki sem eru
nú þegar byrjuð að undirbúa,
semja og útsetja lögin sín.“
Hægt er að fylgjast með fram-
vindu átaksins inn á facebook.
com/www.gedveikjol.is
Öllu því besta
tjaldað til fyrir jólin
Óslípaðir tónlistarsnillingar í bland við þá reynslumeiri láta ljós sitt skína í átakinu Geðveik jól sem
haldið verður í fimmta sinn fyrir jólin. Keppt er um besta jólalagið og áheitum safnað um leið fyrir
góðum málstað. Þættirnir um Geðveik jól hafa verið sýndir RÚV og notið mikilla vinsælda síðustu ár.
N1 lagði mikinn metnað í bæði lag, búninga og sviðsframkomu árið 2013. MYND/ÚR EINKASAFNI
,,Það er öllu til tjaldað og keppnisandinn er mikill, ekkert ósvipað og í Eurovision,” segir Bjarney Lúðvíksdóttir sem stýrir átakinu. Geð-
veik jól í fimmta sinn. MYND/GVA
Það er sniðugt fyrir þjón-
ustufyrirtæki sem eru í
daglegum samskiptum við
viðskiptavini sína að gefa þeim
gjafir við hátíðleg tilefni. Bæði
bætir það orðspor fyrirtækisins
og fær viðskiptavinina til að
halda tryggð við það.
Þó þarf að velja þessar gjafir
af kostgæfni til að þær henti
sem flestum. Best væri að gjöfin
sé eitthvað sem allir þurfa að
nota í sínu daglega lífi. Hér eru
nokkur dæmi um gjafir sem
væru tilvaldar í jólapakka við-
skiptavina (það má þó taka það
fram að gjafirnar eru ekki endi-
lega valdar út frá kostnaði).
Hnífasett
Það þurfa allir hnífa í eldhúsið,
hvort sem þeir eru stjörnu-
kokkar eða bara alls ekki.
Skurðarbretti
Sama ástæða og með hnífana.
Það væri gaman að láta osta og
kex fylgja með brettinu.
Teppi
Það finnst öllum gott að hjúfra
sig undir fallegu teppi uppi í
sófa á köldu vetrarkvöldi. Ekki
skemmir fyrir ef teppið er fallegt
og hægt að nota það sem
stofustáss.
Sælgætiskarfa
Flestum finnst gott að gæða
sér á smá sætindum á góðri
stund. Íþróttaálfarnir sem ekki
borða sælgæti sjálfir geta gefið
það áfram því allir þekkja að
minnsta kosti einn nammi grís.
Gjafir sem
henta flestum 
Kynning − auglýsing 17. októBEr 2015 LAUGArDAGUr6 Fyrirtækjagjafir