Öldrun - 01.03.2002, Page 23

23ÖLDRUN – 20. ÁRG. 1. TBL. 2002
Góð samvinna er við félag aðstandenda, F.A.A.S.,
sem hefur verið starfrækt frá árinu 1985. Félagið er
kynnt rækilega í hópunum og fræðsluefni sem félagið
gefur út er einnig boðið til sölu. Þátttakendur stuðn-
ingshópanna eru því orðnir fjölmennir á fundum
F.A.A.S. auk þess sem sumir hópanna halda stíft saman
og hittast reglulega eftir að hlutverki hópleiðara lýkur.
Samantekt
Til að taka saman hvernig þjónustan sem heilabil-
unareiningin veitir gengur gjarnan fyrir sig er ágætt að
notast við myndina hér fyrir ofan:
Sjúklingur byrjar á því að koma á minnismóttöku,
þar sem hann fær greiningu, saga hans er tekin og
úrræði við hæfi fengin inn á heimilið. Algengt er að
þegar líður á sjúkdómsferlið og sjúklingur þarf meira
eftirlit/getur ekki verið einn, þá er fengin dagvistun
fyrir hann. Maki/barn eru þá frjáls yfir daginn og geta
hvílst eða sinnt öðru.
Reynt er að styðja sem allra fyrst við þá aðstand-
endur sem eiga hvað erfiðast ýmist með stuðnings-
hópum, sálfræðiviðtölum eða viðtölum hjá félagsráð-
gjafa.
Hvíldarinnlagnir geta komið að góðum notum
þegar maki fær orðið ekki nægan nætursvefn, þarf
almennt á hvíld að halda eða ætlar t.d. í ferðalag.
Flestir sjúklingar með heilabilun þurfa á lok-
astigum sjúkdómsins á sólarhringsumönnun að halda
og bíða þá ýmist heima eftir hjúkrunarheimili eða fara
í biðpláss á legudeildunum tveimur.
Algengt ferli þjónustu
Minnismóttaka
Greining, lyf, eftirlit
Heimahjúkrun
Heimaþjónusta
Dagvist
2-5 dagar
í viku
Maki og/eða barn
í stuðningshóp
Hvíldarinnlagnir
Aukin aðstoð heim
Vistunarmat gert
Biðpláss
Hjúkrunarheimili
Sambýli
Mynd 2: Algengt ferli
þjónustu
Við styrkjum Öldrunarfræðafélag Íslands:Við styrkjum Öldrunarfræðafélag Íslands: