Öldrun - 01.11.2008, Blaðsíða 16

1
www.oldrun.net ÖLDRUN – 27. árg. 2. tbl. 2008
gefin eru eftir bestu vitund fagfólks. Vandinn er sá að
hann hefur e.t.v. misst forsendur til að meta ástand sitt
vegna dómgreindartaps eða lélegs innsæis af völdum
sjúkdómsins.
Dæmi um þetta er akstur bifreiðar. Það getur verið
niðurstaða fagfólks að heilsubrestur hafi gert einstakling-
inn ófærann um að aka bifreið en sjálfur upplifir hann það
sem mikla og ástæðulausa frelsisskerðingu. Reynt er að
ná samningum en ef það tekst ekki getur þurft að grípa til
ökumats. Slíkt ökumat er gert af iðjuþjálfa móttökunnar
og ökukennara sem MM á samstarf við.
Fræðsla til sjúklinga og aðstandenda fer fram við
komu á deildina, í stuðningshópum, á fjölskyldufundum,
á fundum hjá FAAS og öðrum fundum eða námskeiðum
með fagfólki og leikmönnum. Þá er ótalin fræðsla og
ráðgjöf sem fer fram í síma og um netpóst.
Ná má tali af hjúkrunarfræðingum minnismóttökunnar
alla virka daga kl. 8–16.
Fagfólk MM útbýr fræðsluefni, bæklinga o.fl., oft með
þátttöku samstarfsaðila.
Fagfólk MM setur á hverju hausti saman fræðslutil-
boð fyrir starfsfólk í öldrunarþjónustu. Í boði eru erindi
um ýmislegt sem varðar málefni heilabilaðra, samskipti,
hjúkrun, sjúkdóma, heilsueflingu o.fl. Fyrirlesarar eru
sálfræðingar, öldrunarlæknar, geðlæknar, hjúkrunarfræð-
ingar, félagsráðgjafar og iðjuþjálfar.
Stofnanir geta pantað fyrirlestra fyrir starfsfólk sitt en
greiðsla fyrir þá rennur til STÖLD (Styrktarsjóðs öldr-
unarsviðs) sem heldur eftir hluta greiðslunnar og notar
féð til að fjármagna styrki til símenntunar starfsfólks
heilabilunareiningar öldrunarsviðs LSH. Á hverju vori er
einnig haldið námskeið fyrir starfsfólk í öldrunarþjónustu.
Ýmsir samstarfsaðilar hafa komið þar að og námskeiðin
verið mjög vel sótt. Hagnaður af námskeiðunum rennur
einnig til STÖLD.
Sérstakir þættir í starfseminni
Stuðningshópar
Til að styrkja og styðja aðstandendur heilabilaðra er á
hverjum vetri boðið upp á stuðningshópa.
Í hverjum hóp eru annað hvort 6 – 8 makar eða 6 – 8
afkomendur. Hóparnir hittast 4 sinnum á viku fresti.
Félagsráðgjafar og hjúkrunarfræðingar stýra fundum
hópanna en sálfræðingur kemur í eitt skipti og tekur þátt
í fundinum.
Tilgangurinn er að þátttakendur deili með sér reynslu
og styðji og uppörvi hver annann undir leiðsögn fagfólks
sem leggur til fræðslu og veitir upplýsingar.
Rannsóknir
Eitt af verkefnum fagfólks á MM er að stunda rann-
sóknir enda er móttakan hluti af háskólaspítalanum. Þessar
rannsóknir eru margháttaðar svo sem lyfjarannsóknir í
samstarfi við lyfjafyrirtæki, erfðarannsóknir í samstarfi
við Íslenzka erfðagreiningu, rannsóknir á notkun heila-
rits í samstarfi við Mentis Cura að ógleymdum ýmsum
nemarannsóknum til BS, MS eða doktors gráðu. Núna
eru viðræður um samvinnu við minnismóttökur á hinum
Norðurlöndunum á sviði rannsókna.
Öldrunargeðþjónusta
Nýjasti þátturinn í starfsemi MM er öldrunargeðþjón-
usta.
Þessi starfsemi er í raun sjálfstæð eining innan MM og
fæst við önnur verkefni en hin eiginlega minnismóttaka.
Á næsta ári verður gerð grein fyrir þeirri starfsemi hér
í blaðinu.
Samstarfsaðilar
Helstu samstarfsaðilar MM á LSH eru aðrar deildir öldr-
unarsviðs, bráðadeildir, innlagnarstjóri LSH og útskrift-
arteymi spítalans.
Samstarfsaðilar MM utan LSH eru fjölmargir. Þar
má nefna heilsugæsluna, heimahjúkrun, heimaþjónustu
sveitarfélaga, FAAS, HÍ, RHLÖ, Mentis Cura, ÍE, hjúkr-
unarheimili og aðrar heilbrigðisstofnanir um allt land.
Þá viljum við nefna sérstaklega sérhæfðar dagþjálfanir
fyrir heilabilaða sem taka svo til eingöngu við sjúklingum
sem fengið hafa þjónustu á MM.
Þær eru: Hlíðabær, Vitatorg, Fríðuhús, Maríuhús,
Drafnarhús, og Roðasalir. Þessir staðir eru með þjónustu-
samning við LSH um læknisþjónustu sem læknar MM sjá
um. Slík deild er einnig á Eir en þar er ekki læknisþjón-
usta frá MM.
Umfang starfseminnar
Á undanförnum árum hafa nýkomur á MM verið um og
yfir 300 á ári og endurkomur ríflega 1000.
Á árinu 2008 stefnir í að nýkomur verði nær 400 auk
þess sem nýkomur á geðmóttöku nálgast 100.
Endurkomur stefna í 1200 á MM og 170 á
geðmóttöku.
Stefnumörkun/framtíðarsýn
MM veiti góða þjónustu sem byggist á viðurkenndum
aðferðum studdum af rannsóknarniðurstöðum.
Fagfólk MM vinnur að því að vera leiðandi í faglegri
framþróun og rannsóknum á þeim hluta öldrunarfræða
sem varða heilabilun.
Símenntun starfsfólks er grundvöllur þess að móttakan
geti verið leiðandi á sínu sviði.
Áframhaldandi samstarf verði við aðstandenda-
samtök.
Efla samstarf um rannsóknir og faglega þróun við
minnismóttökur á öðrum norðurlöndum.