Són - 01.01.2006, Qupperneq 101

Þórður Helgason
Gellini á ferð og flugi
I Inngangur
Árið 1806 fæddist danska skáldið Christian Winther. Hann var prests-
sonur og lærði síðan sjálfur til prests en þjónaði aldrei þótt fyrir kæmi
að hann sækti um embætti hjá kirkjunni er fjárskortur svarf að. Hann
sá löngum fyrir sér með kennslu en skáldadraumar hans undir sterk-
um áhrifum frá Heine og Byron settu öllu borgaralegu lífi og hegðan
lengi vel þröngar skorður en öfluðu honum þess í stað óbærilegra
skulda og sorga, ekki síst í ástamálum. Winther var kominn á sex-
tugsaldur er jafnvægi komst á í lífi hans, kvæntur maður og kennari
krónprinsessunnar.
II „Til Een“
2.1 Lad os vandre
Fyrsta verk Winthers var Digte (1828) og hlaut hann nokkurn frama
af. Ljóð hans þóttu alþýðleg og auðskilin og auk þess sló hann þjóð-
legar nótur sem féll vel í kramið. Winther var þó fyrst og fremst skáld
ástarinnar, bæði í ljóðum sínum og sögum.
Í bókinni Digtninger (1843) birtist ljóðaflokkurinn „Til Een“ sem
skáldið hélt síðan áftam að bæta við í Nye Digte (1851) og lauk við í
Samlede Digtninger (1860). Þessi ljóðaflokkur hefur síðan haldið nafni
Winthers á lofti umfram önnur verk hans og hefur verið gefinn
sérstaklega út á bók.1
„Til Een“ er safn 137 ljóða sem eiga að talsverðu leyti rætur í
ástarævintýri skáldisins og Julie, giftrar konu sem síðar varð sam-
býliskona hans og loks eiginkona.
Athygli vekur að ljóðaflokkurinn einkennist mjög af fjölbreytni í
1 Winther (1927).