Són - 01.01.2006, Síða 159

LJÓÐ 2005 159
mætti ætla að slíkar rannsóknir væru ekki fyrirferðamiklar við hug-
vísindadeild Háskóla Íslands. Ef til vill hefði verið réttara að kalla
þingið „Kvæði og fræði fyrr og nú“ eða eitthvað í þeim dúr, að
minnsta kosti ef ætlunin var að hafa titilinn lýsandi. Ekki vantaði
aðeins umfjöllun um ungskáldin og gróskuna í íslenskri ljóðlist heldur
vantaði einnig ungskáld og unga ljóðaunnendur meðal ráðstefnu-
gesta. Ef til vill má segja að þessi vöntun hafi haldist í hendur við
dagskrána og áherslur fræðimanna, og því kom ekki á óvart að skáld
af yngri kynslóðinni skyldu taka sig saman síðsumars og efna til
annars ljóðaþings þar sem samtímaljóðlist og framúrstefna voru í
brennidepli.
Fyrirlestrar frá málþinginu voru gefnir út á bók undir yfirskrift
ráðstefnunnar í ritstjórn þeirra Ástráðs Eysteinssonar, Dagnýjar
Kristjánsdóttur og Sveins Yngva Egilssonar (Bókmenntafræðistofnun
Háskóla Íslands) en Ástráður ritaði inngangsorð undir titlinum
„Ljóðlínur í heimsmyndinni“. Viðtal við ritstjórana þrjá í Lesbók
Morgunblaðsins felur í sér nokkurs konar úttekt á málþinginu en þar
kannast Dagný Kristjánsdóttir við þann skort á umfjöllun um sam-
tímaljóðlist sem að framan greinir. Hún telur ljóðið hafa náð sér á
strik eftir bakslag þótt það endurspeglist kannski ekki í fræðunum.2
Blaðamaður kemur inn á hina einkennilegu mótsögn um að „á sama
tíma og nánast allir virðast vera að yrkja, [...] þá seljast ljóðabækur
mjög illa“. Dagný leyfir sér að efast um þessa staðhæfingu3 og ef til
vill má – í ljósi þessarar ársskýrslu – benda á fjölda útgefinna ljóða og
úr hve miklu ljóðaunnendur hafa að moða. Það er þá kannski skiljan-
legra hvers vegna hver bók fyrir sig selst ekki í stóru upplagi. Dagný
segir „það vera þulið aftur og aftur að enginn lesi ljóð“ og Sveinn
Yngvi telur óþarft „að leggja mikla áherslu á að menn séu á æðis-
gengnum flótta frá ljóðinu“.4 Eysteinn Þorvaldsson bætti örlitlu við
Lesbókarviðtalið og leiðrétti tilvitnun í annað Lesbókarviðtal við sjálfan sig
sem hann taldi stafa af misskilningi. Eysteinn er því þó sammála að
umræður um ljóðlist hafi verið of litlar að undanförnu og að framlag
hugvísindadeildar sé því virðingarvert .5
Ekki er hægt að segja annað en að sá hópur ljóðskálda sem siglir
undir flaggi Nýhils hafi vakið á sér athygli á árinu, bæði með útgáfu
2 Þröstur Helgason (2005:1).
3 Þröstur Helgason (2005:4).
4 Þröstur Helgason (2005:4).
5 Eysteinn Þorvaldsson (2005:5).