Són - 01.01.2006, Side 109

GELLINI Á FERÐ OG FLUGI 109
biðuð hurð og brotnir lásar,
um breiðar gættir vindur másar. –
Hér er að eyðast orka manns.
4.5 Gellini í verkalýðsbaráttu
Fimm árum áður hafði Sigurður Ívarsson, róttækt verkalýðsskáld og
höfundur tveggja ljóðabóka, birt ljóðið „Allir í stríð“ í Verkin tala.
Ljóðið er skopádeila á stríðsástand í íslenskri pólitík:21
Eru nú komnir út að berjast
allir vorir skárstu menn.
Einir sækja, aðrir verjast;
ýmsir rotast, hinir merjast.
– Dáðir margar drýgjast enn. –
Það fer dável á að skopast að hetjulegum tilburðum stjórnmála-
mannanna undir hætti sem búinn var sannri hetju; skopið eykst enn
og verður beittara – og ádeilan þar með. Þannig lýkur þessu skemmti-
lega ljóði:22
Hugrakkar af hólmi læðast
hetjur margar, – það er von. –
Ákaflega er hægt að hræðast.
Hriflungar í burtu slæðast.
– Og þar sprakk Jónas Þorbergsson. –
4.6 Helgi Sæmundsson og smaladrengurinn
Af framansögðu kemur ekki á óvart að Helgi Sæmundsson skuli velja
sér Gellina-háttinn þegar hann yrkir um smaladreng í „Smalavísum I“
í ljóðabókinni Kertaljósið granna. Ljóðið lýsir smala sem situr fastur í
starfa sínum en þráir að fara á vit víðsýni og frelsis og gæti sem best
tekið undir með Winther, „Lad os rejse, lad os vandre“:23
Dagur skín um veröld alla,
upp er runnin morgustund.
21 Sigurður Ívarsson (1931:68).
22 Sigurður Ívarsson (1931:25).
23 Helgi Sæmundsson (1981:25).