Són - 01.01.2006, Side 153

153LJÓÐ 2005
umfjöllun minni um bók Gyrðis Elíassonar og nefni aftur hér á eftir
í umfjöllun um ljóðasafn Hannesar Péturssonar. Einkenni góðra
skálda er að þau ná að snerta taugar lesandans og í hraða og áreiti nú-
tímans er það allt annað en auðvelt.
Endurútgáfur
Ljóð eftirfarandi skálda voru endurútgefin á árinu en höfðu ýmist
verið birt áður í öðru samhengi eða saman í bók:
Aðalsteinn Ásberg Sigurðsson: Ljóð. Dimma ehf. Úrvalsljóð ásamt
geisladiski með lestri skáldsins og frumsaminni tónlist Sigurðar
Flosasonar.
Einar Benediktsson: Ljóð. Hljóðbókin. Geisladiskur (hljóðbók) með
mörgum þekktustu ljóðum skáldsins.
Gunnar Dal: Orð milli vina: ljóðasafn. Lafleur. Um er að ræða úrval úr
síðustu tólf ljóðabókum höfundar.
Gömlu skólaljóðin mín. Krass.
Halldór Laxness: Dáið er alt án drauma og fleiri kvæði. Edda (Vaka-
Helgafell).
Hannes Pétursson: Ljóðasafn. Njörður P. Njarðvík ritar inngang. Edda
(Mál og menning).
Kristján Karlsson: Kvæðasafn og sögur 1976–2003. Hið íslenska bók-
menntafélag.
Þóra Jónsdóttir frá Laxamýri: Landið í brjóstinu. Salka. Safn úrvals-
ljóða.
Þórður Helgason: Þar var ég. Eigin útgáfa höfundar. Ljóðin birtust
flest í samnefndri bók árið 1989.
Ljóðasafn Hannesar Péturssonar er endurprentað í stórri og vegle-
gri bók og er greinilega vel að henni staðið. Njörður P. Njarðvík ritar
inngang að útgáfunni þar sem hann fjallar um skáldskap Hannesar.
Hannes hefur lengi verið eitt ástsælasta skáld þjóðarinnar enda hefur
hann þá hæfileika sem eðalskáld búa yfir, að eiga auðvelt með að
snerta strengi mannshjartans. Myndir Hannesar eru sumar hverjar
hlýlegar, líkt og kvæðið „Gamall þulur“ (bls. 7). Skemmtilegt þótti
mér að lesa ljóðið „Þorp í Óðinsskógi“ (bls. 9) þar sem skáldið líkir
ljóðum við skóg og lýsir því hvernig merking þeirra afhjúpast líkt og
þegar allt í einu birtist rjóður í þykkum skógi. Sjálf hafði ég ímyndað
mér túlkun ljóða með áþekkum hætti nema hvað mér þótti ljóðalestur