Són - 01.01.2006, Side 155

155LJÓÐ 2005
Mér varð stundum hugsað heim
en að ég fengi æði
af og frá!
Ekki er hægt að segja annað en að höfundur dragi fram óborgan-
legar mannlífsmyndir í kvæðunum „Spenna“ (bls. 54) og „Æfing“
(bls. 61). Og ekki er heldur hægt að segja annað en að lestur þessarar
bókar geri manni gott.
Ljóðaþýðingar
Þótt ekki sé um auðugan garð að gresja í ljóðaþýðingum hljótum við
að líta á hverja þýðingu sem kærkomið tækifæri til að skyggnast inn í
ljóðahefð og ljóðamenningu annarra þjóða. Stór hluti Íslendinga er
nú læs á ensku og margir lesa þar að auki Norðurlandamál, þýsku eða
frönsku. Færri eru aftur á móti í þeirri aðstöðu að geta lesið – og skil-
ið – skáldskap á framandi tungumálum. Nokkrir íslenskir þýðendur
bæta úr þessum skorti og ljá okkur ekki einungis þekkingu sína á
tungumáli skáldanna heldur einnig skilning sinn því að án hans væri
einfaldlega ekki hægt að þýða ljóð. Eftirfarandi bækur bættust í safn
ljóðaþýðinga árið 2005:
Federico García Lorca: Sígaunaljóð. Kristján Eiríksson þýddi. Gefin út
af þýðanda.
Kahlil Gibran: Spámaðurinn. Gunnar Dal þýddi. 15. útgáfa. Edda
(Vaka-Helgafell).
Pablo Neruda: Hæðir Machu Picchu. Guðrún H. Tulinius þýddi.
Proxima.
Po Chü-i: Brjálsemiskækir á fjöllum. Vésteinn Lúðvíksson þýddi. Upp-
heimar.
Stanley Kunitz: Báturinn langi og fleiri ljóð. Hallberg Hallmundsson
þýddi. JPV útgáfa.
Nokkrar þýðingar voru þar að auki birtar í tímaritum eða innan
annarra rita. Fjögur ljóð eftir H. C. Andersen voru birt í tímaritinu
Jón á Bægisá 9: „Dansi, dansi, dúkkan mín“, Gunnar Egilson þýddi,
„Deyjandi barn“, Kristján Jónsson þýddi, og „Barnaljóð“ og „ Jarð-
lífsins forgengileiki“ sem voru endurort af Franz Gíslasyni. Um er að
ræða gamlar þýðingar. Valdimar Tómasson þýddi „Skógarvillur“