Glóðafeykir - 01.09.1976, Page 24

24
GLOÐAFEYKIR
Loíað - Lógað
Til þess að haustslátrun sauðfjár megi ganga sem greiðast og bezt,
veltur á miklu, að raunveruleg sláturfjártala hvers og eins víki sem
rninnst frá lofaðri tölu — og þó einkum, að eigi sé lofað miklu fleira
fé en til slátrunar kemur. En þetta hefur viljað við brenna — og þó
mjög misjafnlega mikið hjá deildum og einstaklingum. Sumir hafa
freistazt til að lofa of mörgu, er tala sláturfjár var tekin, í von um
að þeir kynnu þá að geta lokið slátrun fyrr en ella. Lengi þótti við
hæfi að draga 10% frá lofaðri sláturfjártölu til þess að fá nokkurn
veginn raunhæfa niðurstöðu. í sumum deildum reyndist þessi fiá-
dráttur að öllum jafnaði allt of lítill, í öðrum óþarflega mikill. En
þess er skylt að geta, að á síðustu árum hefur þetta færzt nokkuð til
réttara horfs.
Á síðastl. hausti — 1975 — varð útkoman sú, að í tveim deildum
skorti 12% á, að fjárloforð stæðust, 10% vantaði úr einni deild,
8% úr þremur og síðan færra úr öðrum deildum allt niður í 0,6%
úr næst-fjárflestu deildinni, en einmitt úr þeirri deild hafa fjárlof-
orðin árum saman reynzt langsamlega traustust. Þá má og geta þess,
sem er næsta óvenjulegt, að úr einni deild (Sauðárkr.d.) var lógað
34% fleira fé en lofað var. En frávik í þá áttina valda minni röskun.
G. M.