Glóðafeykir - 01.09.1976, Qupperneq 53

GLÓÐAFEYKIR
53
söngmaður góður og söng í karlakór um 30 ára skeið. Hann lék og
vel á harmoniku og var oft til þess fenginn framan af árum, að
leika fyrir dansi. (Heimildarm. Guðm. Jónsson frá Teigi).
Stefán Sveinsson frá Bjarnastaðahlíð lézt þ. 6. júlí 1970.
Hann var fæddur í Bjarnastaðahlíð 31. marz 1885, sonur Sveins
bónda þar Guðmundssonar og konu hans Þorbjargar Ólafsdóttur.
Var Stefán albróðir Guðmundar bónda í
Bjarnastaðahlíð (d. 18. janúar 1952), sjá
Glóðaf., 5. h. bls. 31, og Ólafs bónda á
Starrastöðum (d. 25. febr. 1954), sjá Glóðaf.
1967, 7. h. bls. 38.
Stefán ólst upp með foreldrum sínum í
Bjarnastaðahlíð til fullorðinsára, einn í
hópi 12 systkina, er upp komust og öll
urðu kunn að duafnaði o°' miklum mann-
o o
dómi. Arið 1909 kvæntist hann Guðríði
Guðnadóttur bónda í Villinganesi í Tungu-
sveit, Guðnasonar bónda í Krókáraierði á
Norðurárdal, Vilhjálmssonar, og konu hans
Ingiríðar Eiríksdóttur bónda á Breið í Tungusveit, Þorsteinssonar.
Settu þau ungu hjónin þegar saman bú í Bjarnastaðahlíð og bjuggu
þar árin 1909—1911, þá á Reykjum í Tungusveit 1911 — 1914, en
fóru þá byggðum að Þverá í Hallárdal vestur. Guðrún lézt árið 1916.
Son áttu þau Stefán, Svein, er lézt á tvítugsaldri. Auk hans ólu þau
upp frá frumbernsku systurson Guðríðar, Barða Brynjólfsson, mál-
arameistara á Akureyri. Eftir að Guðríðar missti við var Stefán til
heimilis á ýmsum stöðum og drengirnir báðir á hans vegum.
Arið 1920 kvæntist Stefán öðru sinni og gekk þá að eiga Krist-
björgu Jónsdóttur frá Höfðahólum vestra (d. 30. okt. 1955), sjá
Glóðaf. 9 .h. 1969, bls. 47. Fyrsta hjúskaparárið voru þau á Lýtings-
stöðum, en bjuggu síðan á Giljum, Ölduhrygg og írafelli lengst, svo
sem frá er greint í þætti Kristbjargar. Synir þeirra eru tveir: Reimar,
bifreiðarstj., og Hjalti, forstj., báðir í Reykjavík.
Þau Stefán og Kristbjörg slitu samvistum árið 1939. Eftir það var
hann lengstum til heimilis á Vindheimum, en í vegavinnu á sumr-
um, meðan heilsa entist. Síðustu árin þrjú var hann á ellideild
Héraðssjúkrahúss Skagf. á Sauðárkróki.
Stefán Sveinsson var þrekinn meðalmaður á vöxt, myndarlegur
í sjón, oftast hress í bragði og viðræðuglaður. Hann var mikill
Stefán Sveinsson