Glóðafeykir - 01.09.1976, Side 59

GLÖÐAFEYKIR
59
og öllum vel tekið, háum jafnt sem lágum, enda nutu þau óskoraðr-
ar virðinsíar oa: vinsælda.
O O
Jóhannes á Reykjum var hestlaginn og góður tamningamaður.
Hann var lagvirkur í bezta lagi, nærfærinn við menn og skepnur og
oft til hans leitað. Hann var drengskaparnraður, raungóður og
hjartahlýr.
Eiður B. Sigtryggsson, vélsmiður á Sauðárkróki, varð bráðkvaddur
þ. 22. okt. 1970. "
Hann var fæddur á Sauðárkr. 19. des. 1935 og var því tæplega
hálffertugur, er hann lézt. Foreldrar hans
voru Sigtryggur Einarsson frá Héraðsdal,
starfsm. hjá Kaupfél. Skagf., og kona hans
Ágústa lónasdóttir, sjá Glóðaf. 1969, 9. h.
bls. 45.
Eiður ólst upp hjá foreldrum sinum á
Sauðárkróki, yngstur 6 systkina. Heimilið
var traust og gott, enda þótt eigi væri auð-
ur í garði. Eiður stundaði nám í gagnfræða-
skólanunr á Sauðárkr. og lauk landsprófi
1952. Eigi hugði hann þó til framhalds-
náms, en var haldinn nrikill útþrá, hvarf
af landi brott 16 ára gamall og þá til Norð-
urlanda, dvaldist þar um tveggja ára skeið við nám og störf, lengst
í Finnlandi og sótti þar lýðháskóla. Er heim kom aftur vann hann
fyrst 2 ár á Keflavíkurflugvelli, hóf síðan iðnskólanám á Sauðár-
króki, vélsmíðanám í Hafnarfirði og Reykjavík. Að námi loknu
stofnaði hann með öðrum vélsmiðjuna „Málm“ í Reykjavík og rak
hana nokkur ár. „Vegna ýmissa aðstæðna sá liann sér þó hentugra
að vinna öðrum, enda mjög eftir því leitað, því að maðurinn var
traustur í orði og verki og flestum góðum kostum búinn“. (sr. Þ.
Steph.). Fór hann þá fyrst til Raftækjasmiðjunnar h/f í Hafnarfirði
og síðan heim til Sauðárkróks, er honum bauðst þar, árið 1969,
verkstjórastaða við Vélaverkstæði Kaupfél. Skagf. Var honum mikið
fagnaðarefni, að fá framtíðaratvinnu á æskuslóðum.
Á gamlaársdag 1963 kvæntist Eiður Ingibjörgu Hólm Vigfúsdótt-
ur. Börnum hennar tveim, Ástu og Jóhannesi, reyndist Eiður sem
bezti faðir. Með konu sinni eignaðist hann tvö börn: Jennýu Ingu
og Ágúst Brynjar.
Eiður Sigtryggsson var hár maður og þrekvaxinn, vasklegur í
Eiður B. Sigtryggsson