Dagblaðið Vísir - DV - 03.10.2014, Page 8

Helgarblað 3.–6. október 20148 Fréttir
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Svikahrappi vikið
úr Háskóla Íslands
n Rekinn úr skólanum eftir sex ára doktorsnám n Löng slóð svika á netinu
S
íðastliðinn febrúar var Linjie
Chou, kínverskum doktors­
nema við Háskóla Íslands,
vísað formlega úr skólanum.
Hann hafði stundað nám við
viðskiptafræðideild skólans um árabil
undir handleiðslu Snjólfs Ólafssonar.
Óljóst er nákvæmlega hvers vegna
Chou var vikið úr skólanum en þegar
fyrst var fjallað um mál hans í fjöl­
miðlum fyrir tæpu ári þá var greint
frá því að sterkur grunur léki á að um
ritstuld væri að ræða hvað doktorsrit­
gerð hans varðaði. Þá hefur hann skil­
ið eftir sig langa svikaslóð á netinu.
Málið þykir hið vandræðalegasta
fyrir Háskóla Íslands en upp komst
um lygavef hans um svipað leyti og
Chou skilaði doktorsritgerð sinni í
júní árið 2013. Samkvæmt heimild­
um DV vísaði Daði Már Kristófers­
son, forseti félagsvísindasviðs, Chou
úr skólanum með formlegu bréfi. Í
samtali við DV segist Daði ekki geta
tjáð sig um einstaka nemendur en
segir þó almennt séð að háskólinn sé
að herða skimun nemanda.
Óáreiðanlegar upplýsingar
færst í vöxt
Daði segir að eftir að hafa rætt við lög­
fræðinga háskólans hafi niðurstaðan
orðið sú að hann geti ekki tjáð sig um
einstaka nemendur. „Það væri algjör­
lega óeðlilegt, við verðum að virða
þetta,“ segir Daði. Hann er þó tilbú­
inn að ræða almennt um falsaðar fer­
ilskrár nemenda. „Við getum almennt
sagt að eins og allir háskólar stönd­
um við frammi fyrir því að nemend­
ur reyni eftir öllum tiltækum leiðum
að komast í nám. Það hefur færst í
vöxt að þær upplýsingar sem okkur
gefnar eru ekki áreiðanlegar. Við höf­
um verið að herða eftirfylgnina ár frá
ári, þetta er algjörlega almennt,“ seg­
ir Daði.
Ekkert gert við ábendingu
Upp komst um lygavef Chou líkt og
fyrr segir stuttu áður en hann átti að
verja doktorsritgerð sína. Hafði sam­
nemandi hans leitað að honum á
netinu og fundið auglýsingar Chou.
Samnemandinn hafði samband við
yfirmenn úr stjórnsýslu háskólans og
lét vita að ekki væri allt með felldu. Í
október það sama ár fjallaði DV fyrst
um málið og kom þá í ljós að erindi
samnemandans hafði ekki verið
sinnt og ekkert gert við ábendinguna.
Samkvæmt heimildum
DV innan viðskiptafræði­
deildar var málið litið
alvarlegum augum í kjöl­
far fréttaflutnings.
Leitað til sendiráðs
Samkvæmt sömu heim­
ildum DV innan deildar­
innar fór forseti viðskipta­
fræðideildar, Runólfur
Steinþórsson, með mál­
ið til æðstu stjórnsýslu
háskólans. Til að kanna
bakgrunn Chou var leit­
að til kínverska sendi­
ráðsins til komast til
botns í hvaða maður
þetta væri. Heimildir DV
ná ekki lengra en á þann tímapunkt
í rannsókn háskólayfirvalda á Chou,
en niðurstaðan var skýr; hann var
tekinn af lista doktorsnema á vef Há­
skóla Íslands og svo í febrúar gerður
brottrækur út skólanum. Líkt og fram
kom í orðum Daða þá geta starfs­
menn háskólans ekki tjáð sig opin­
berlega um mál einstaka nemenda.
Gervidoktor
fyrir gerviprins
Á Linkedin­síðu sinni titlar Chou sig
sem „sir“ og dr. auk ýmissa annarra
heiðursnafnbóta svo sem OSH, OST,
OSS. Þessar heiðursnafnbætur er þó
eintómt plat, líkt og doktorsnafn­
bótin, því við nánari skoðun kemur í
ljós að skammstafanirnar standa fyr­
ir hinar ýmsu gerviriddarareglur. Enn
fremur segist Chou vera utanríkis­
ráðherra Stefáns Tchernetich, prins­
ins af Svartfjallalandi. Stefán prins
af Svartfjallalandi er ítalskur loddari
sem selur heiðursnafnbætur og orð­
ur á netinu. Á heimasíðu Stefáns má
finna undirflokk um „hirð“ Stefáns og
stendur þar að Chou sé sendiherra
„prinsins“ í Kína.
Reyndi að selja Picasso-málverk
Samkvæmt sömu Linkedin­síðu er
Chou margt til lista lagt og titlar hann
sig þar sem málara. Um tíma aug­
lýsti hann til sölu einstök málverk eft­
ir Picasso og Miro á Linkedin. Sam­
kvæmt þeim auglýsingum hafði hann
tekið það að sér að selja málverk­
in fyrir eiganda þeirra. Samkvæmt
fyrstu auglýsingu voru málverkin í
Austurríki, en voru komin stuttu síð­
ar til Svíþjóðar þar sem Chou býr.
Gerviháskólar og HÍ
Chou hefur auglýst fleira á
Linkedin, svo sem doktors­
gráður frá „virtum háskólum“
til að viðkomandi geti „aukið
virðingu sína“. Um er að ræða
svokallaðar pappírsmyllur,
eða „háskóla“ sem selja gráð­
ur gegn vægu gjald. Raunar
er ferilskrá Chou einn langur
lygavefur þar sem hann segist
hafa haft viðkomu hjá hinum
ýmsu „háskólum“ sem allir eru við
nánari skoðun gerviháskólar, auk Há­
skóla Íslands. Á heimasíðu European
New University í Hollandi – annarri
slíkri pappírsmyllu – er hann sagð­
ur vera einn kennara skólans sem og
doktor. Hann er sömuleiðis sagður
vera aðjunkt við Monarch Business
School í Sviss. Um tíma var hann
sagður vera kennari við American
University of London.
Forstjóri og forseti
Auk kennslu og sendiherrastarfa
virðist Chou koma að stjórn hina
ýmsu fyrirtækja. Fyrirtæki þessi virð­
ast í fljótu bragði vera mjög virðu­
leg og eru nöfn þeirra í samræmi við
það. Hann er til að mynda forstjóri
Euro Management Institute SMBA
og forseti miðskrifstofu European
Economic Chamber í menningar­
legri samvinnu – sem virðist vera fyr­
irtæki sem sé ekkert tengt Evrópu­
sambandinu.
Hótaði aðjunkt
DV hefur áður fjallað um mál Chou
en fyrir tæpu ári var greint frá hótun
sem Friðrik Eysteinsson sagðist hafa
fengið frá honum. Friðrik er fyrrver­
andi aðjunkt við viðskiptafræðideild
og hafði hann ítrekað beint athygli að
misbresti í námi Chou. „Hann hringir
í mig á miðvikudaginn og spyr hvort
hann sé að tala við Friðrik. Hann seg­
ir til nafns og segir að ég sé að bera út
á netinu að hann hafi skilað inn dokt­
orsritgerð sem hafi verið stolin. […]
Hann segir að hann sé með alþjóð­
legt teymi lögfræðinga á sínum veg­
um og ætli að kæra mig fyrir að vera
bera þetta út. Ég sagði honum að þá
skyldi hann bara gera það, það væri
bara best því ég hef talað um meintan
stuld í þessu máli. Þá æstist hann all­
ur upp og sagði að hann þekkti fyrr­
verandi foringja í kínverska hernum
og hvort ég vildi fá hann í heimsókn.
Þú veist nú hvernig þeir haga sér, þú
færð bara hnakkaskot. Hann sagði
svo að hann gæti séð til þess að þessi
fyrrverandi herforingi kæmi mér fyr­
ir kattarnef ef ég þegði ekki um þessa
doktorsritgerð,“ sagði Friðrik í samtali
við DV í október í fyrra. n
Hjálmar Friðriksson
hjalmar@dv.is
Í sínu fínasta pússi Hér má
sjá „sir“ Chou í búningi hirðar
„prinsins“ af Svartfjallalandi.
Leiðbeinandi Snjólfur Ólafsson, prófess-
or í viðskiptafræði, var leiðbeinandi Chou.
„Prinsinn“ og Chou Hér má sjá Chou og Stefán „prins“ af Svartfjallalandi í boði. Chou segist vera utanríkisráðherra Stefáns sem er í raun ítalskur loddari.
Selur gráður og Picasso
Chou hefur auglýst aðstoð sína
við að útvega doktorsgráður og
einnig hefur hann tekið að sér
að selja verk Picasso.