Málfregnir - 01.10.1988, Blaðsíða 26

Málfregnir - 01.10.1988, Blaðsíða 26
staöa þjóöarbúskapar okkar og tilveru. Aðiljar, sem ég hef hér á undan talið til andlegrar forystusveitar þjóðarinnar, stíga dansinn ekki miður en aðrir í þessu efni. Vissulega ber það vott um innra styrk menningar ef hún getur sporðrennt og látið aftur af sér ganga alþjóðlegan átufisk á borð við útúrsnúningstískuna, sem verið hefur faraldur um sinn. Happdrætti Háskóla íslands hrópaði út til þjóðarinnar: „Látið ekki happa- þrennu úr hendi sleppa". Málleg glappa- skot verða á þessari tíð keppikefli manna. Tilbreytingin til þess að vekja eftirtekt, viss fjarlæging málsins frá því hversdags- Iega til þess að ná betur athygli áheyr- anda hefur að sjálfsögðu verið keppikefli ræðumanna á öllum öldum, en núna, á öld auglýsinganna, þegar hamingjan á sem mest að vera fólgin í neyslu, virðist þó greinilega keyra um þverbak í þessu efni. Má líklega þakka fyrir það þegar hin snjöllu málglappaskot nútímans eru úr heimafengnu efni eins og dæmin tvö, en ekki útlend. Á þessari öld verður þörfin fyrir leið- beinandi (ekki Iögbjóðandi) málrækt meiri en nokkru sinni, og við eigum meira undir því en orð fái lýst að skot- menn auglýsinganna svo og allir aðrir fjölmiðlendur beri þroskað skyn á móð- urmálið. 26

x

Málfregnir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Málfregnir
https://timarit.is/publication/1146

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.