Bændablaðið - 19.06.2014, Blaðsíða 1

12. tölublað 2014 Fimmtudagur 19. júní Blað nr. 421 20. árg. Upplag 31.000
Meira um æðarræktina á bls. 18. Mynd / GHJ
Kauptilboði í Ístex hafnað
– erlendir krónueigendur taldir standa á bak við tilboðið
Þrír stærstu eigendur
ulllarvinnslunnar Ístex höfnuðu
að beiðni forystu sauðfjárbænda
kauptilboði sem gert var í
hluti þeirra í fyrirtækinu fyrir
skemmstu. Tilboðið kom frá
fjárfestum sem ekki var gefið
upp hverjir væru en allt bendir
til að um erlenda krónueigendur
hafi verið að ræða. Landssamtök
sauðfjárbænda, sem eiga ríflega
15 prósenta hlut í fyrirtækinu,
leita nú að fjárfestum tengdum
bændum sem gætu keypt hlutinn.
H l u t u r i n n
sem um ræðir er
í eigu Guðjóns
Kr i s t i n s sona r,
framkvæmdastjóra
fyrirtækisins, Jóns
H a r a l d s s o n a r
framleiðslustjóra
og Vik to r s
Guðbjörnssonar,
sem hefur haft umsjón með
tæknimálum og viðhaldi Ístex.
Heildarverðmæti Ístex er metið
á tæpar 550 milljónir. Hlutur
Guðjóns, Jóns og Viktors er 34
prósent. Landssamtök sauðfjárbænda
eiga 15,5 prósenta hlut í Ístex, nú-
og fyrrverandi starfsmenn 13%,
fjármálafyrirtæki og önnur fyrirtæki
eiga um sjö prósenta hlut og 1.800
nú- og fyrrverandi ullarinnleggjendur
eiga síðan það sem út af stendur. Eins
og áður segir er ekki ljóst hvaða
aðilar stóðu að baki tilboðinu en
því var komið á framfæri í gegnum
verðbréfafyrirtækið Virðingu.

Huga að því að setjast
í helgan stein
Guðjón segir í samtali við
Bændablaðið að hlutur þeirra
félaga sé vissulega til sölu áfram
þrátt fyrir að umræddu tilboði hafi
verið hafnað. „Við höfum í sjálfu
sér ekki unnið markvisst að því að
selja okkar hlut en við erum farnir
að eldast. Sá sem er elstur í hópnum
er 72 ára og á þeim aldri fara menn
að huga að því að setjast í helgan
stein. Við höfðum fengið tilboð í
hlutinn áður, en síðan kom tilboð
án allra skuldbindinga. Ég bar það
undir stjórnarformanninn, sem aftur
bar það undir forystu Landssamtaka
sauðfjárbænda. Þar á bæ leist
mönnum ekki vel á að okkar hlutur
færi í hendur annarra og óskuðu
eftir að við höfnuðum tilboðinu
sem við gerðum. Við gerðum það
í ljósi þess að bændur stefndu að
því sjálfir að kaupa okkur út úr
fyrirtækinu. Hvar það mál er statt
veit ég hins vegar ekki. Við höfum
átt í góðu samstarfi við bændur og
okkur liggur í sjálfu sér ekki lífið á,
við erum alveg rólegir og erum bara
að reka okkar fyrirtæki. Það kemur
hins vegar auðvitað að því að við
bjóðum þetta falt.“
Guðjón segir líkur benda til að um
hóp erlendra krónueigenda hafi verið
að ræða sem hafi viljað fjárfesta fyrir
fjármuni sem eru fastir hér á landi.
„Tilboðið er hins vegar úr sögunni,
við höfnuðum því.“
Rætt við aðila tengda bændum
Sigurður Eyþórsson, fram-
kvæmdastjóri Landssamtaka
sauðfjárbænda segir mikilvægt að
hægt sé að treysta því að fyrirtækið
sinni áfram þjónustu við bændur,
enda sé það eina fyrirtækið sem sé
með ullarmóttöku á landinu. „Okkur
er auðvitað ekki sama hvað um þetta
fyrirtæki verður. Það er mikilvægt
fyrir sauðfjárbændur og samtökin
eiga tæp 16 prósent í því. Við
ákváðum í framhaldinu að ræða við
aðila sem hefðu hugsanlega áhuga á
að kaupa þennan hlut þannig að hann
myndi enda í höndum bænda eða
fyrirtækja tengdra þeim. Við höfum
rætt við nokkra aðila en það er ekki
komin nein niðurstaða í málið.“
Rekið með hagnaði síðustu ár
Ístex var reist úr rústum Álafoss fyrir
rúmum tuttugu árum. Fyrirtækið
er hið eina á landinu sem tekur
við ull frá bændum. Ístex rekur
ullarþvottastöð á Blönduósi og
verksmiðju í Mosfellsbæ. Rekstur
Ístex hefur á undanförnum árum
gengið vel eftir að hafa verið í
járnum framan af. Hagnaður hefur
verið af rekstri fyrirtækisins frá árinu
2009 og árið 2012 var hagnaðurinn
77 milljónir á sama tíma og skuldir
lækkuðu um 74 milljónir. Á síðasta
ári var hagnaður fyrirtækisins 46
milljónir króna. Það má rekja til
gríðarlega aukinna vinsælda íslensks
lopa frá hruni, sem og aukins
útflutnings. /fr
Fíflahátíð, hátíð
til heiðurs okkar
ástkæra túnfífli,
verður haldin á
vegum ferða-
þjónustunnar
Lamb Inn á
Öngulsstöðum í
Eyjafjarðarsveit
laugardaginn
21. júní. Heilmikið verður við
að vera frá morgni til kvölds.
Skemmtidagskráin „Úti á túni“
stendur frá 14 til 16 og hátíðin
endar síðan með kvöldvöku.
Bændur keppa í Fíflagangi,
tónlistaratriði verða flutt,
brekkusöngur og markaður.
Dagurinn hefst með hlaupi upp
á fjallið Haus kl. 10.00 fyrir þá
spretthörðu.
„Hugmyndin kviknaði í
fyrrasumar,“ segir Guðný
Jóhannesdóttir hjá ferðaþjónustunni
Lamb Inn á Öngulsstöðum í
Eyjafjarðarsveit. „Við vorum að
tína fífla í miðri breiðu hér úti á
túni, en við búum til túnfífilshunang
og bjóðum upp á það við
morgunverðarborðið. Í einhverjum
fíflagangi fórum við að tala um hvort
ekki væri hægt að búa til viðburð
þar sem fífillinn væri í forgrunni, að
gera þessari algengu og fallegu jurt
hátt undir höfði. Hugmyndin fékk
að þróast á liðnum vetri en nú er
komið að því að við ætlum að blása
til hátíðar fíflinum til heiðurs. Við
byrjum smátt en verði viðbrögðin
góð er ekki ólíklegt að hátíðin vaxi
að umfangi þegar fram líða stundir.
Nú og svo er þessu auðvitað sjálfhætt
ef enginn vill fíflast með okkur.“
/MÞÞ
Fíflahátíð í Eyjafirði
Ráðgjafarmiðstöð land-
búnaðarins (RML) hefur
tekið við rekstri Bygginga-
þjónustu landbúnaðarins af
Bændasamtökunum.
Um ára-
tuga skeið hafa
s t a r f s m e n n
b y g g i n g a -
þjónustunnar,
undir forystu
M a g n ú s a r
Sigsteinssonar
sem nú lætur af störfum fyrir
aldurs sakir, teiknað og hannað
byggingar í sveitum landsins.
Magnús var ráðinn fyrsti
landsráðunautur í byggingum og
bútækni hjá Búnaðarfélagi Íslands
árið 1968 og hefur starfað fyrir
bændur á þeim vettvangi síðan.
Hjá RML mun Unnsteinn Snorri
Snorrason fara fyrir verkefnum
sem snúa að byggingum og
bútækniráðgjöf. RML mun leggja
áherslu á þverfaglega tengingu í
ráðgjöf til bænda við nýbyggingar
og endurbætur á eldri byggingum.
RML tekur við
Byggingaþjónustu
landbúnaðarins
Guðjón Kristinsson
Mynd / HKr.
Sigrún Bjarnadóttir er nýr 29Sýning til heiðurs
14 7