Skírnir - 01.01.1972, Qupperneq 16

14 ÞORBJÖRN BRODDASON SKÍRNIR
að nær helmingur (47%) þeirra, sem fá í álögum að gjöf eru
undir tvítugu. Það virðist því gild ástæða til að ætla að I álögum sé
í verulegum mæli unglingabók. (Hún verður þó alls ekki afgreidd
eingöngu sem slík, eins og betur kemur í ljós.)
Markverðast við aldursskiptingu kaupenda Onnu er hversu mjög
þeir safnast á áratuginn milli tvítugs og þrítugs. Tiltölulega fáir eru
mjög ungir eða mjög gamlir (Þiggjendabópar Önnu og Innlanda
eru mjög svipaðir kaupendahópunum hvað aldurskiptingu við-
víkur.)
Höfundur Önnu hefur augljóslega fundið mjög sterkan hljóm-
grunn meðal vissra hópa ungs fólks, en eftir er að reyna hvort
þessi hrifning á eftir að dreifast á aðra aldursflokka með tímanum.
Beinn samanburður milli íslenzku og sænsku kaupendanna á
þessu sviði er ekki leyfilegur. Ein ástæðan til aldursmunarins er
einfaldlega að flestar ef ekki allar sænsku bækurnar mundu einnig
höfða til eldri lesendahóps á Islandi.
MENNTUN KAUPENDA
Upplýsingar vantar um síðasta próf mjög margra íslenzku kaup-
endanna. Ætla mætti að þetta atriði þyrfti ekki að vefjast fyrir
mönnum, en það reyndist öðru nær eins og tafla 6 sýnir. Við at-
hugun á þessari töflu er vert að hafa í huga, að í þó nokkrum til-
vikum er verið að veita upplýsingar um „hinn“ aðilann og því
ekki óeðlilegt að einhverjar gloppur séu í persónufróðleiknum.
En það er af og frá að sú skýring dugi ein því eins og sjá má
leikur hlutfall óveittra svara við þessari spurningu á bilinu 15 til
64%. Svíarnir svara þessari spurningu undantekningarlaust betur
en Islendingarnir, einnig varðandi Legionarerna, en svarendur
þeirrar bókar áttu við sama vanda að glíma að þessu leyti sem ís-
lenzku svarendurnir. Hér er þó nauðsynlegt að ítreka að heinn
samanburður milli landanna er varasamur vegna þess hve grund-
völlur hans er ótraustur.
Hvað sem samanburði líður er fullljóst að kaupendur íslenzku
bókanna eru viðkvæmir fyrir þessari spurningu og viðkvæmnin
eykst eftir því sem þeir hafa færri próf að baki. Þess vegna skera
kaupendur I álögum sig úr með lágt svarshlutfall við þessari spurn-