Skírnir - 01.01.1972, Qupperneq 99

SKÍRNIR
BREF TIL HORNAFJARÐAR
97
Kenndu bara móral og mannelsku - þesskonar verkar helzt og bezt
og er hægast fyrir jafna menn, - vitmenn að vröfla um.
Á GRÁUM KUFLI
Rvk 11/5 1880
Elskuvin!
Nú í því jeg ætla að fara að skrifa þér kl. 10 e. m. og útgjörður
af alls konar drasli finn jeg ekki þitt elskul. bréf, sem jeg las með
einlægri vinargleði. Guð gefi þér kærkominn fjársjóð í tilvonandi
konu. Kynið virðist ágætt og af þeirri ætt fer mikið og fagurt orð.
Sannarlega liggja samfaraforlögin dýpra en við vitum. Ef við hefð-
um fleiri skilningarvitin sæum við fleira.
Þá er nú okkar heiðurskempa háttuð og sofnuð við hlið konu
sinnar! Hann lifði og lézt konunglega og var að öllu okkar ágætasti
maður. Jeg helt ræðu eptir hann og hafði fyrir texta Pgbókar 27,
28-29 v. Ræðurnar verða prentaðar þegar næsti póstur fer og skal
jeg þá senda þér eitt expl. Hvernig þykja þér kvæðin? Söngurinn
og öll útförin tókst mikið vel jeg held að öllu leyti. - Nú ekki meira
um það. - Ekki kemst jeg austur í brúðkaup þitt, þó væri það ekki
alveg ómögulegt ef jeg vissi daginn og skip væri þá á ferðinni,
því undur langar mig að sjá Austurland. - Hvað þú ert lifandi og
spilandi í anda og sál, og vera þarna undir urðarmánanum! Nú er
urgur í blöðunum á voru landi. Verst er að það drepur alla blaða-
menn. Isa og Þjóðólfur berjast í bökkum með kaupendur Þjóð.
1100 og ísa 1000 eða ríflega það. Skuld -f- skömmunum er kannske
skársta blaðið. Auglýsingarnar drepa mitt blað og halda þó undir-
eins lífinu í því.
Grímur var með vondan kúf er virðar Jóni
urpu haug á helgu Fróni.
Á gráum kufli Grímur fylgdi gamla Jóni
urðarköttur konungsljóni!
„Lesið ekki lengi yfir látnum Jóni!“
Mjáhnaði fress hjá föllnu ljóni.
7