Skírnir - 01.01.1972, Síða 112

JEG RUBBAÐI UPP DRAMA Á RÚMRI VIKU
Akure 28/5 90
Minn frómi og blessaði bróðir!
Ó þú Skjæbnens Ironí
að ala þig í slíkri kví
þar sem heimskan liorfir grá
Hornafjarðar mánann á!
Nú hefðurðu átt ekki að hafa farið þína hringferð (eins og efinn
hjá séra Þórarni!) í fyrra. Nú hefðuð þið átt að koma og minnast
með okkur Helga magra 20. júní. Apropos! Björn fróði er nú aust-
ur í Þingmúla að gipta sig, en í fjarveru hans kemst jeg að því að
hann í laumi út úr pappírsvandræðum liefur lagt 700 arkir upp af
Lýð þ. á. fyrir 900 og gleymt að senda ýmsum, þar á meðal líkl. þér
- jeg skal samt til vara spyrja að því áður en skipið fer. Jeg man
ekki hvort jeg sendi þér línu um daginn og sagði þér af hátíðar-
hringli okkar í minn. Helga magra, sbr. Lýð. Jeg rubbaði upp á
rúmri viku drama í 4 þ. lauslegu, en, að því fólk segir, skemmtilegu
og með brúkanlegum tilþrifum. 1. þ. barátta Helga við sj. sig (út af
trú og fatisma) og höfuðskepnurnar, en síðan landtaka hs og land-
nám. 2. þ. vorþing á Oddeyri. Helga er skorað á hólm af Þóri
þussasprengi. Auðun rotinn berst við berserk þann í 3. þ. og höggur
undan hm fót í Þórunnareyju. I 4. þ. festir Helgi (og Þórunn) 4
dætur sínar í einu; er þá veizla mikil og fjölmenni í stofu hans í
Kristnesi. „Geiri skáld“ gengur fyrir Helga og færir hm kvæði; það
er 20 flokkur (runhenda). Geiri er sendur af Vestfjörðum. Helgi
hlessar Eyjafjörð. Það eru leikslok. 30 persónur þurfa að leika
(nálægt 20 talandi) og höfum við mikið stapp með að fá valið fólk
til þess. Þó er það nú fengið. Jeg sendi leikinn Birni Olsen og bað
hann að láta prenta hann fyrir þ. 20 júní, en fæ hann líkl. aptur
óprent., því jeg get ekki borgað fyrirfram. -
Ur „sýningunni“ verður víst ekkert, en í hátíðinni vilja allir taka
þátt. Jeg sem formaður hef pantað tjöld að sunnan svo og e. hv. af
fornbúningum og vopnum til leiksins — ef til er.
Gaman væri að þú kæinir en líkl. er það um megn.
Héðan er allt meinlítið að frétta sem stendur. Líkl. bý jeg til ein-
hvern söng og kannske held jeg ræðu — eða fæ séra Davíð til.